എന്റെ മാത്രം ചങ്കത്തി 2 [കുക്കു] 52

അവൻ എന്തൊക്കെയോ ചോദിക്കുന്നുണ്ട്. പൊട്ടിത്തെറിക്കാൻ നിൽക്കുന്ന ഒരു അഗ്നിപർവതത്തിന്റെ മുന്നിൽ പെട്ട പോലെ അയി അവന്റെ അവസ്ഥ. എന്തായാലും ആ ഫ്രണ്ട്‌സ്ഷിപ്പ്ന് ഒരു തീരുമാനം അയി.അല്ലെകിലെ ഫ്രഡ്സ് എന്നു പറയാൻ ആരും ഇല്ല.ഉള്ള ഒരുത്തനെയും ഓടിച്ചു വിട്ടപ്പോൾ നിനക്ക് സമാധാനം ആയാലോ അല്ലേ. ഉള്ളിൽ ഉള്ളവനും എന്നെ കുറ്റപ്പെടുത്തുന്നു. കൂടെ എല്ലാത്തിനും കട്ടക്ക് നിന്നവൻ ആണ്. അവനും കൂടെ കുറ്റപ്പെടുത്തിയപ്പോൾ സന്തോഷം ആയി😞😢.എനിക്ക് ആരോടെങ്കിലും പറയാൻ പറ്റോ ഒരാളെ ഇഷ്ടം ആയിരുന്നു.കുറെ സ്വപ്നങ്ങൾ കണ്ടു ഇഷ്ടം പറയാൻ ചെന്നപ്പോ ആണ് കല്യാണം കഴിഞ്ഞു എന്നു അറിയുന്നേ എന്നു.അപ്പോ ആണ് വീട്ടിൽ നിന്നും കാൾ. അമ്മച്ചിയുടെ ശബ്ദം കേട്ടപ്പോൾ തന്നെ മനസ്സൊന്നു പിടഞ്ഞു. എക്സാം എങ്ങനെ ഉണ്ടായിരുന്നു എന്നു അറിയാൻ ഉള്ള വിളി ആണ്. പാവം ആണ് എനിക്ക് വേണ്ടി ആണ് ജീവിക്കുന്നത് തന്നെ. ഇവരെയൊക്കെ മറന്നിട്ട് ആണല്ലോ ഞാൻ ഇങ്ങനെയൊക്കെ കാട്ടിക്കൂട്ടിയത്. അതും വൺ സൈഡ് ലവിനു വേണ്ടി . എനിക്ക് എന്തെങ്കിലും പറ്റിയാൽ പോലും എന്താണ് കാരണം എന്ന് എനിക്ക് അല്ലാതെ ആർക്കും അറിയില്ല.എല്ലാം എന്റെ തെറ്റ് ആണ്.പ്രായത്തിന്റെ പക്വത എങ്കിലും കാണിക്കണമായിരുന്നു.

അമ്മച്ചിയോടു സംസാരിച്ചു ഫോൺ വെച്ചപ്പോ തന്നെ മനസ്സൊന്നു തണുത്തു.മനസ്സ് പിടിച്ചാൽ കിട്ടാത്തപ്പോൾ അല്ലെകിലും അമ്മമാരോട് വെറുതെ സംസാരിച്ചാൽ മാത്രം മതി ഉള്ളൊന്ന് തണുക്കാൻ. എന്റെ കാര്യത്തിൽ അമ്മയോടും എന്റെ കുഞ്ഞാവയോടും സംസാരിക്കുബോൾ എന്റെ സങ്കടം മാറിയിട്ട് ഉണ്ട്. അനുഭവം ആണ്ട്ട്ടോ.എങ്ങനെ ഒക്കെ മനസ്സിനെ ആശ്വസിപ്പിക്കാൻ നോക്കിയാലും ഒരു നീറൽ മനസ്സിന്റെ ഉള്ളിൽ.

ഇനിയൊരിക്കലും അവളോട് മിണ്ടില്ല. അവൾ എന്റെ ലൈഫിൽ ഇനി ഉണ്ടാവില്ല. എന്നിങ്ങനെയുള്ള തീരുമാനങ്ങളെടുക്കാൻ തന്നെ രണ്ടുമൂന്നു ദിവസം വേണ്ടി വന്നു.

അങ്ങനെ വീണ്ടും പണി തിരക്കിലേക്ക്.പതിയെ പതിയെ ആ വേദന മറക്കാൻ ശ്രമിച്ചുകൊണ്ടിരുന്നു.എങ്ങനെയൊക്കെ മറക്കാൻ ശ്രമിച്ചാലും എന്തോ കഴിയുന്നില്ല. ഇനിയിപ്പോ എന്താ അടുത്ത എക്സാമിന് കാണും. ഞാൻ കൂടുതൽ കമ്പനിക്ക് പോവില്ല. എനിക്ക് അതിന്റെ ആവശ്യമില്ല. ഇങ്ങനെയുള്ള മനസ്സിന്റെ ഓരോ ചാഞ്ചാട്ടങ്ങൾക്ക് അവളുടെ ഒരു മെസ്സേജ് വരുന്ന വരെയേ ആയുസ്സ് ഉണ്ടായിരുന്നുള്ളൂ. മെസ്സേജ് കണ്ടപ്പോൾ മിണ്ടില്ല എന്ന് തന്നെയാണ് തീരുമാനിച്ചത്. പിന്നെ ഒരു തോന്നൽ അവൾ എന്നോട് എന്ത് ചെയ്തിട്ട് ഞാൻ മിണ്ടാതിരിക്കുന്നത്. എല്ലാം എന്റെ തെറ്റല്ലേ.

അവൾ എന്നെ നല്ലൊരു ഫ്രണ്ട് ആയിട്ടാണ് കാണുന്നത്. അപ്പൊ ഞാൻ മിണ്ടാതിരുന്നാൽ ശരിയാവുമോ. എന്തായാലും റീപ്ലേ കൊടുക്കാൻ തന്നെ തീരുമാനിച്ചു. ക്ലാസ് ഉണ്ട് അതിന്റെ സമയം പറയാൻ വേണ്ടി വിളിച്ചതാണത്രേ. എനിക്ക് വരാൻ കഴിയില്ല ഡ്യൂട്ടി ഉണ്ട്. ഞാൻ പറഞ്ഞൊഴിഞ്ഞു. എന്നാലും ഇടയ്ക്കൊക്കെ മെസ്സേജിലൂടെയും ഫോൺ വിളിയിലൂടെയും ബന്ധം മുറിയാതെ നിലനിന്നുപോന്നു. അങ്ങനെ സെക്കൻഡ് സെമസ്റ്റർ എക്സാം അയി. വീണ്ടും എക്സാമിന് പോയി തുടങ്ങി. ഞാൻ ചെല്ലുമ്പോൾ അവൾ അവിടെ ഉണ്ട്.ആദ്യം പോയി മിണ്ടണ്ട എന്നൊക്കെ തീരുമാനിച്ചെങ്കിലും നീ എന്തിന് മിണ്ടാതിരിക്കണം. അതിനു നീ എന്ത് തെറ്റാ ചെയ്തത്.