അരുണാഞ്ജലി 2 [പ്രണയരാജ] 413

ഒരോ CCTV യും സ്പീഡ് ചെക്കറും എല്ലാം അതിനോട് ബസിച്ചിരിക്കുന്നു. അസ്വഭാവിക ദൃശ്യങ്ങൾ കണ്ടാൽ സിസ്റ്റം പോലീസിനെ അറിയിക്കും , അതും മെസേജ് മുഖേന. അതു പോലെ ഓവർ സ്പീഡ്, ഹെൽമറ്റില്ലാതെ ഓടിക്കുക, സീറ്റ് ബെൽറ്റ് എന്നിവയൊക്കെ കൃത്യമായി സെമൻസ് അയക്കാനുള്ള റിപ്പോർട്ട് ആർ ഡി ഒ യ്ക്ക് മെയിൽ ചെയ്യും.

ബയോമെട്രിക്ക് അറ്റൻഡൻസ് ഉള്ള സ്ഥാപനത്തിൽ ഒരു സ്റ്റാഫ് അസുഖമെന്നു പറഞ്ഞ് ലിവ് എടുത്താൽ സിസ്റ്റം ഹോസ്പിറ്റൽ രജിസ്ടർ ചെക്ക് ചെയ്ത് അയാൾ ഡോക്ടറെ കണ്ടോ ഇല്ലയോ എന്ന് കമ്പനിയെ അറിയിക്കും. റോഡ് സിഗ്നൽ കൺട്രോൾ ചെയ്യും. അന്ധനായ ആൾ വന്നാലും എനി ധൈര്യമായി അയാൾക്ക് റോഡ് മുറിച്ചു കടക്കാം….

അങ്ങനെ അരുൺ വാചാലനാവുകയാണ് തൻ്റെ പ്രെജക്ടിനെ കുറിച്ച്. സത്യത്തിൽ അവൻ എനിക്കൊരു അത്ഭുത വസ്തുവായിരുന്നു. അന്നത്തോടെ അരുൺ സ്കൂളിൽ അറിയപ്പെട്ടു. സത്യത്തിൽ ഒരു സ്റ്റാർ. എന്താ പറയാ… എനിക്കും ഒരു ആകർഷണമൊക്കെ തോന്നിയ സമയം.

പ്രണയം എന്നു വിളിക്കാവോ എന്നൊന്നും അറിയില്ല പക്ഷെ എനിക്കവനെ ഇഷ്ടമായി, ഏതർത്ഥത്തിൽ എന്നെനിക്കറിയില്ല. But i like him . അവനോട് സംസാരിക്കാൻ അതിയായ ആഗ്രഹം ഉണ്ടായിരുന്നു എനിക്ക്, പക്ഷെ കഴിഞ്ഞില്ല എന്നതാണ് സത്യം

എന്താ മോളെ ഇവിടെ ഒരു ചുറ്റിക്കളി…

എന്ത്, റീത്ത നീയെന്താ പറയുന്നെ,

ദേ… കള്ളി വേണ്ട ട്ടോ… കാള വാലു പൊക്കുന്നതെന്തിനാ എന്നൊക്കെ എനിക്കറിയാം.

റീത്ത ഞാൻ നിന്നോട് പറഞ്ഞിട്ടുണ്ട് ഇങ്ങനുള്ള കൺട്രി വേർഡ്സ് എന്നോടു പറയാൻ നിക്കരുതെന്ന് .

ഇപ്പോ ഞാൻ കൺട്രിയായോ…

ആ …. ആയി…

എന്നാൽ ഇതു തീരുമാനമാക്കിയിട്ടു തന്നെ കാര്യം

അതിന് നീയിതെവിടെ പോവാ….

അരുണിൻ്റെ അടുത്തേക്ക്

എന്തിന്…..

അല്ല, എൻ്റെ ഒരു ഫ്രണ്ടിന് പ്രണയത്തിൻ്റെ സുക്കേടു തുടങ്ങി. കക്ഷിയുടെ സ്മാർട്ട് സിറ്റിയിൽ വല്ല ചികിത്സയുമുണ്ടോന്നു ചോദിക്കാന്നു വെച്ചു.

അഞ്ചു വേഗം റീത്തയുടെ കയ്യിൽ കടന്നു പിടിച്ചു.

എൻ്റെ പൊന്നു റീത്ത , അങ്ങനെയൊന്നുമില്ല

എങ്ങനെയൊന്നുമില്ല എന്നാ മോൾ പറയണത്.

എടി, നീ പറയണപോലെ എനിക്ക് പ്രേമമൊന്നുമില്ല, അവനെ എനിക്കിഷ്ടമായി, കൂട്ടു കൂടിയാ… കൊള്ളാം എന്നുണ്ട്

ഇത് അതു തന്നെ പ്രണയത്തിൻ്റെ ആദ്യ സ്റ്റേജ്

ഒന്നു പോടി കോപ്പേ… പോ… നീയെന്താന്നു വെച്ചാ ചെയ്യ്

എന്താ… അഞ്ചു അപ്പോയേക്കും പിണങ്ങിയോ…

എടി ഞാൻ സത്യമാ… പറഞ്ഞത്, എനിക്കവനെ ഇഷ്ടമാണ്, അത് പ്രണയമാണോ.. അതോ മറ്റു വല്ലതും എനിക്കു തന്നെ ഉറപ്പില്ല.

പിന്നെ നിയെന്തിനാടി ഇവിടെ തിരിഞ്ഞു കളിക്കുന്നത്.