ഹരിചരിതം 4 [Aadhi] [Climax] 1145

ഞാൻ അവളുടെ മുഖത്തേക്ക് നോക്കി ഇരുന്നു ബാൻഡേജിട്ട തലയിൽ തലോടി..അവൾ കണ്ണടച്ച് കിടന്നു..കവിളിലേക്ക് ചെറുതായി കണ്ണീർ ഒലിക്കുന്നു…

” എന്താടീ കരയുന്നത്.. ഇതൊക്കെ മാറും പെട്ടെന്ന്… അടുത്ത മാസം നമ്മൾ വീട്ടിൽ പോവും, പിന്നെ കുറച്ചുകാലം കൂടി കഴിഞ്ഞു പ്ലാസ്റ്റർ വെട്ടിയാൽ നമുക്ക് തുള്ളിച്ചാടി നടക്കാം.. ” കണ്ണീർ തുടച്ചുകൊണ്ട് ഞാൻ പറഞ്ഞു.

അന്ന് വൈകുന്നേരം അശോകൻ സാറും അനിത ആന്റിയും മോളും വന്നു.. ശ്രീക്ക് കഴിക്കാൻ കുറച്ചു ഫ്രൂട്സ് ഒക്കെ ഉണ്ട് കയ്യിൽ.. അതിനു മുമ്പ് ഒരു പ്രാവശ്യം വന്നിരുന്നു അവർ, ഞാൻ വീട്ടിൽ പോയ സമയത്തു.. ആന്റിയുടെ മടിയിൽ ഇരിക്കുന്ന കുഞ്ഞിനെ കളിപ്പിച്ചുകൊണ്ട് ഞാൻ ബെഡിൽ ഇരുന്നു. അശോകൻ സാർ കാര്യമായി ഒന്നും സംസാരിക്കുന്നില്ല.. ആന്റി ആണ് ഓരോ കാര്യങ്ങൾ പറയുന്നത്..

പോവാൻ നേരം ശ്രീയെ ആന്റിയെ ഏൽപ്പിച്ചു ഞാൻ അവരുടെ കൂടെ റൂമിനു പുറത്തേക്കിറങ്ങി..

” എന്നാ ഡിസ്‌ചാർജ് ചെയ്യുന്നത്?? “, ആന്റി ആണ്.

” അടുത്ത ആഴ്ച്ച എന്നാണ് പറഞ്ഞത് ”

” ഹരിക്ക് എന്നാ ചെന്നൈയിൽ ജോയിൻ ചെയ്യേണ്ടത്.. ”

” അടുത്ത മാസം ആദ്യം, പക്ഷെ ഇപ്പോൾ പോവാനുള്ള ഒരു ഇന്റെരെസ്റ്റ് ഒന്നുല്ല.. ഇവളിവിടെ ഒറ്റക്കല്ലേ.. ”

” ഹരിക്ക് താല്പര്യം ഉണ്ടെങ്കിൽ ഒരു പ്രോജക്റ്റ് ഉണ്ട്, ഞാൻ സമയം ഇല്ലാത്തത് കൊണ്ട് ചെയ്യില്ല എന്ന് വെച്ചതാ.. ഹരി ഉണ്ടെങ്കിൽ നമുക്കത് ചെയ്യാം.. പ്രോജക്റ്റ് അസിസ്റ്റൻറ് ആയിട്ട് ജോയിൻ ചെയ്‌താൽ മതി.. പക്ഷെ അവിടുത്തെ അത്ര സാലറി ഒന്നും തരാൻ പറ്റില്ല.. മാക്സിമം ഇത്ര രൂപയെ കൊടുക്കാവൂ എന്നുണ്ട്, ഗവൺമെന്റ് കാര്യം അല്ലേ… ?? “, കേട്ടുകൊണ്ട് നിന്ന അശോകൻ സാർ പറഞ്ഞു.

എനിക്ക് മറ്റൊന്നും ആലോചിക്കാൻ ഉണ്ടായിരുന്നില്ല.. സാലറി ഒക്കെ രണ്ടാമത്തെ കാര്യം, ഇവിടെ ജോയിൻ ചെയ്‌താൽ കോളേജിൽ തന്നെ വീണ്ടും ഒന്നോ രണ്ടോ കൊല്ലം, പ്രോജക്റ്റ് തീരുന്ന വരെ..പിന്നെ ശ്രീയുടെ കൂടെ ഇവിടെ നിൽക്കുകയും ചെയ്യാം…

” ഞാൻ റെഡി ആണ് സാർ.. ”

” മ്..എന്നാൽ അടുത്ത ആഴ്ച്ച റിസൾട്ട് വരും, അത് കഴിഞ്ഞു നമുക്ക് നോക്കാം… ”

ഞാൻ റൂമിലേക്ക് കേറി ശ്രീയോട് കാര്യം പറഞ്ഞു.. അവൾക്ക് സന്തോഷം ആയി..

* *  * *  * *  * *  * *

കുറച്ചു ദിവസങ്ങൾക്കുള്ളിൽ ശ്രീയെ ഡിസ്‌ചാർജ് ചെയ്‌തു വീട്ടിലേക്ക് കൊണ്ട് വന്നു.. അതിനിടയിൽ അഭിയേയും വരുണിനെയും നിർബന്ധിച്ചു  ഡൽഹിയിലേക്ക് തിരിച്ചയച്ചിരുന്നു.. അഭി ദിവസവും സ്‌കൈപ്പ് ചെയ്തുകൊണ്ടിരുന്നു.. ആന്റി ലോങ്ങ് ലീവെടുത്തു.. ഭക്ഷണവും മരുന്നും ഒക്കെ എടുത്തുകൊടുക്കാൻ എനിക്ക് പറ്റുമെങ്കിലും, ബാത്‌റൂമിൽ കൊണ്ടുപോവാനും ഡ്രസ്സ് മാറ്റാനും ഒന്നും എനിക്ക് നില്ക്കാൻ പറ്റില്ലല്ലോ.. അവളുടെ പണ്ടത്തെ ഫ്രൻഡ്‌സും ആതിരയും വിശാലും പൂച്ചക്കണ്ണിയും ഒക്കെ ഇടക്കിടക്ക് വന്നുകൊണ്ടിരുന്നു..ബെഡിൽ തന്നെ ഉള്ള കിടത്തം അവൾക്ക് നല്ല മടുപ്പായിട്ടുണ്ടായിരുന്നു.. ലാപ്പിൽ സിനിമ കണ്ടും ഫേസ്ബുക് നോക്കിയും കുറെ സമയം കളഞ്ഞു..പിന്നെ അത് പുസ്തകം വായനയിലേക്കായി.. വീട്ടിലുള്ള ബുക്ക് കൂടാതെ ഞാൻ ഓൺലൈൻ ആയി കുറെ ബുക്ക് ഓർഡർ ചെയ്തു.

റിസൾട്ട് വന്നു, നല്ല മാർക്കോട് കൂടി ഞാൻ പാസായി..അടുത്ത ആഴ്ച്ച തന്നെ