കൂടെ നിന്ന എല്ലാവർക്കും ഒരുപാട് സ്നേഹം .

പറയാൻ വാക്കുകൾ ഇല്ല എന്നതാണ് സത്യം. ഞാൻ ഒരു എഴുത്തുകാരൻ ഒന്നുമല്ല. എഴുതണം എന്ന് തോന്നിയപ്പോ ചുമ്മ എഴുതിയ ഒരു കഥ. ഇപ്പൊ ഇത് എഴുതുമ്പോൾ കൂടി ഇതിന്റെ അവസാനം എന്താകുമെന്ന് എനിക്കറിയില്ല. എഴുതിത്തുടങ്ങുമ്പോ മനസ്സിൽ വരുന്നകാര്യങ്ങൾ എഴുതും. ഇത് എത്ര പേർക്ക് ഇഷ്ടമാകും എന്നൊന്നും എനിക്ക് അറിയില്ല.  എന്നാൽ ആകുന്നപോലെ എഴുതാം.

അപ്പൊ നിങ്ങൾ വായിച്ചിട്ട് വാ

…………………

“പിന്നെ രാജീവേ….. പറ.  ആരാ നിന്നെ അയച്ചേ….? ”

അവന്റെ ശബ്ദം അവിടെ മുഴങ്ങിയപ്പോ രാജീവ്‌ ഭയന്നു….

“പറയാം…. ഞാൻ പറയാം”

തുടരുന്നു

ചെമ്പനീർപ്പൂവ് 4

Chembaneer Poovu part 4 | Author : Kuttappan | Previous Part

” ഞങ്ങള്ക്ക് ഒരു വർക്ക്‌ കിട്ടിയാൽ സാധാരണ അത് ആരാ തന്നത് എന്നൊന്നും അന്വേഷിക്കാറില്ല. പണം തരും പിന്നെ കൊല്ലേണ്ടവരുടെ ഡീറ്റെയിൽസും. ഇത് ഒരു കുടുംബം മുഴുവൻ ഇല്ലാതാക്കാൻ കിട്ടിയ കൊട്ടേഷൻ ആണ്. പത്തുകോടി ആണ് ഓഫർ ചെയ്തത്. ഇതൊക്കെ കൊണ്ടാണ് അവരെ പറ്റി അന്വേഷിച്ചത്. ഏഷ്യയിലെ അണ്ടർവേൾഡ് റൂൾ ചെയ്യുന്ന ‘ബ്ലാക് ഡിസിപ്ലസ് ‘ എന്ന ഗാങ്

ആണിതിന്റെ പിന്നിൽ എന്ന് മാത്രമേ അറിയാൻ പറ്റിയുള്ളൂ. എന്ത് കൊണ്ട് അവർ ഞങ്ങളെ തിരഞ്ഞെടുത്തു എന്ന് അറിയില്ല.”

ആ വേദനയിലും അജയ് എന്ന ഭയം രാജീവിനെക്കൊണ്ട് ഇത്രയും പറയിപ്പിച്ചു.

“ബ്ലാക്ക് ഡിസിപ്ലസ് . കറുത്ത ശിഷ്യന്മാരോ കൊള്ളാമല്ലോ. ഏഷ്യ മൊത്തം ഭരിക്കുന്ന അവരാണോ നിന്നെപ്പോലെ ഉള്ള നരുന്തുകളെ അയച്ചത്…. ഇനി നിന്റെ ആൾക്കാർ എന്റെയോ എന്റെ കുടുംബത്തിന്റെയോ പിന്നാലെയോ കണ്ടാൽ ! ഞാൻ ഒരു വരവ് വരും പിന്നെ നിന്റെ കുടുംബത്തെ ആരും കാണില്ല…ഭീഷണി ആയി കൂട്ടണ്ട നിനക്കുള്ള അവസാനത്തെ ശാസനയാണ്. അപ്പൊ വിധിയുണ്ടെങ്കിൽ വീണ്ടും കാണാം. ”

അജയ് തിരിച്ചു തന്റെ കാറിനടുത്തേക് നടന്നു.

പെട്ടന്ന് ഗാർഡസിൽ ഒരാൾ അവനോട് നിൽക്കാൻ പറഞ്ഞു അവൻ എന്താണെന്ന അർത്ഥത്തിൽ അയാളെ നോക്കി.