ബഹറിനക്കരെ ഒരു കിനാവുണ്ടായിരുന്നു 14 39

പാതി ഇരുട്ട് മൂടിയ ഇടവഴിയിലൂടെ മനസ്സ് നിറയെ വേദനയും, പ്രണയിച്ച പെണ്ണിന്റെ മനസ്സിൽ ഞാനെന്താണ് ഇങ്ങനെ വെറുപ്പിക്കാൻ മാത്രം ചെയ്തു കൂട്ടിയാതെന്നറിയാതെ ഇബാദത്തുകളിലേക്ക് മുഴുകാൻ മുസല്ലവിരിച്ചിരുന്ന് തബാറക്ക സൂറത്തോതി തുടങ്ങുന്ന പെണ്ണുങ്ങളുള്ള വീടുകൾക്ക് മുന്നിലൂടെ റൈഹാനത്തിന്റെ കത്തും പ്രതീക്ഷിച്ച് ഞാൻ നടന്നു.
ദൂരെ നിന്നും വരുന്ന എന്നേയും പ്രതീക്ഷിച്ച് ഞങ്ങളുടെ പ്രണയത്തിന് സാക്ഷിയായ ആ കിണറ്റിനരികിൽ കാത്ത് നിൽക്കുന്ന റൈഹാനത്തിനെ കണ്ടതും ഞാൻ വേഗത്തിൽ നടന്നു. ഞാനങ്ങോട്ട് എത്തിയതും അവൾ കത്ത് ഇടവഴിയിലേക്കിട്ട് എന്നെ വല്ലാത്തൊരു നോട്ടവും നോക്കി വീടിനുള്ളിലേക്ക് കയറി.
അവളകത്തേക്ക് കയറിയതും ഞാനാ ലെറ്ററുമെടുത്ത് എന്റെ വീട്ടിലേക്ക് നടന്നു. ഹൃദയം വല്ലാതെ മിടിക്കുന്നുണ്ട
ായിരുന്നു.
മനസ്സിലൊന്നുമില്ലാതെ എന്റെ റൈഹ എന്നോടിങ്ങനെ പെരുമാറില്ലെന്ന
റിയാമായിരുന്നു. അവളെന്നെ ഉപേക്ഷിച്ചാൽ അതൊന്നും സഹിക്കാൻ എനിക്ക് കഴിയില്ലല്ലോ എന്നൊക്കെ വേവലാതി പിടിച്ച് ചിന്തിച്ച മനസ്സുമായി ഞാൻ റൂമിലേക്ക് കയറി.
അവളുടെ ഓരോ എഴുത്തും കയ്യിൽ കിട്ടിയാൽ അത് പെട്ടെന്ന് സന്തോഷത്തോടെ വായിക്കാൻ ഖൽബ് നിർബന്ധിക്കുമായിരുന്നു പക്ഷേ അന്നാ എഴുത്ത് തുറന്ന് വായിക്കാൻ ഞാനൊരുപാട് പ്രയാസമനുഭവിക്കേണ്ടി വന്നു. കൂടുതലൊന്നും ആലോചിച്ച് നിൽക്കാതെ ഞാൻ കത്ത് തുറന്ന് വായിക്കാൻ തുടങ്ങി .
അക്ഷരങ്ങളിലൂടെ മനസ്സിഴയുമ്പോൾ കണ്ണും മനസ്സും ഒരുപോലെ കണ്ണീരൊഴുക്കിയത് കൊണ്ടാവണം എഴുത്ത് മുഴുവനായി വായിക്കാൻ ഞാൻ നന്നായി പ്രയാസപ്പെട്ടു.
…….
…….
കൂടുതൽ ഒന്നും പറയാതെയിരിക്കുന്ന
അൻവറിന്റെ മുഖത്തേക്ക് നോക്കിയപ്പോൾ അവന്റെ നിറഞ്ഞ കണ്ണുകളിൽ നിന്നുമിറ്റി വീഴുന്ന കണ്ണീര് കണ്ടതും ” എന്താ അൻവർ..? എന്തിനാ കരയുന്നത്.. ? കണ്ണ് തുടക്ക്.. പറ എന്താണവൾ എഴുതിയിരുന്നത്.. ? എന്ന് ഞാൻ ചോദിച്ചപ്പോൾ അവൻ
” അവളെന്നെ ഇത്രക്ക് സ്നേഹിച്ചിട്ടും എന്താ പടച്ചോനെനിക്കവള
െ നൽകാഞ്ഞത്.. ” എന്നൊക്കെ പറഞ്ഞ്
ഭൂതകാലങ്ങളിലേക്ക് തിരികെ പോയ അവനെ തിരികെ കൊണ്ടുവരാൻ ഞാനാ വിമാനത്തിലിരുന്ന് വല്ലാതെ ബുദ്ധിമുട്ടേണ്ടി വന്നു കാരണം അവനോടൊപ്പം ഞാനും ആ കാലത്തേക്ക് അവനോടൊപ്പം സഞ്ചരിച്ചിരുന്നു.
” ഡാ . ആളുകൾ ശ്രദ്ധിക്കുന്നു കരയല്ലേ ” എന്ന് ഞാൻ പതുക്കെ പറഞ്ഞപ്പോഴാണ് അവൻ കരച്ചിൽ മതിയാക്കി ബാക്കി പറയാൻ തുടങ്ങിയത്..
അൻവറിനന്ന് അവന്റെ ഹുബ്ബറിഞ്ഞ പെണ്ണ് റൈഹാനത്ത് എഴുതി നീട്ടിയ ആ പ്രണയനൊമ്പരക്കാറ്റേറ്റ കത്തിലെ വരികളും പിന്നീട് സംഭവിച്ചതും ഒരു നെടുവീർപ്പോടെ ഓർത്തെടുത്ത് അവൻ വിവരിക്കുമ്പോൾ പിന്നീട് വിമാനത്തിലിരുന്ന് നിറഞ്ഞ കണ്ണുകളിൽ എന്റെതുമുണ്ടായിരുന്നു..
( തുടരും )
” ഒരിക്കൽ ദുനിയാവ് കാണാൻ പറഞ്ഞ് പറ്റിച്ച സ്വപ്നങ്ങളുടെ ആരുമറിയാത്ത ഓർമ്മകളുമായി ജീവിതം തീർക്കുന്ന ചിലരുണ്ട് നമുക്കിടയിൽ…. “