എന്റെ പെണ്ണുകാണൽ ❤️[ലേഖ] 248

“ഞാൻ എന്ത് പറയാനാ അച്ഛാ അതൊക്കെ നിങ്ങൾ തീരുമാനിക്ക് ”

ബ്രോക്കർ അച്ഛനെ ഒന്ന് നോക്കി കണ്ടോ അവൻ സ്ത്രീധനം വേണ്ടാ എന്ന് പറഞ്ഞില്ലാ എന്ന മട്ടിൽ

അച്ഛൻ അതു കുറച്ചു വിഷമം ഉണ്ടാക്കി പുള്ളി എന്നേ വിഷമത്തോടെ നോക്കിയപ്പോൾ ഞാൻ ബാക്കി പറഞ്ഞത്

“എനിക്ക് മാളൂനെ ഇഷ്ടമായി, മാളൂനും ഇഷ്ടമായെങ്കിൽ ബാക്കി കാര്യങ്ങൾ മുതിർന്നവർ തീരുമാനിക്കു എന്നാ ഞാൻ പറഞ്ഞത്
പിന്നെ സ്ത്രീധനം ആയിട്ട് എനിക്ക് മാളൂന്റെ ഉത്തരവാദിത്തങ്ങൾ മാത്രം ഇങ്ങു തന്നാൽ മതി അതു ഞാൻ നോക്കി നടത്തിക്കോളാം. അങ്കിൾ മാളുനോട് സംസാരിച്ചു അറിയിക്കു. മാളൂന്റെ സമ്മതം കൂടി ഉണ്ടേൽ നമുക്ക് ഇത് മുന്നോട്ടു പൊകാം ഇതാണ് എനിക്ക് പറയാൻ ഉള്ളത് ”

അച്ഛൻ എന്റെ കൈയ്യിൽ അമർത്തി പിടിച്ചു സന്തോഷത്തോടെ ഒന്നു നോക്കി. എന്നിട്ട് ബ്രോക്കറെ അഭിമാനത്തോടെ ഒന്നു നോക്കി “കണ്ടോടോ എന്റെ മോൻ, ഞാൻ വളർത്തിയതാ അവനെ അവനു കാശിനോടോ പണത്തോടോ ആർത്തി വരില്ലാ ” എന്നൊരു ഭാവത്തോടെ.

പാവം ബ്രോക്കർ നൈസ് ആയി പ്ലിങ്ങി ഇരിക്കുന്നു. ഇപ്പോൾ ഒക്കെ സ്ത്രീധനത്തിന്റെ ഒരു ശതമാനം ആണലോ അവരുടെ ബ്രോക്കർ ഫീ ആയി അവർ തീരുമാനിക്കുന്നത്. പാവം അതിന്റെ വിഷമം കാണും.

അയാൾക് ഒരു ബ്രോക്കർ ഫീ അച്ഛൻ കൊടുക്കും അതു എന്നേ തൂകി വിറ്റതിന്റെ ശതമാനകണക്കിൽ വേണ്ടാ അയാൾ ചെയ്യുന്ന ജോലിയുടെ കൂലി ആയി മതി.

ഞങ്ങൾ ഇറങ്ങുന്നു എന്ന് പറഞ്ഞു ഇറങ്ങിയപ്പോൾ മാളൂന്റെ അച്ഛൻ എന്റെ കൈ ചേർത്ത് പിടിച്ചു കുലുക്കി . അങ്ങനെ എല്ലാരോടും യാത്ര പറഞ്ഞു ഇറങ്ങി നൈസ് ആയി ഒളികണ്ണിട്ടു നോക്കിയിട്ടും മാളൂനെ എവിടേം കണ്ടില്ല. ആഹ് പോട്ടെ സംഭവം ഓക്കേ ആണേൽ ഇനിയും കാണാല്ലോ അലെൽ വിടാം

അച്ഛൻ എന്നേ ചേർത്ത്‌ പിടിച്ചു നടന്നു. ചെമ്പൻ ഡ്രൈവിംഗ് സീറ്റിൽ കേറി ബ്രോക്കർ അവന്റെ കൂടെ മുൻപിൽ കേറി. അച്ഛൻ പുറകിൽ കേറി.

കൂടെ കേറുന്നതിനു മുൻപ് ഞാൻ തിരിഞ്ഞു നോക്കിയപ്പോൾ ജനലഴികളിൽ കൂടെ കണ്ട വാലിട്ട് രണ്ടു കണ്ണുകളിൽ ഒരു തിളക്കം.

അതിൽ എനിക്കുള്ള സമ്മതവും ഒരു പൊടിക്ക് പ്രണയവും ഞാൻ അങ്ങ് വായിച്ചെടുത്തു……………..

ലേഖ ✍?