എന്റെ കുറുമ്പി ? 3 [വിജയ് ] 189

ആ എത്തിയോ ഞാൻ അല്പം മയങ്ങിപ്പോയി ലച്ചുസെ…

എനിക്ക് തോന്നി ആ ചാരി ഉള്ള ഇരുത്തം കണ്ടപ്പോഴേ ഞാൻ പിന്നെ വിളിക്കാഞ്ഞതാ…

അതും പറഞ്ഞു ബാഗും എടുത്ത് അവൾ ഇറങ്ങാൻ തുടങ്ങി…

ലച്ചുസെ ഒരു ഉമ്മ തന്നിട്ട് പോടി….

അയ്യടാ ഓഫീസ് ആണ് ഇത് അത് മറക്കണ്ട….

കോപ്പ് അവളുടെ ഒരു ഓഫീസ്….

നിനക്ക് പറ്റുമെങ്കിൽ താ… ഞാൻ എന്റെ ഭാര്യയോട് അല്ലെ ചോദിച്ചത്…

രാവിലെ തന്നു നാണം കേട്ടതിന്റെ ഷീണം ഇതുവരെയും മാറില്ല… അപ്പോഴാ… ഒന്ന് വാ കണ്ണേട്ടാ… മണി പത്തു ആകാറായി…

ഓ ശരി….

ഞാൻ ഒരു കൃത്രിമ ദേഷ്യത്തോടെ അവളെ മൈൻഡ് ചെയ്യാണ്ട് ഓഫീസലേക്ക് കയറി പോയി…

പഞ്ച് ചെയ്ത്.. എല്ലാവരോടും ഗുഡ്മോർണിംഗ് പറഞ്ഞു.. നേരെ എന്റെ മേശയിൽ  പോയി ഇരുന്നു…

എന്റെ പിറകെ തന്നെ അവൾ ഉണ്ടായിരുന്നു…
അവൾക് അറിയാം ഞാൻ വെറുതെ ദേഷ്യം കാണിക്കുകയാണെന്ന്…

ലെച്ചു ചെന്നപാടെ അവിടെ ഉണ്ടായിരുന്ന അംബിക ചേച്ചി…

എന്താ ചക്കരയും അടയും പിണഗിയോ…?? ഇല്ലെങ്കിൽ ഒരുമിച്ച് ആണല്ലോ കയറി വരുന്നത്…

എന്നെ നോക്കിയ ചേച്ചി ആ ചോദ്യം ചോദിച്ചത്…

ഞാൻ വെറുതെ ചിരിച്ചിട്ട് കണ്ണടച്ചു കാണിച്ചു…

കുറച്ചു നേരം കൂടി ലെച്ചുവിനെ നോക്കാതെ ജോലിയിൽ തന്നെ മുഴുകി ഇരുന്നെങ്കിലും പറ്റുന്നില്ല പുല്ല്….

ഇരുന്നിട്ട് ഒരു ഇരിക്കപ്പൊറുതി കിട്ടുന്നില്ല…

ഞാൻ പതിയെ ലെച്ചുനെ നോക്കി…

ഞാൻ നോക്കുന്നത് കണ്ട് ഒരു കള്ള ചിരിയോടെ അവൾ എന്നെ നോക്കി….

ചിരി കണ്ടപ്പോ പിടിച്ചു വച്ച ദേഷ്യം എല്ലാം പോയി….
ഞാനും ചിരിച്ചു…

അല്ലെങ്കിലും ഇത്രേ ഉള്ളു എന്റെയും അവളുടെയും പിണക്കം….

എന്തായാലും അന്ന് വൈകുന്നേരം ഓഫീസ് കഴിഞ്ഞു പോകാൻ നേരം പെണ്ണ് ഒരു കാര്യം പറഞ്ഞു…

കണ്ണേട്ടാ ഞാൻ ഒരു കാര്യം പറഞ്ഞാൽ ദേഷ്യപ്പെടുമോ..???

നീ കാര്യം പറ ലെച്ചുസേ പിന്നെ അല്ലെ ദേഷ്യപ്പെടുന്നത്…

ചിരിച്ചുകൊണ്ട് ഞാൻ പറഞ്ഞു…

എനിക്ക് ഇന്ന് ബിയർ വേണം….

ഇത്രയും പറഞ്ഞു എന്റെ ഭാവം എന്താന്ന് അറിയാൻ പെണ്ണ് എന്നെ നോക്കി….

എനിക്ക് ചിരിയാണ് വന്നത്…