ഹരിചരിതം 4 [Aadhi] [Climax] 1145

ഈശ്വരാ.. ശ്രീ ആണോ?? ” ചേട്ടാ.. ഒരു മിനിറ്റ്.. ഞാനിപ്പോ വിളിക്കാം… ”

ഫോൺ എടുത്തു ശ്രീയുടെ നമ്പർ ഡയൽ ചെയ്തു വിളിച്ചു…

അപ്പുറത്തു ഫോണെടുത്തു…

” ഹലോ.. ശ്രീ.. ”

” സാറേ.. സാറിന്റെ പെങ്ങൾക്ക് ഒരു വണ്ടി തട്ടി..ഇപ്പൊ ഹോസ്പിറ്റലിൽ കൊണ്ട് പോവുന്ന വഴിയാ..ഒന്ന് വേഗം വരാവോ?? ” നേരത്തെ കേട്ട അതെ സ്വരം…

” ചേട്ടാ..നേരത്തെ വിളിച്ച ആളുതന്നെ ആണ്.. എന്താ പറ്റിയത് അവൾക്ക്?? എങ്ങോട്ടാ കൊണ്ടുപോവുന്നത്?? “, വേവലാതിയോടെ ഞാൻ തിരക്കി.

‘ മെഡിക്കൽ കോളേജിലേക്ക് ആണെന്ന് പറ ചേട്ടാ… ‘ അപ്പുറത്തുനിന്നും ആരോ പറയുന്ന ശബ്ദം കേട്ടു…

” ഞാനിപ്പോ വരാം.. “, ഫോൺ കട്ട് ചെയ്തു തിരിഞ്ഞപ്പോഴേക്കും എന്റെ പരിഭ്രമം നിറഞ്ഞ സംസാരം കേട്ടിട്ടാവും, വിശാൽ അടുത്തേക്ക് വന്നു…

” എന്താടാ.. എന്താ?? ”

” എടാ..എന്നെ ഒന്ന് മെഡിക്കൽ കോളേജിലാക്ക്.. ശ്രീക്ക് എന്തോ പറ്റിയിട്ടുണ്ട്… ” ഒരു കരച്ചിലോടെ അവന്റെ തോളിലേക്ക് വീണു..

ഞങ്ങൾ എത്തിയപ്പോഴേക്കും അവളെ ICU വിലേക്ക് മാറ്റിയിരുന്നു. വരുന്ന വഴിക്ക് തന്നെ വിശാൽ ആതിരയെ വിളിച്ചും ആന്റിയെ വിളിച്ചും ഒക്കെ കാര്യങ്ങൾ പറഞ്ഞിരുന്നു.. കുറച്ചു കഴിഞ്ഞപ്പോഴേക്കും അഭി കരഞ്ഞുകൊണ്ട് ഫോൺ വിളിച്ചു…

” ഡാ.. എന്താടാ.. അവക്കെന്താ ഉണ്ടായേ?? ”

” അറിയില്ലെടീ.. ഞാൻ എത്തുന്നതെ ഉള്ളൂ..നീ അവിടെ ഉള്ള ആരെ എങ്കിലും വിളിച്ചു പറയ്… ” ഞാൻ കരഞ്ഞുകൊണ്ട് ഫോൺ കട്ട് ചെയ്തു…

അഭി വിളിച്ചുപറഞ്ഞത് കൊണ്ടാവും, ഞങ്ങൾ എത്തുന്നതിനു മുമ്പ് തന്നെ അവളെ ഓപ്പറേഷൻ തീയേറ്ററിലേക്ക് മാറ്റിയിരുന്നു.. ബസ് കാത്തുനിന്നപ്പോൾ ഓവർ സ്പീഡിൽ വന്ന ഒരു ബൈക്ക് ഇടിച്ചു തെറിപ്പിച്ചതാണ് അവളെ.. തല ഇടിച്ചു വീണതുകൊണ്ട് അധികം സാരമില്ലെങ്കിലും അത്യാവശ്യം നല്ലൊരു മുറിവുണ്ട്, ചെറിയൊരു ഓപ്പറേഷൻ വേണ്ടി വരും എന്നൊക്കെ പറഞ്ഞു എന്റെ കയ്യിൽ നിന്നും കുറെ ഫോം ഒക്കെ ഒപ്പിട്ടു വാങ്ങിച്ചുകൊണ്ട് പോയി..ഞാൻ OT യുടെ മുന്നിൽ തലക്ക് കൈകൊടുത്തു കരഞ്ഞുകൊണ്ടിരുന്നു… ആതിരയും വിശാലും ഒക്കെ കൂടെ ഇരുന്നു ആശ്വസിപ്പിക്കുന്നുണ്ട്.. കുറച്ചുകഴിഞ്ഞപ്പോഴേക്കും ആന്റി എത്തി.. ആന്റിയെ സമാധാനിപ്പിക്കാൻ ഞാൻ സ്ട്രോങ്ങ് ആയി നിൽക്കണമെന്ന് മനസ്സിലാക്കി ഞാൻ എന്റെ സങ്കടം അമർത്തിപ്പിടിച്ചു…

കുറച്ചുകഴിഞ്ഞു ഡോക്റ്ററുടെ റൂമിൽ ഇരിക്കുമ്പോൾ ആന്റി ഉണ്ടായിരുന്നു കൂടെ…

” അഭിരാമിയുടെ സിസ്റ്റർ ആണല്ലേ.. ?? പേടിക്കാൻ ഒന്നുമില്ല, ചെറിയൊരു ഇഞ്ചുറി ആയിരുന്നു.. ഷി ഈസ് ഒകെ നൗ.. പിന്നെ കൈക്കും കാലിനും ഫ്രാക്ച്ചർ ഉണ്ട്.. കുറച്ചുകാലം ബെഡ്‌റെസ്റ്റ് വേണം.. അത്രയേ ഉള്ളൂ… ഇന്നിപ്പോൾ ICU വിൽ കിടക്കട്ടെ.. നിങ്ങൾ പേടിക്കുകയൊന്നും വേണ്ട..ഒബ്സർവേഷന് വേണ്ടി ആണ്.. ”

ഡോക്ടറുടെ വാക്കുകൾ ആശ്വാസം ഉള്ളതായിരുന്നു.. അവരെ സംബന്ധിച്ച് ചെറിയ ഇഞ്ചുറിയും ഓപ്പറേഷനും ഒന്നും വലിയ കാര്യം അല്ലായിരിക്കും, പക്ഷെ നമുക്ക് അങ്ങനെ അല്ലല്ലോ…

ഫോൺ എടുത്ത് അഭിയെ വിളിച്ചു.. വരുൺ ആണ് ഫോൺ എടുത്തത്.. അവരെ ആദ്യം തന്നെ വിളിച്ചു കാര്യങ്ങൾ അറിയിച്ചിട്ടുണ്ട്.. രണ്ടു പേരും