എന്റെ കുറുമ്പി ? 2 [വിജയ് ] 148

അയ്യടാ ഇപ്പോ ആരു വരുന്നു ഉമ്മ വയ്ക്കാൻ….

പെട്ടന്നു തന്നെ അതിനുള്ള മറുപടിയും വന്നു….

പിന്നെ തിരിച്ചു ഒന്നും പറയാൻ നിന്നില്ല….
സമയം താമസിച്ചിരുന്നു…

വേഗം തന്നെ ഡ്രസ്സ്‌ ഒക്കെ ഇട്ടു റെഡി ആയി കാപ്പി കുടിക്കാൻ ചെന്നു…

അപ്പോഴേക്കും ശ്രീമതി എല്ലാം എടുത്ത് വച്ചിട്ടുണ്ട്…

ലച്ചു വായോ കഴിക്കാം..

വരുന്നു…. അതും പറഞ്ഞു അവൾ  ചോറ് പൊതിയുമായി അടുക്കളയുടെ അകത്തുനിന്നും ഇറങ്ങി വന്നു…

അപ്പോഴേക്കും ഞാൻ  രണ്ടു പ്ലേറ്റിൽ ദോശയും ചമ്മന്തിയും വിളമ്പി…

അവളും അടുത്ത് ഇരുന്നു…

ദോശ എടുത്ത് ചമ്മന്തിയിൽ മുക്കി അവളുടെ വായിൽ വച്ചുകൊടുത്തു…

അവൾ അത് കഴിച്ചു…..

കല്യാണം കഴിഞ്ഞ മുതൽ അങ്ങനെയാ കേട്ടോ…

ഞാനും അവളും ഒരുമിച്ചു കഴിക്കാൻ ഇരുന്നാൽ അങ്ങോട്ടും ഇങ്ങോട്ടും ആദ്യം വാരി കൊടുക്കും …

ലച്ചു ഇങ്ങോട്ടും എനിക്ക് വാരി തന്നു….

അങ്ങനെ ഭക്ഷണം ഒക്കെ കഴിച്ചു പെട്ടന്നു തന്നെ ഞങ്ങൾ ഓഫീസിലേക്കു ഇറങ്ങി….

രാവിലെ ലച്ചുവാ കാർ ഓടിക്കുന്നത്.. വൈകിട്ടു ഞാനും… വൈകിട്ടു ഓടിക്കാൻ ലച്ചുകുട്ടിക്ക് മടിയാ…

അങ്ങനെ രണ്ടുപേരും കാറിൽ കയറി….

അപ്പോ നിങ്ങൾ വിചാരിക്കുന്നുണ്ടാകും രണ്ടുപേരും കൂടി ഒരുമിച്ചു ഏത് ഓഫീസിലേക്കാണ് എന്ന്….

ഞാനും ലച്ചുവും ഒരേ ഓഫീസിൽ ആണ്…
എന്തു ചെയ്യാം എന്റെ വിധി… ഒന്നു മര്യാദക്കു വായ്‌നോക്കാൻ കൂടി പറ്റില്ല ലച്ചു ഉള്ളത് കാരണം..വായ്നോട്ടം ഒക്കെ ചുമ്മാതാ കേട്ടോ.. ഒരു രസം… എനിക്ക് എന്റെ കുറുമ്പി കഴിഞ്ഞേ ഉള്ളു ആരും…. വല്ലാത്തൊരു പ്രേമം ആണ് അവളോട്..
എന്റെ കുറുമ്പിക്കും അങ്ങനെ തന്നെയാട്ടോ…

ഞങ്ങൾ എങ്ങനെ ഒരേ ഓഫീസിൽ എത്തി എന്നുള്ളത് അല്ലെ കഥ പറഞ്ഞു വരുമ്പോൾ നിങ്ങൾക് അത് മനസിലാകും….

കാറിൽ കയറി… ലച്ചു ഡ്രൈവ് തുടങ്ങിയാൽ പിന്നെ അധികം സംസാരിക്കില്ല… ശ്രദ്ധ മുഴുവൻ ഡ്രൈവിങ്ങിൽ ആകും…
ഞാൻ ആ നേരം റേഡിയോ ഓൺ ആക്കി പാട്ടു കേൾക്കും…. ഇന്നും അങ്ങനെ തന്നെ…
സീറ്റിൽ ചാരി കിടന്നു പാട്ട് കേട്ടുകൊണ്ട് ഇരിന്നു….

നമ്മുടെ ദാസേട്ടന്റെ പാട്ട് വന്നത്…

ശിവദം ശിവ നാമം ശ്രീ പാർവതിശ്വര നാമം….
സഭലമി ജീവിതം പ്രേമപൂര്ണം… പാർവതി ലോലനിൽ കരുണയാലെ….

അതും കേട്ടു ഞാൻ വീണ്ടും പഴയ ഓർമകളിക്കു വീണു…..