ആത്മഹത്യ ശ്രെമം [ആദിത്യൻ] 133

“”കാര്യം എന്താന്ന് വച്ചാൽ തെളിച്ചു പറടാ “”

സൂര്യ വിണ്ടും കലിപ്പിൽ തന്നെ ചോദിച്ചു

ഈ സമയം പ്രഭി അകത്തേക്കു കയറി വന്നു കുട്ടുവിനെ ഒന്ന് ഇരുത്തി നോക്കിയിട്ട് എന്റെ അടുത്ത് വന്നു

“”ഈ അവസ്ഥക്ക് കാരണം പറഞ്ഞോ ഇവൻ “”

എന്തോ അറിഞ്ഞ മട്ടിൽ ആണ് അവൻ ഞങ്ങളോട് അത് ചോദിച്ചത് കാര്യം എന്താന്ന് അറിയാൻ ഞങ്ങൾ എല്ലാവരും പ്രഭിയെ നോക്കി

“”ആശാൻ പഴയ പരിപാടി തന്നെ കോഴിത്തരം.. വാട്സാപ്പിൽ ഏതോ പെണ്ണും ആയി പൊരിഞ്ഞ ചാറ്റ്.. ഇവന് ഒരു പെങ്ങൾ ആണ് പിന്നെ അച്ഛൻ അമ്മ കുടുംബം ഒക്കെ നല്ല സാമ്പത്തികം പക്ഷെ സ്നേഹം തരാൻ ആരുമില്ല ഒറ്റപ്പെടൽ എന്നൊക്ക ആണ് ചാറ്റ് അത് ഇവന്റെ ഭാര്യ കണ്ടു ഇവനെ വീട്ടുകാരുടെ മുന്നിലിട്ടു നിർത്തി പൊരിച്ചു അവിടെന്ന് പോന്നിട്ട് ആണ് ആശാൻ ഈ പരിപാടി കാണിച്ചത്… അവൾ ആണ് നേരെത്തെ വിളിച്ചത് അവൾ അവളുടെ വീട്ടിൽ ആണ് ഇങ്ങോട്ട് വരുന്നുണ്ട് എന്ന്

അവൻ പറഞ്ഞത് കേട്ട് ഞങ്ങൾ മൂന്നിന്റെയും കണ്ണ് തള്ളിപ്പോയി കേട്ടത് സത്യം ആണോ എന്നതുപോലെ ഞങ്ങൾ മൂന്നും അവനെ നോക്കി ഞങ്ങടെ നോട്ടം കണ്ടപ്പോൾ അവൻ നോട്ടംപിൻവലിച്ചു തലതാഴ്ത്തിയിരുന്നു

ഇപ്രാവശ്യം സൂര്യയെക്കാൾ ദേഷ്യം വന്നത് എനിക്കാണ്

“”എടാ പുല്ലേ.. ഇതിന് വേണ്ടി ആണോ നീ തൂങ്ങിയേ.. നിർത്താൻ ആയില്ലേടാ നാറി നിന്റെ കോഴിത്തരം.. കെട്ടി ഒരു കൊച്ചും ആയില്ലേ  എന്നിട്ടും പോരെ നിനക്ക്  “”

എനിക്ക് ആകെ വിറഞ്ഞു കേറി ഈ അവസ്ഥയിൽ ആയിരുന്നില്ലെങ്കിൽ ഞാൻ ചിലപ്പോൾ അവനെ കൊന്നേനെ

“”നിനക്ക് ഒരു പെങ്ങൾ അല്ലെ.. അപ്പൊ രണ്ടാമത്തവൾ ആരാ നിന്റെ “”