അരുണാഞ്ജലി 2 [പ്രണയരാജ] 413

അവൾ പറഞ്ഞ വാക്കുകളും അവളുടെ ദേഷ്യത്തിൻ്റെ കാരണവും അപ്പോഴാണ് എനിക്കു മനസിലായത്. ശരിക്കും ചമ്മിയ അവസ്ഥയിലായെന്നു പറയുന്നതാവും ശരി. പിന്നെ കിടക്കാൻ എനിക്കുമായില്ല.

ഹോളിൽ ചെന്നിരുന്നപ്പോ കേൾക്കാം അടുക്കളയിൽ പാത്രവുമായുള്ള അഞ്ജലിയുടെ മല്ലിടൽ, എന്നോടുള്ള ദേഷ്യം ആ പാവം പാത്രങ്ങളിൽ തീർക്കുന്നത് എന്ന സത്യം എനിക്കുമറിയാം. ചിരി വരുന്നുണ്ടെങ്കിലും അവളെ എനിക്കു ചെറുതായി പേടിയാണ്, ഇതിൻ്റെ അനന്തരഫലം എന്താവുമെന്ന ചിന്ത കൊണ്ട് പെട്ടെന്നു പല്ലു തേച്ച് വണ്ടിയുമെടുത്ത് അജുവിൻ്റെ വീട്ടിലേക്കു വിട്ടു.

വണ്ടിയുമായി അരുൺ പോയതറിഞ്ഞ അഞ്ജലി കൂടുതൽ ദേഷ്യത്തിലായി, നിലം ചവിട്ടി മെതിച്ചു കൊണ്ടവൾ മുറിയിൽ പോയി ഫോൺ എടുത്തു റീത്തയെ വിളിച്ചു.

ഹായ് അഞ്ചു, എന്താടി വെളുപ്പിന്, എന്താ പ്രശ്നം

എടി ഞാൻ കൺഫ്യൂസ്ഡ് ആണ്

എന്തു പറ്റിയെടി.

ഇന്നലെ ഞാൻ നിലത്താ കടന്നത്, അവൻ ബെഡിലും

എടി അവനെ പിടിച്ചു നിലത്തു കിടത്തണ്ടെ

അങ്ങനായിരുന്നു കരുതിയെ പക്ഷെ എന്തോ മനസനുവദിച്ചില്ല.

നിന്നെ പറഞ്ഞിട്ടു കാര്യമില്ല

നീയതു വിട്ടെ, എടി രാവിലെ നോക്കുമ്പോ അരുൺ നിലത്ത് എൻ്റെ അടുത്തു കിടക്കുന്നു.

ആർ യു സീരിയസ്

അതെടി, അവന് എന്നെ ഇഷ്ടമായി തുടങ്ങിയോ എന്നൊരു സംശയം

അതെങ്ങനെ ഉറപ്പിക്കും

ഉറപ്പില്ല, പക്ഷെ എന്നെ ഉൾക്കൊള്ളാൻ കക്ഷി ശ്രമിക്കുന്നുണ്ടോ എന്നൊരു സംശയം

ഉറപ്പിക്കാൻ വരട്ടെ ഫസ്റ്റ് നൈറ്റ് മറന്നിട്ടില്ലല്ലോ മോൾ

അതാടി എനിക്കു കൺഫ്യൂസ് ആവാൻ പ്രധാന കാരണം, എടി ഞാൻ പിന്നെ വിളിക്കാ പണികൾ ആദ്യം ഒന്ന് ഒതുക്കട്ടെ

ഓ … കുടുംബിനി

ഒന്നു പോടി

അഞ്ജലി ഫോൺ കട്ട് ചെയ്ത ശേഷം അടുക്കളയിലേക്കു പോയി. ഈ സമയം അജുവിൻ്റെ വീടിനരികിലെ  കായലോരത്ത് അരുൺ അവൻ ഫോൺ എടുത്ത് അജുനെ വിളിക്കുകയാണ്.

എന്താടാ കോപ്പേ… ഉറങ്ങാനും സമ്മതിക്കില്ലെ

നിൻ്റെ സാധനം ഉണ്ടോ

എന്താടാ എന്താ പ്രശ്നം

അതൊക്കെ പിന്നെ പറയാം ഉണ്ടോ ഇല്ലയോ അതാദ്യം പറ

ഉണ്ടെടാ…#₹#_&……

ഞാൻ നമ്മുടെ സ്പോട്ടിലുണ്ട് പെട്ടെന്നു വാ…

അതും പറഞ്ഞ് അവൻ കോൾ കട്ട് ചെയ്തു, കായലോരത്ത് കടന്നു കളിക്കുന്ന പരൽ മീനുകളെ നോക്കി, അജുവിൻ്റെ വരവിനായി അവൻ കാത്തിരുന്നു. അവൻ്റെ മനസാകെ  കലങ്ങിയിരുന്നു.

മിഴികൾക്കു മുന്നിൽ രണ്ടു മുഖങ്ങൾ, രണ്ടും സുന്ദരികളായ പെൺകുട്ടികൾ ഒന്ന് തന്നെ ചതിച്ചവളെങ്കിൽ ഒന്ന് താൻ ചതിച്ച പെൺകുട്ടിയും . പല്ലവി v/s അഞ്ജലി. വഴിയറിയാതെ കാറ്റാനൊത്തൊഴുകുന്ന കായലോളത്തെ പോലെ അരുണിൻ്റെ ജീവിതവും ഒഴുകുന്നു ലക്ഷ്യബോധമില്ലാതെ….

( തുടരും….)