അപരാജിതൻ 7 [Harshan] 6865

അന്ന് രാത്രി പാറു ഉറക്കത്തിൽ ആയിരുന്നു

അവളുടെ കണ്ണുകളിൽ അവൾ കാണുന്നത് രാജകുമാരിമാരുടെ വേഷവിധാനങ്ങൾ അണിഞ്ഞ അവളെ തന്നെ ആണ്. അത്യന്തം മനോഹരമായ നിരവധി മരങ്ങൾ നിറഞ്ഞ ഒരു ഉദ്യാനത്തിൽ ആണ് അവൾ , എവിടെ നോക്കിയാലും തളിർത്തു നിൽക്കുന്ന പൂക്കൾ മാത്രം, അവൾ ആരെയോ തേടുകയാണ്, അവളുടെ കണ്ണുകളിൽ വിഷാദമാണ്, കാണാത്തത് കാരണം, ഉള്ളു ഒരുപാട് നോവുകയാണ്, എല്ലായിടത്തും തേടുന്നുണ്ട്, എവിടെയും കാണുന്നില്ല, ഒടുവിൽ ഒരു വീണുകിടക്കുന്ന മരത്തിൽ അവൾ ഇരുന്നു, കണ്ണുകൾ നിറഞ്ഞൊഴുകുകയാണ്, വിങ്ങി പൊട്ടി കരയുകയാണ്,ജീവൻ വേർപെടുന്ന പോലെ ഒരു അനുഭവം.

ആ സമയത്തു ആണ് എവിടെ നിന്നോ ഇളംകാറ്റിൽ ഒരു ഇമ്പമാർന്ന ഹൃദയഹാരി ആയ ഒരു വേണു നാദം ഒഴുകി ഒഴുകി അവളുടെ കാതിൽ പതിച്ചത്, അവളുടെ വിഷമത്തെ ഒക്കെ ഇല്ലാതാക്കുന്ന വേണു നാദം, കുറച്ചു കേട്ടപ്പോൾ ആണ് അത്ഭുതം കൊണ്ടും ആകാംഷ കൊണ്ടും  അവൾ എഴുന്നേറ്റത് അവൾ ആ വേണുനാദം ലക്ഷ്യമാക്കി വേഗത്തിൽ നടന്നു , മരങ്ങൾക്കിടയിലൂടെ എല്ലായിടത്തും തെരഞ്ഞു അതിവേഗത്തിൽ , അവളുടെ കണ്ണുകൾ നിറഞ്ഞൊഴുകുകയാണ്, ഭ്രാന്തിയെ പോലെ അവൾ വേഗത്തിൽ ഓടി  അവളുടെ ഉള്ളിൽ ആ വേണു നാദം മാത്ര൦.

എല്ലായിടത്തും തിരഞ്ഞു എങ്ങും കണ്ടെത്താൻ ആകാതെ അവൾ പൊട്ടിക്കരഞ്ഞുഅവൾ നിലത്തു മുട്ടുകുത്തി നിന്ന് മുഖം പൊത്തി വിങ്ങി പൊട്ടി. അപ്പോൾ ആ വേണു നാദം അവളുടെ സമീപത്തേക്ക് വരുന്ന പോലെ. ആരോ അവളുടെ ചുമലിൽ കൈ പിടിച്ചു അവളെ എഴുന്നേൽപ്പിച്ചു,

അവളുടെ മുഖത്ത് നിന്നും പൊത്തിവെച്ച അവളുടെ കൈകൾ ബലമായി എടുത്തു മാറ്റി.അവൾ കണ്ണുകൾ തുറന്നു, തന്റെ മുന്നിൽ പുഞ്ചിരിച്ചു കൊണ്ട് തേജസ്സാർന്ന ചൈതന്യവുമായി…….

ശിവരന്ജന്‍………….അവന്റെ നീല നിറമാർന്ന നയനങ്ങൾ സജലങ്ങളായി, അവൻ തന്റെ കരങ്ങള്‍ കൊണ്ട് അവളുടെ മിഴിനീർ തുടച്ചു, അവനെ കണ്ട മാത്രയിൽ അവളുടെ മുഖം വിഷാദം വിട്ടു ദിവ്യമായ ആനന്ദത്തിലേക്ക് വഴുതി മാറി. ശിവരഞ്ജൻ പാർവതിയെ അവന്റെ മാറോടു ചേർത്തു, അവൾ ആ നെഞ്ചിന്റെ ചൂടിൽ ചേർന്ന് നിന്നു, അപ്പോളും ആ വേണുനാദം ഇരുവരുടെയും കാതുകളിൽ മുഴങ്ങുന്നുണ്ടായിരുന്നു.കണ്ണൻ അവർക്കായി സമ്മാനിച്ച അഭൗമമായ വേണു നാദം ആയിരുന്നിരിക്കാം………………..

അവൾ കണ്ണ് തുറന്നു.

ഇതുവരെ അനുഭവിക്കാത്ത ഒരു അനുഭൂതി ആണ് അവൾക് അനുഭവപെട്ടത്‌,

പ്രണയത്തിന്റെ തീവ്രമായ ലഹരി,

അവൾ കിടക്കയിൽ കിടന്നു തന്നെ കൈ എത്തിച്ചു ലൈറ്റു  ഇട്ടു.

കിടന്നാണ് കൊണ്ട് തന്നെ കണ്ണന്റെ വിഗഹത്തിൽ നോക്കി.പക്ഷെ കൈകൾ കൊണ്ട് മുഖം മറച്ചു…അവൾക്ക് കണ്ണനെ നോക്കാൻ പോലും സാധിക്കുന്നില്ല, ലജ്ജ കൊണ്ട് അവൾ തലയിണ എടുത്തു മുഖം പൊതി ഇടം കണ്ണ് കൊണ്ട് കണ്ണനെ നോക്കി ,,,,,,,,,,,,,

ചി………….പോ ,,,,,,,,,,,,,,എനിക്ക് നാണം ആകുന്നു,,,,,,,,,,,,,,

ഓരോരോ സ്വപനം കാണിക്കുവാ നീ ,,എന്നെ കൊതിപ്പിക്കുവാ ,,,,,,,,,,,,നീ…………..

അവൾ ലൈറ് അണച്ച് ഉറക്കം വരാതെ തിരിഞ്ഞും മറഞ്ഞും കിടന്നു,

<<<<<<<<<<<<<<()>>>>>>>>>>>>>>

പിറ്റേന്ന് രാവിലെ തന്നെ സത്യാനന്ദ സ്വാമികൾ രാജശേഖരന്റെ ഒപ്പം കാറിൽ പുറപ്പെട്ടു , അദ്ദേഹത്തെ റെയിൽവേ സ്റ്റേഷനിൽ കൊണ്ട് ആക്കിയെ അവർ ഓഫീസിൽ പോകുകയുള്ളു.

ഇറങ്ങി കാർ പാർക്ക് ചെയ്തു അവരും പ്ലാറ്‌ഫോം ഇൽ എത്തി.

ദൂരെ നിന്നും ട്രെയിൻ വരുന്നുണ്ടു

പോകും മുൻപ് സത്യാജി അനന്തിരവനേ കെട്ടി പിടിച്ചു

ഒന്നേ പറഞ്ഞുള്ളു……………

മോനെ കോപം നിയന്ത്രിക്കണം,,,,,,,,,കോപം നിന്നെ തിന്നു കൊണ്ടിരിക്കുകയാണ്, അതുപോലെ നീ മനസിൽ കരുതുന്നത് തന്നെ ആണ് സത്യം എന്ന് വിചാരിക്കരുത്, എല്ലാം മായ മാത്രമാണ്, നിന്നെ കൊണ്ട് തോന്നിപ്പിക്കുന്നത് ആണ്. നാളെ പശ്ചാത്തപിക്കാൻ പോലും യോഗ്യത ഇല്ലാതെ ആകും…

രാജശേഖരൻ  ചിരിക്കുക മാത്രം ചെയ്തു, ചെയ്യാം വല്യമാമേ  എന്ന് മറുപടി കൊടുത്തു.

ശ്യാമിനോടായി പറഞ്ഞു, കുഞ്ഞുമോനെ ,,, അറിവ് ആര് പറഞ്ഞു തന്നാലും സ്വീകരിക്കുക, അവനെയും കെട്ടി പിടിച്ചു ..

എന്താണ് ആ നേരത്തു വല്യമ്മാമ അങ്ങനെ പറഞ്ഞത് എന്ന്  മാത്രം മനസിലാക്കൻ ഉള്ള അറിവ് അവർക്കുണ്ടായിരുന്നില്ല എന്നതായിരുന്നു വാസ്തവം.

സത്യനന്ദ സ്വാമികൾ ട്രെയിനിൽ കയറി ഇരുന്നു , കുറച്ചു സമയം കൊണ്ട് ട്രെയിൻ നീങ്ങി തുടങ്ങി

                       <<<<<<<<<<<<<<<O>>>>>>>>>>>>>

ശനിയാഴ്ച ഒരു പതിനൊന്നു മണി ആയപ്പോ ഒരു പോസ്റ്റ്മാൻ ഒരു എൻവലപ്പ് കൊണ്ട് പാലിയതു എത്തി.

കാളിങ് ബെൽ അടിച്ചു, വേലക്കാരി വന്നു വാതിൽ തുറന്നു, പാർവ്വതി ശേഖർന്റെ പേരിൽ ഒരു രജിസ്റ്റേർഡ് ഉണ്ട് എന്ന് പറഞ്ഞു, അപ്പോളേക്കും പാറു അങ്ങോട്ട് വന്നു, അത് സൈൻ ചെയ്തു വാങ്ങി.

ഒരു വലിയ ബുക്ക് പോലെ എന്തോ ആണ് ചെറിയ ഒരു ബോക്സിൽ ,

അവൾ അത് തുറന്നു.

ഒരു വെളുത്ത കവറിൽ അവളുടെ പേര് ഒക്കെ എഴുതിയിട്ടുണ്ട്.

ആകാംഷയോടെ അവൾ അത് തുറന്നു നോക്കി.

ഒരു സ്വർണ വർണ്ണമുള്ള കാർഡ് ആണ് അതിനു മുകളിൽ ഒരു മുദ്ര പതിപ്പിച്ചിട്ടുണ്ട്.

അതെ തിരുവാങ്കോട് രാജകുടുംബത്തിന്റെ രാജകീയ മുദ്ര

അവളുടെ ഹൃദയമിടിപ്പ് കൂടി.

അവൾ അത് തുറന്നു

തുറന്നപ്പോൾ അതിലെ കുറിപ്പ് വായിച്ചു അവൾക് ഉള്ള ബോധം പോകുന്ന പോലെ തോന്നി, ആവേശം കൊണ്ട്.

അവൾ അമ്മയെ വിളിച്ചു

അമ്മെ,,,,,,,,,,,,ഓടി വാ ,,,,,,,,,,,,,,,,,,,,,,,,,,,,,,,,,,,,,,,,,,,

അതുകേട്ടു ഭയന്ന് മാലിനി അങ്ങോട്ട് ചെന്നു

അവൾ ആ പാക്കറ് അമ്മയെ ഏൽപ്പിച്ചു ആദ്യം തന്നെ പോയി കുറെ വെള്ളം കുടിച്ചു.

മാലിനി അത് തുറന്നു നോക്കി.

ത്യാഗരാജ സംഗീതോത്സവത്തിൽ ഗാനം അവതരിപ്പിക്കാൻ ആയി ഉള്ള ത്യാഗരാജ സംഗീതോൽസവ സമിതിയുടെ  ഔദ്യോഗികമായ ക്ഷണം ആണ്, അത് അതിൽ തീയതിയും സമയവും ഒക്കെ കുറിച്ചിട്ടുണ്ട്, വരുന്ന ബുധനാഴ്ച ആണ്. മാലിനി ആകെ സന്തോഷവതി ആയി.

ഇതൊക്കെ മഹാഭാഗ്യം ആണ്, എത്രായിരം പേര് ആണ് ഇതിനൊക്കെ അപേക്ഷിക്കുന്നത്, മാലിനി വന്നു പാറുവിന്റെ നെറുകയിൽ ഒരു മുത്തം കൊടുത്തു , പ്രാക്ടീസ് ഒക്കെ തുടങ്ങിക്കോ ബുധനാഴ്ച അല്ലെ…

പാറു വേഗം ഫോൺ ഒക്കെ എടുത്തു പപ്പയുടെയും ഏട്ടനേയും ഒക്കെ വിളിച്ചുപറഞ്ഞു.

അവൾ ആകെ സന്തോഷത്തിൽ ആണ് , സന്തോഷം കൊണ്ട് കിറുക്കു പിടിച്ച അവസ്ഥയിൽ.

<<<<<<<<<<<<<O>>>>>>>>>>>>>