കൊറോണക്കോമാളി

CoronaKomali | Author : PK

 

“മദ്യവും മദിരാക്ഷിയും മയക്ക്മരുന്നും

പുകവലിയുമൊക്കെ ജീവിതം

തകർക്കുന്നു..”

നടുംപുറത്തിലച്ചന്റെ നെടുങ്കൻ പ്രസംഗം

തകർക്കുമ്പോൾ ഞാൻ തിരിഞ്ഞ് നോക്കി. വിനീഷേട്ടൻ പതിവ് പോലെ

ഒരു സൗഹൃദ പുഞ്ചിരിയോടെ ഇരിക്കുന്നു.

വിനീഷേട്ടൻ എപ്പോഴും അങ്ങനെയാണ്.

ഒരു ചെറു പുഞ്ചിരിയെങ്കിലും എപ്പോഴും

ചുണ്ടത്ത് ഉണ്ടാവും. എന്നോട് എപ്പോഴും വാത്സല്യമാണ്.. എന്നെക്കാൾ പത്ത് വയസ്

മൂത്തതെങ്കിലും എനിക്ക് തിരിച്ചും

വാത്സല്യമാണ്.! കാരണം വിനീഷേട്ടന്റെ

മുഖത്ത് ഒരു കുഞ്ചാക്കോ ബോബത്ത്വമുള്ള ഓമന സൗന്ദര്യമായിരുന്നു……….!

…………കാലങ്ങൾ കടന്നുപോയി..,

ഞാനും വിനീഷേട്ടനുമൊക്കെ

പലയിടങ്ങളിലായി പണിയെടുത്ത്

വല്ലപ്പോഴും കാണുമ്പോഴും, പരസ്പരമുളള

സ്നേഹ സൗഹൃദങ്ങൾക്ക് ഒരു മാറ്റവും

വന്നില്ല………

 

കല്യാണമെന്ന കടമ്പ കൂടി

കടന്നപ്പോൾ പതിവ് ചെറുപ്പക്കാരുടെ

പ്രാരാബ്ധങ്ങൾ വിനിഷേട്ടന്റെ ജീവിതത്തിലും താളമിട്ടു.. കുഞ്ചാക്കോ ബോബന്റെ സുമുഖത്വം പോയ പോലെ

വിനീഷേട്ടന്റെ മുഖത്തും പരുക്കൻ മുദ്രകൾ

വന്നു തുടങ്ങി..പക്ഷെ മനസിലെ ആർദ്രതയ്ക്ക് ഒരു കുറവും വന്നില്ല…….

അല്ലെങ്കിലും പാവപ്പെട്ടവർക്ക് തൊലി വെളുപ്പ് കൊണ്ട് വലിയ കാര്യങ്ങളില്ലല്ലോ.

 

അമരീഷ്‌ പുരിയുടെ ‘മുഖഭംഗി’ ഉള്ളത്

കൊണ്ട് എനിക്ക് കോമളവദനത്തെക്കുറിച്ച് ഒരിക്കലും ചിന്തിക്കേണ്ടി വന്നിട്ടില്ല………!!

 

അറ്റങ്ങൾ കൂട്ടിമുട്ടിക്കുന്നതിനായി

ഓട്ടോ ഓടിച്ചും കൃഷി നടത്തിയുമൊക്കെ

വിനീഷേട്ടൻ ചിരിച്ചുകൊണ്ട് ഓടി നടന്നു.

നെടുംപുറത്തിലച്ചൻ പറഞ്ഞ ‘ജീവിതം