അപരാജിതൻ 5 [Harshan] 6991

 

രാവിലെ അപ്പു എഴുന്നേറ്റ് ജോലിക്കു പോകാന്‍ ആയി വണ്ടി ഒക്കെ എടുക്കാ൯ ആയി പോര്‍ച്ചിലേക്ക് വന്നു.

അവിടെ മാലിനി ഇരിക്കുന്നുണ്ട്.അവനെ കണ്ടപ്പോ തിരിഞു ഇരുന്നു. പിണക്കം ഭാവിച്ചു.

അത് കണ്ടപ്പോ അപ്പുവിന് ഒരു രസം,

എന്താണ് ,,,,,,,,,,,,,, ഒന്നും മിണ്ടുന്നില്ലല്ലോ?

മാലിനി ഒന്നും മിണ്ടിയില്ല.

അവന്‍ അടുത്തേക്കു ചെന്നു , തൂണിനു സമീപം ചെന്നു നിന്നു , അവന്റെ മുഖം കാണിച്ചു.

മാലിനി അത് കണ്ടു തിരിഞു ഇരുന്നു.

ഓഹോ ,,,വലിയ പിണക്കം ആണല്ലോ, അതിനു പിണങാന്‍ ആയി ഞാന്‍ ഒന്നും ചെയ്തില്ലല്ലോ.

അപ്പു നീ എന്നോടു മിണ്ടണ്ട , നീ പോയിക്കേ

ഹാ കാര്യ൦ പറയുന്നെ ………….

നീ എന്തിനാ ഇന്നലെ മരിക്കണ കാര്യം ഒക്കെ പറഞ്ഞു എന്നെ വിഷമിപ്പിച്ചത് ? ,

അതാണോ വലിയ കാര്യം ആയത്, അതിനിപ്പോ എന്താ , ഞാന്‍ തെറ്റായി ഒന്നും പറഞ്ഞില്ലല്ലോ,

മാലിനി അപ്പോ തന്നെ അവന്റെ ചെവിക്ക് പിടിച്ച് ഞെരിച്ചു , അമ്മാതിരി ഞെരിക്കല്‍ ആയിരുന്നു, ഇനി നീ പറയോടാ ,,,,,,,,,,,,,,,,,,ശബ്ദം ഉയര്‍ന്നു ,,,,,,,,,,,,,,,,,പറയൊന്നു?

അവന്റെ ചെവി അങ്ങോട് പിടിച്ച് ഞെരിച്ചു,

അയ്യോ ,,,,,,,,,,വിട്   വിട് …………….വീടെ ,,,,,,,,,,,,,,,,,,,,,,,,,,,,,,വേദന എടുക്കുന്നെ……….

അവന്റെ ബഹളം കേട്ടു ശ്രിയ ഓടി വന്നു,

അവനെ അമ്മ ചെവിക്ക് പിടിച്ച് ഞെരിക്കുന്നു.

ഹ ഹ ഹ …………അവള്‍ കൈ കൊട്ടി ചിരിച്ചു,

വിടണ്ട ,,,,, നന്നായി ഞെരിക്ക് ,,,,അമ്മേ വിടല്ലേ … ഇത്തിരി കുറുമ്പു കൂടുതല്‍ ആണ്,

അത് കേട്ടു ശ്യാം ഓടി വന്നു,

അല്ല എന്താ സംഭവം,,,,,,,,,,,,,,,,,,,,, ഇവിടെ എന്താ ചെവി പിടിച്ച് തിരിച്ചു മല്‍സരിക്കുക ആണോ,

എല്ലാം ഇവന് അറിയാം ഒരു ചെറിയ ശിക്ഷ ആണ് ,

വിടു കൊച്ചമ്മേ ,,,ആ ,,,,,,,,,,,,,,,,,,ആ ………………….അമ്മേ ,,,,,,,,,,,,,,,,,,,നല്ല വേദന …………………..

കുറെ അലറി കഴിഞ്ഞപ്പോ മാലിനി ചെവി വിട്ടു, അവന്റ്റെ ചെവി നന്നായി ചുവന്നു ഇരിക്കുന്നുണ്ട് ,

ഹാ ,,,,,,,,,,,,,,,,ചെവി പുകയുന്നു.

അയ്യോ ,,,,,,,,,,,,,,,,,,,,,,,,

ഇത് നിനക്കു ഇത്തിരി വലിയ വായിലെ വര്‍ത്താനം കൂടിയിട്ടുണ്ട് ,, അതിന്റെ ആണ് കൊച്ചുപിള്ളേര്‍ കൊച്ചു വര്‍ത്താനം പറഞ്ഞാല്‍ മതി.  കേട്ടോടാ

അതിനീ മുതുക്കനേ പോലെ ഇരിക്കുന്ന പെട്ടത്തലയന്‍ എങ്ങനെ കൊച്ചു കുട്ടി ആകുന്നത്,

ശ്രിയ ഉറക്കെ സംശയം ചോദിച്ചു.

അപ്പു അവളെ ഒന്നു നോക്കി,

വെച്ചിട്ടുണ്ട് ,,,,,ഇനി എന്നോടു സംശയം ചോദിക്കാന്‍ വരുമല്ലോ,,,,,,,,,,,,,,,അപ്പോ കാണിച്ചു താരാട്ടാ..

അത് കേട്ടപ്പോ ശ്രിയ ചിരി നിര്‍ത്തി, അവനെ നോക്കി തല കുനിച്ചു , എന്നിട്ട് ചുണ്ട് കൂര്‍പ്പിച്ചു തല അല്പ്പം പൊക്കി അവനെ നോക്കി , ദേഷ്യവും പിണക്കവും കാണിച്ചു , പിന്നെ ചുണ്ട് ഇടം വലം കാട്ടി

ഹും…  എന്നു മൂളി തലയും വെട്ടിച്ചു ഉള്ളിലേക്ക് കയറി പോയി.

ശ്യാം പ്രത്യേകിച്ചു ഭാവം ഒന്നും ഇല്ലാതെ അവിടെ നിന്നു , കൂടുതല്‍ പറഞ്ഞു കഴിഞ്ഞാല്‍ അപ്പുവിന് കിട്ടിയ പോലെ തനിക്കും അമ്മയുട് കയ്യില്‍ നിന്നും കിട്ടും എന്നറിയാ0 ..

മാലിനി അവിടെ നിന്നും എഴുന്നേറ്റ് റൂമിലേക്ക് പോയി.

ഹോ ഈ കൊച്ചമ്മ ,,,,,,,,,,,,,,,,അന്യായം തന്നെ ,,,,,,,,,,,,,,,,, പുകഞ്ഞിട്ടു വയ്യ.

ആ കാതും തടവി അവന്‍ അവിടെ നിന്നും വണ്ടിയും എടുത്തു മുന്നോട്ട് പോയി.

<<<<<<<<<O>>>>>>>

ഓഫീസിൽ ചെന്ന് കുറെ പണികൾക്ക് ശേഷം ആദി  മുൻപ് ജോലി ചെയ്ത ഓഫീസിൽ അതായത് നമ്മുടെ സിബി പീലിച്ചേട്ടൻ പൊതുവാൾജി ഒക്കെ കാണാൻ ആയി പോയി, ഹെഡ് ഓഫീസിൽ നിന്നും ഒരു ഒരു കിലോമീറ്റർ ദൂരം കഷ്ടിച്ച്.

സമയം ഒരു പതിനൊന്നു മണി ഒക്കെ ആയി.

ആദി അവിടെ എത്തി, സിബി വളരെ തിരകക് പിടിച്ചു, ഓരോരോ കാര്യമാണ് ചെയ്യുന്നു ,കൂടാതെ ഒന്നു രണ്ടു പേര് കൂടെ ഉണ്ട് ഇപ്പോൾ ജോലിക്കു , എല്ലാരും നല്ല തിരക്കിൽ , പീലിചേട്ടൻ കസേരയിൽ തല കുമ്പിട്ടു ഇരിക്കുക ആണ് മുന്നിലെ മേശയിൽ ഒരു പത്രം കൂടെ ഉണ്ട്, പത്രത്തിലേക്ക് നോക്കി കുമ്പിട്ടു കൈകൽ ഒക്കെ ചുരുട്ടി ഇത്തിരി അകലെ നിന്ന് നോക്കുമ്പോ ഭീമാകാരമായ വായനയിൽ ആണെന്ന് തോന്നും, നാളെ എന്തോ പരീക്ഷ ഉള്ളത് പോലെ വായന. ആദി പീലിചേട്ടന്റെ അടുത്തെത്തി,

പീലിച്ചേട്ടൻ ഗംഭീരമായി ആരും അറിയാതെ ഉറക്കത്തിൽ ആണ് കാണുമ്പോ വായനയിൽ ആണെന്ന് തോന്നും ,

ആദി പതുക്കെ പീലി ചേട്ടാ എന്ന് വിളിച്ചു , പീലിച്ചേട്ടൻ പതുക്കെ കണ്ണ് തുറന്നു ,

ആ ഹാ  ആദിയോ …എപ്പോ വന്നു. ഞാൻ കണ്ടില്ലലോ?

അതിനു ഉറക്കം അല്ലായിരുന്നോ

ഞാനോ ,,,,,,,,,,,,,,,,,,ഞാൻ നിയമസഭ നോക്കുക ആയിരുന്നു പത്രത്തിൽ.

ആണോ എന്നിട്ടു നിയമസഭ എവിടെ ,,,

ദേ…………….

ആ പേജിൽ കണ്ടില്ല ,,,

ഹാ ഇത് നല്ല കൂത്ത് ഞാൻ ഇത്രേം നേരം ഈ പേജിൽ ആണല്ലോ നിയമസഭ കണ്ടത്,,, ഹൈ …………..ഈ പണ്ടാരം എവിടെ പോയി,,,,,,,,,,,,,മാങ്ങാത്തൊലി ,,,,,മൂപര് പതുക്കെ മറ്റുപേജുകൾ ഒക്കെ മറച്ചു നോക്കി , ഒടുവിൽ ഒരു കോണിൽ ഒരു കൊച്ചു ഫോട്ടോ കണ്ടു ..

ദേ ,,,,,,,,,,,,,,കണ്ട ഞാൻ പറഞ്ഞില്ലേ ,,,,,,,,,,,,,,,,,,,,,,,,,,,,,ഇവിടെ തന്നെ ഉണ്ട് നിയമസഭ ..കണ്ട കണ്ട ……………..

അപ്പൊ പീലിചേട്ടൻ ഉറങ്ങുക ആല്ലയിരുന്നു ല്ലേ …………

ഏയ് ,,,,,,,,,,,,,,,ഞാനോ ,,,,ഞാൻ ദേ ഈ നിയമ സഭ ഒക്കെ ആലോചിച്ചു ഒരു നാൾ അവിടെ ജയിച്ചു കയറി പോയി അവിടത്തെ കുഷൻ ഇട്ട സീറ്റിൽ ഇരുന്നു ഉറങ്ങുന്ന കാര്യം ആലോചിച്ചേ ഉള്ളു അല്ലാതെ ഞാൻ ഉറങ്ങുവോ ,,ആദി …സത്യമായിട്ടും….

ആണോ എന്നാ അങ്ങനെ ആകട്ടെ ,,,

പൊതുവാൾജിയേ ഒന്ന് കണ്ടാലോ ,,, കുറെ നാൾ ആയി കണ്ടിട്ട് ,

അങ്ങനെ പീലിചേട്ടൻ സിബി പിന്നെ ആദി കൂടെ പുതുതായി വന്ന രണ്ടു പേര് ഒക്കെ കൂടെ കാന്റീനിലേയ്ക്ക് പോയി.

അന്ന് പൊതുവാൾജി ഒരു പട്ടാളകാരന്റെ കുപ്പായം ഇട്ടാണ് അവിടത്തെ പണികൾ ഒക്കെ ചെയ്യുന്നത്.

ആള് ഭയങ്കര തിരക്കിൽ ആണ് , ആള് മുരിങ്ങ കോൽ ഒക്കെ സംബറിനായി സ്കെയിൽ വെച്ച് അളന്നു മുറിക്കുക ആണ് , അത്രയ്ക്ക് പെർഫെക്ഷൻ.

ആദി …………..കുറെ ആയല്ലോ പൊതുവാൾജിയേ മറന്നു ല്ലേ ………..

ആരെ ഒക്കെ മറന്നാലും എന്റെ പൊതുവാൾജിയേ ഞാൻ മറക്കുമോ

ആ………………എനിക്കറിയാം നീ കുരുത്തം ഉള്ളവൻ ആണ് , കണ്ടു പടിക്കടാ സിബിയെ

ആ കണ്ടു പഠിച്ചുകൊണ്ടിരിക്കുകയാ ,,,,,,,,,,,,,സിബി മറുപടി പറഞു.

അല്ലാ പൊതുവാൾജി ഇന്നെന്താ പട്ടാള യൂണിഫോം ഒക്കെ ഇട്ടിട്ടു

ആദി ഇന്നത്തെ ദിവസത്തിന് ഒരു പ്രത്യേകത ഉണ്ട് .

അതെന്താ പൊതുവാളെ താൻ ഇന്ന് നീല വരയൻ കളസ൦ മറന്നു വെച്ചോ ? പീലി ചേട്ടൻ ചോദിച്ചു ..

എഡോ തൻ ഒന്ന് മിണ്ടാതിരുന്നേ ,,ഞങ്ങള് യുവാക്കൾ സംസാരിക്കുന്നതിന്റ ഇടയിൽ കയറി സംസാരിക്കാതെ …………പൊതുവാൾജി പീലിച്ചേട്ടനെ നിരുത്സാഹ പെടുത്തി..

അതെ 57 വയസായ യുവാവ്..പീലി ചേട്ടൻ എല്ലാരും കേൾക്കെ പറഞ്ഞു.

ഇന്ന് ഞാൻ പട്ടാളത്തിൽ നിന്ന് റിട്ടയർ ആയ ദിവസം ആണ് , അതിന്റെ ഓർമ്മയ്ക്ക് എല്ലാ വർഷവും ഞാൻ ഈ കുപ്പായം ധരിക്കും , അതാ എന്റെ ശീലം

ആഹാ ,,,,,,,,,,,,പൊതുവാൾജി പട്ടാളത്തിലും ജോലി ചെയ്തിട്ടുണ്ടോ ? ആദി ചോദിച്ചു

ഉണ്ടോന്നോ ……………..62 ലെ യുദ്ധത്തിന്റെ ഇടക്ക ആണ് ഞാൻ കയറിയത് , ഞാൻ വലിയ വീര ശൂര പരാക്രമി ഒക്കെ ആയിരുന്നല്ലോ

പൊതുവാൾജി എന്തൊക്കെ പറഞ്ഞാലും സത്യ൦ അറിയണമെങ്കിൽ പീലി ചേട്ടൻ തന്നെ കനിയണം അല്ലോ

ആദി പീലി ചേട്ടനെ നോക്കി.

പീലി ചേട്ടൻ ഉഴുന്ന് വടയുടെ തുള നോക്കി ഇരിക്കുക ആണ് , മിഷ്ടര്‍ പൊതുവാൾ വടക്കു വട്ടം പോരാ …..

എന്റെ വടക്ക് വട്ടം ഇല്ലെങ്കില്‍ എന്താ നിന്റെ നാക്കിന് നീട്ടം കൂടുതല്‍ അല്ലേ…………………

എന്റെ പിള്ളേരെ നിങ്ങൾ ഇത് കേൾക്കു , പണ്ട് പട്ടാളത്തിൽ കുശിനിക്ക് സഹായിക്കാൻ പോയി നമ്മുടെ പൊതുവാൾ …അതാണ് ഈ വീര ശൂര പരാക്രമി എന്നൊക്കെ പറയുന്നത്.

അന്ന് ജോലി കിട്ടി ആദ്യ ദിവസം പൊതുവാളിനെ കഴുത്തിൽ പിടിച്ചു വെളിയിൽ തള്ളി പാടി അടച്ചു പിണ്ഡം വെച്ച്..

അതെങ്ങനെ ? ആദി ചോദിച്ചു

ഹ ഹ ഹ അങ്ങനെ ചോദിക്ക് ..

പീലി പൊതുവാളിനെ നോക്കി, മൂപര് ഒരു കള്ളചിരി ചിരിച്ചു.

അത് അവിടെ കാന്റീനിൽ ആയിരുന്നു പണി മൂപ്പർക്ക് , അന്ന് വലിയ ഗ്യാസ് കുറ്റി ആയിരുന്നു, അവിട ഉപയോഗിച്ചിരുന്നത് , നമ്മൾ ഇവിടെ ദേഹണ്ഡത്തിനൊക്കെ കണ്ടിട്ടില്ലേ ഗ്യാസ് കുറ്റിയിൽ നിന്ന് ഗ്യാസ് വന്നില്ലെങ്കിൽ വലിയ പാത്രത്തിൽ ഗ്യാസ് കുറ്റി ഇറക്കി വെച്ച് ചൂട് വെള്ളം ഒഴിച്ച് അതിലെ ഗ്യാസ് പുറത്തേക്കു വരുത്തുന്നത് ,

ഉവ്വ് ,,,,,,,,,,,,,,,,,,

ആ അത് തന്നെ ,, അവിടെ കുറെ നേരം ഗ്യാസ് കത്തി കഴിഞ്ഞപ്പോ ഗ്യാസ് തീർന്നപോലെ അതോടെ പ്രശനം ആയല്ലോ , അപ്പൊ നമ്മുടെ വീര ശൂര പരാക്രമി പൊതുവാള് വേറെ ഒന്നും നോക്കിയില്ല , എവിടെയും ഹീറോ ആകാൻ നോക്കുന്ന ശീലം ഉണ്ടല്ലോ മൂപര് നോക്കിയപ്പോ ചൂട് വെള്ളം ഉണ്ടാക്കാനും പാത്ര൦ കണ്ടു പിടിക്കാനും ഒന്നും നേരം ഇല്ല , അപ്പുറത്തു കത്തി കൊണ്ടിരുന്ന വലിയ സ്റ്റോവിനു മുകളിൽ ഈ ഗ്യാസ് കുറ്റി  വെച്ച് ചൂടാക്കി.

അയ്യോ അത് അപകടം അല്ലെ കത്തുന്ന തീയുടെ മുകളിൽ ആരേലും ഗ്യാസ് കുറ്റി ഒക്കെ എടുത്തു വെക്കുവോ ?  ആധി ചോദിച്ചു .

ദേ ,,,,,,,,,,,അങ്ങനെ ചെയ്ത ആൾ ആണ് , അവിടെ മുരിങ്ങ കോൽ അരിയുന്നത് , അയാളോട് ചോദിക്കുക

എന്താണ് പൊതുവാൾജി ഇതൊക്കെ ?

ഞാൻ പിന്നെ എന്ത് ചെയ്യാൻ ആണ് , എല്ലാര്ക്കും ചപ്പാത്തി വേണം, കുറ്റിയിൽ നിന്ന് ഗ്യാസ് വരുന്നില്ല , അതോണ്ട് ചൂടായി ഗ്യാസ് വരാൻ ആയി അടുപ്പിനു മുകളിലേക്ക് ഗ്യാസ് കുറ്റി വെച്ചത് ഇത്ര വല്യ തെറ്റാണോ? ..നിങ്ങള് പറ

എന്നിട്ടു എന്ത് സംഭവിചു ?

എന്ത് സംഭവിക്കാൻ, യെ പാഗൽ ബന്ധ ഹ൦ സബ്‌കോ മാരേഗാ  ( ഈ പ്രാന്തന് നമ്മളെ ഒക്കെ കൊല്ലും) എന്നും  പറഞ്ഞു അവിടെ ഉള്ളവർ ഒക്കെ ജീവനും കൊണ്ട് ഓടി, അവര് ഓടുന്നത് കണ്ടു പൊതുവാളും അവരുടെ പുറകെ ഓടി.എല്ലാരും ഓടുന്ന കണ്ടപ്പോ ഒരു രസം

എന്നിട്ടു ?

എന്നിട്ടെന്താ വലിയ ശബ്ദത്തിൽ ആ കാന്റീനിൽ അടുപ്പിൽ ഇരുന്ന ഗ്യാസ് കുറ്റി പൊട്ടി തെറിച്ചു, ആർക്കും അപകടമൊന്നും ഉണ്ടായില്ല ,,,കാന്റീൻ കത്തി നശിച്ചു,

അന്ന്  തന്നെ കഴുത്തിനു പിടിച്ചു പൊതുവാളിനെ പുറത്താക്കി.

അതിന്റെ ഓര്‍മ്മക്കു  ആണ് എല്ലാ വർഷവും ഈ ദിവസം പട്ടാള കുപ്പായം ധരിച്ചു പരേഡ് നടത്തി വരുന്നവർക്കും പോകുന്നവർക്കും ഒക്കെ സലൂട്ട് കൊടുത്തു മൂപര് ആഘോഷിക്കുന്നത്,

കുശിനി പണിക്കു പോയ ആർമി ക്യാന്റീൻ കത്തിച്ചു കളഞ്ഞ മുതൽ ആണ് നമ്മുട ഈ പൊതുവാൾജി

എല്ലാരും പൊതുവാൾജി യെ നോക്കി , ഒരു വലിയ അഭിമാനത്തോടെ പൊതുവാൾജി എല്ലാരേം നോക്കി, സലൂട്ട് കൊടുത്തു.

നമുക്ക് ഈ പട്ടാള പണി ഒന്നും പറ്റൂല്ല , നമുക്ക് ഈ രാഷ്രീയം തന്നെ മതി അതുകൊണ്ടാണല്ലോ തിരികെ വന്നു ഞാൻ ഐ എൻ എസ പി തുടങ്ങി മണ്ഡലം സെക്രെട്ടറി ആയതു ,,,അല്ല പിന്നെ

ആർക്കും ഒന്നും പറയാൻ ഉണ്ടായില്ല , എല്ലാരും തലയ്ക്കു കൈ വെച്ചു  ഇരുന്നുപോയി

പൊതുവാൾജിയുടെ ലീല വിലാസങ്ങൾ കേട്ടിട്ടു.

<<<<<<<<<<<<<<O>>>>>>>>>>>>>>>>>>>>>

അന്ന് പോകും വഴി അപ്പുന്റെ ഫോൺലേക്ക് ഒരു വിളി വന്നു.

ഹലോ ………………………അപ്പു പറഞ്ഞു.

മനസിലായില്ലേ ,?,,,,,,,,,,,,,,,,,അവിടെ നിന്നും ശബ്ദം കേട്ടു.

മനസ്സിലായോ എന്നോ സഖാവ് അല്ലെ നരൻ ചേട്ടാ പറയു എന്തൊക്കെ ഉണ്ട് വിശേഷങ്ങൾ.

ഇവിടെ എന്താ ഇങ്ങനെ പോകുന്നു.എവിടെ ഉണ്ട് ഇപ്പൊ ?

നരൻ ചേട്ടാ ഞാൻ ഇപ്പൊ ഓഫീസിൽ നിന്നും ഇറങ്ങി,

ആഹാ ………….ഇന്ന് പ്രത്യേകിച്ച് എന്തെങ്കിലും പരിപാടികൾ ഉണ്ടോ , മറ്റൊന്നും ഇല്ലെങ്കിൽ ഒന്ന് കാണാം എന്ന് തോന്നി,

ആണോ ,,, എനിക്ക് പ്രത്യേകിച്ച് പരിപാടികൾ ഒന്നും ഇല്ല, ഒരു കാര്യം ചെയ്യാം നരൻ ചേട്ടാ,,,,,,,,,,ഞാൻ വരുന്ന വഴി കാണാം , എവിടെ ആണ് ചേട്ടന് സൗകര്യം.

ഞാൻ ഇപ്പൊ രാമപുരത്തുണ്ട്, ഇവിടെ പാർട്ടി ഓഫീസിൽ ആണ് ഇപ്പോൾ, ഒരു പത്തു മിനിറ്റു കൂടെ കഴിഞ്ഞ ഇറങ്ങും രാമപുരത്‌ ലൈബ്രറിയുടെ അടുത്ത് വെച്ച് കണ്ടാലോ ,

ആ അത് മതി, ഞാൻ പോകുന്ന വഴി ആണല്ലോ.

എന്ന നമുക്ക് കാണുമ്പോ പറയാം ബാക്കി ഒക്കെ അപ്പു പറഞ്ഞു.

അവൻ ബൈക്ക് എടുത്തു യാത്ര ആയി.

ഒരു മുക്കാൽ മണിക്കൂർ കൊണ്ട് അവൻ രാമപുരത്‌ എത്തി,

അപ്പു അങ്ങനെ അവിടെ ഇരിക്കുക ആണ്, അപ്പോളേക്കും സഖാവ് നരൻ അവിടെ എത്തി.

അപ്പു ,,,സോറി ഞാൻ അല്പം ലേറ്റ് ആയി.

ആ ,,,,അത് കുഴപ്പം ഇല്ല,,,

പിന്നെ നമുക്ക് എന്നാ ഓരൊ ചായ അങ്ങോട്ട് കുടിച്ചാലോ, അപ്പു ചോദിച്ചു.

വാ …………

അവർ രണ്ടു പേരും അടുത്തുള്ള കൊച്ചു ചായകടയിൽ കയറി  അവിടെ ഇരുന്നു ,

അപ്പു ചായ പറഞ്ഞു നരൻ കട്ടൻ ചായയും പരിപ്പുവടയും പറഞ്ഞു.

അതെന്താ ,,,പാർട്ടി ആയതു കൊണ്ടാണോ കട്ടൻ വിത്ത് പരിപ്പ് വട

അയ്യോ അല്ലെ ,,,,,,,, കട്ടൻ ചായ ആണ് പതിവ് , പിന്നെ പരിപ്പുവട വളരെ ഇഷ്ടം ആണ്,

ഓ അങ്ങനെ ആണല്ലേ ,,,

പിന്നെ എന്തായി നിങ്ങളുടെ പ്രവർത്തനങ്ങൾ ഒക്കെ , അന്ന്  ഇടിക്കാൻ വന്നവർ ഒക്കെ പിന്നെ പ്രശനം ഉണ്ടാക്കിയോ ?

പിന്നെ ഇത് വരെ ആരും വന്നിട്ടില്ല,  ഞാൻ കേസ് കൂടെ കൊടുത്തിട്ടുണ്ട്, എസ ഐ നമ്മുടെ പയ്യൻ ആണ് മനോജ്, സുഹൃത് ആണ് ആണ് അപ്പൊ അവൻ വേണ്ടതു പോലെ നോക്കിക്കോളും.

ഓ ,,,,

എന്നാലും നിങ്ങളെ ഇങ്ങനെ വളഞ്ഞിട്ടു ആക്രമിക്കാൻ തക്ക എന്ത് പ്രശനം ആണ് സഖാവെ, ആ ഏതേലും കമ്പനി നല്ല രീതിയിൽ നടക്കുന്ന കണ്ടാൽ അപ്പോൾ തന്നെ അവിടെ എങ്ങനെ യൂണിയൻ ഉണ്ടാക്കാം അവിടെ എങ്ങനെ സമരം ഉണ്ടാക്കാം എന്നതൊക്കെ അല്ലെ നിങ്ങളുടെ ലൈൻ , അപ്പൊ പിന്നെ പറഞ്ഞിട്ട് കാര്യം ഇല്ല ,, പിന്നെ കുറെ രക്തം തിളയ്ക്കുന്ന ഡയഗോഗുകൾ പറഞ്ഞാൽ മതിയല്ലോ ചെങ്കൊടി ആണ്, മേലോട്ട് പറക്കുക ആണ് ,,ചോര ആണ്,,ഇതൊക്കെ അല്ലെ നിങ്ങളുട ലൈൻ, എന്ത് നല്ല കാര്യം കണ്ടാലും നിങ്ങൾ അതിനെ എതിർക്കും അല്ലാതെ എന്താ……………..

ഹ ഹ ഹ ഹ …………..നരൻ പൊട്ടി ചിരിച്ചു.

ഇനി വല്ലതും ഉണ്ടോ അപ്പു ,

വേറെ എന്താണ്, ആ തുഷാരഗിരി പ്ലാന്റേഷൻ അതൊക്കെ എത്ര ഭംഗി ആയി നടക്കുന്ന സ്ഥപനം ആണ്, അതും ഇന്ത്യ ഒട്ടാകെ ലോകം മൊത്തം പ്രശസ്ത മായ ഹിമവാഹിനി ചായ, അവിടെയും, ഞാൻ കേട്ടിടത്തോളം പ്ലാന്റേഷൻ നല്ല രീതിയിൽ എച് ആർ പൊളിസീസ് ഒക്കെ ഉള്ള ഒരു വലിയ സ്ഥാപനം ആണ്, അവിടെ ഒക്കെ നിങ്ങള് സമരം വിളിച്ചു കൂട്ടുക എന്നൊക്കെ പറഞ്ഞാൽ ഉണ്ടല്ലോ വളരെ മോശം ആണ് സഖാവെ..

അപ്പു ,,,അത് നിനക്ക് അവിടത്തെ പ്രശ്നങ്ങൾ അറിയാഞ്ഞിട്ടാണ്, നമുക്ക് ഒരു ദിവസം

തുഷാരഗിരിയില്‍ പോയാലോ,,,

ഞാൻ റെഡി ആണ്, ഒരുപാട് നാൾ ആയി ഒരു യാത്ര ഒക്കെ പോയിട്ട്, ഒരു ഫൺ ട്രിപ്പ്,

ആയിക്കോട്ടെ ഇവിടെ നിന്ന് അത്ര അധികം ദൂരo ഇല്ലല്ലോ,,

ശരി ,,,,,,,,,,,,,,,,,,,,

ആഹാ മഞ്ഞൊഴുകുന്ന പ്ളാന്റേഷനിൽ തേയിലയുടെ മനം മയക്കുന്ന ഗന്ധം ആസ്വദിച്ചു ഒരു ഹിൽ സ്റേഷനിലേക്ക് ഉള്ള യാത്ര ഒട്ടേറെ ഹെയർ പിന് വളവുകളൂം ഒക്കെ ആയി ആഹാ എന്ത് രസം ആയിരിക്കും,,,

എന്ന ഈ ഞായറാഴ്ച പോയാലോ, ഞായറാഴ്ച എനിക്ക് അവിടെ പോകേണ്ട ആവശ്യവും ഉണ്ട്, മാത്രവും അല്ല, ബുധനാഴ്ച ഓണവും അല്ലെ,,,,,,,,,,,

ശരി അങ്ങനെ ആകട്ടെ,,

അപ്പോളേക്കും ചായ എന്നോക്കെ കുടിച്ചു കഴിഞ്ഞു

അവർ പതുക്കെ പുറത്തേക്കു ഇറങ്ങി

അപ്പുന്റെ വീട് വീടുകാർ കുടുംബം  ഒക്കെ എന്ത് ചെയ്യുന്നു,

ചേട്ടാ ഞാൻ ഒരു ഒറ്റത്തടി ആണ്, അച്ഛൻ ‘അമ്മ ഒന്നും എനിക്കില്ല,  അമ്മ മരിച്ചു, അച്ഛന്‍ എവിടെ എന്നറിയില്ല. പിന്നെ അച്ഛനായി വരുത്തിവെച്ച കുറച്ചു  കുറച്ചു കടങ്ങൾ ഉണ്ട് അതൊക്കെ തീർക്കാൻ ആയി പണി എടുക്കുന്നു.

ഓ ,,,,,,,,,,അങ്ങനെ ആണോ..കടം എത്ര ബാക്കി ഉണ്ട് ഇനീ?

അത് അറിഞ്ഞൂടാ എന്ന് കഴിഞ്ഞു എന്ന് അവിടെ നിന്ന് പറയുന്നുവോ അന്ന് അവിടെ നിന്നും ഇറങ്ങും

പിന്നെ അച്ഛനെ കൂടി കാത്തിരിക്കുന്നു, കുറെ ഏറെ പണം തട്ടിക്കൊണ്ടു പോയി എന്നാണ് കേസു, അതോടെ ഞങ്ങളുടെ കുടുംബം ഇല്ലാതെ ആയി എന്റെ ലൈഫും ,,,,,,,,,,ആ ഒക്കെ പോട്ടെ

അത് കേട്ടപ്പോ നരനു വിഷമം ആയി.

അപ്പു നീ അങ്ങനെ ഒന്നും ഓർക്കേണ്ട, നീ ഇപ്പൊ ഇവിടെ നിൽക്കുന്നതിനു ഒരു കാരണം ഉണ്ടാകും, അത് നമുക്ക് മനസിലാക്കാൻ സാധിച്ചു എന്ന് വരില്ല, ലോകത്തു എന്തിനും കാരണം ഉണ്ട്, ആ കാരണത്തെ തേടൽ ആണ് നമ്മുടെ യുക്തി.

അത് ശരിയാ ഇപ്പൊ യുക്തി മാത്രേ ഉള്ളു ,,,ജീവിതം ഇല്ല അപ്പുവും പറഞ്ഞു.

നരൻ ചേട്ടാ നിങ്ങള് കുറച്ചു നാൾ ബംഗാളിൽ ഉണ്ടായിരുന്നതല്ലേ എന്റെ അച്ഛനെ അവിടെ എങ്ങാനും കണ്ടിട്ടുണ്ടോ, ഒരു ജയദേവൻ

മോനെ അപ്പു ബംഗാള് ചെറിയ ഒരു സ്ഥലമല്ല ,

അല്ല ,,കൽക്കട്ടയിൽ മൂപ്പർ ഉണ്ട് എന്നൊക്കെ കരകമ്പി കേട്ടിരുന്നു, അതോണ്ട് ചോദിച്ചത് ആണ്,

ഒരു കാര്യം എനിക്ക് ഉറപ്പാണ്, ആൾ ഉണ്ട്, എവിടെയോ ഉണ്ട്, ഒന്നുകിൽ അവിടെ അല്ലെങ്കിൽ എന്റെ ചുറ്റുവട്ടത്തെ എവിടെയോ, മൂപ്പർക്ക് പുറത്തു വന്നേ പറ്റു, പിന്നെ എന്റെ ‘അമ്മ എനിക്ക് ഉറപ്പ് തന്നിട്ടുണ്ട് സ്വപ്നത്തിൽ അച്ഛൻ എന്തായാലും വരും എന്ന് ഇനി അധികം കാലം കാത്തിരിക്കേണ്ട എന്ന്,,

നരൻ എല്ലാം കേട്ടിരുന്നു,

അപ്പോളേക്കും നരന്റെ കുറച്ചു പാർട്ടിക്കാർ അവിടെ എത്തി, എല്ലാരും നരന് കൈ കൊടുത്തു.

ഇതാരാ സഖാവെ ?

അതിൽ ഒരാൾ ചോദിച്ചു.

ഇത് അപ്പു ,, എന്റെ അനിയൻ ആണ് ,

അത് കേട്ടപ്പോ അപ്പുനു ഒരു വിങ്ങൽ വന്ന പോലെ, കാരണം സാധാരണ പരിചയപെടുത്തുമ്പോ കൂട്ടുകാരൻ ആണ് എന്നല്ലേ  പറയുക, അല്ലെങ്കിൽ അനിയനെ പോലെ

ആണ് എന്ന്, ഇത് ആദ്യമായി അല്ലെ പരിചയപെടുത്തുമ്പോൾ തന്റെ തോളിൽ കൈ വെച്ച് എന്റെ അനിയൻ ആണ് എന്ന് പറയുന്നത്.

ആഹാ നരൻ സഖാവിന്റെ അനിയൻ ആണോ ?

എല്ലാരും ഹാപ്പി ആയി.

എന്താണ് സഖാവിന്റ പേര് ?

അവന്റെ പേര് അപ്പു ന്നാ, അവൻ സഖാവ് അല്ല, ഇപ്പൊ, നാളെ ആയി കൂടായ്കയും ഇല്ല,നരൻ ചിരിച്ചു കൊണ്ട് പറഞ്ഞു.

പിന്നെ ഞാൻ എപ്പോളും യാത്രയിൽ ആയിരിക്കും, അപ്പുനു എന്ത്  സഹായം ആവശ്യമുണ്ടേലും ഇവരോട് ചോദിക്കാം, നിവൃത്തി ഉള്ളത് ആണെങ്കിൽ എങ്ങനെ എങ്കിലും ഇവർ സാധിച്ചു തരും കേട്ടോ..

അപ്പുനെ എല്ലാരേയും പരിചയപ്പെടുത്തി,

അങ്ങനെ കുറച്ചു നേരം കൂടെ ചിലവഴിച്ചു അപ്പു തിരികെ പാലിയതെക്കു തിരിച്ചു

<<<<<<<<<<<<<<<<O>>>>>>>>>>>>>>>>>

ഒരു എട്ടരയോടെ അപ്പു അവിടെ എത്തി.

അന്ന് രാജശേഖരൻ വീട്ടിൽ ഉണ്ടായിരുന്നു,

അപ്പു ബുള്ളറ്റ് കൊണ്ട് വച്ചു ,

പൂമുഖത്തു രാജശേഖരനും മാലിനിയും പൊന്നുവും ശ്യാമും ഒക്കെ ഇരിക്കുന്നുണ്ടായിരുന്നു.

അപ്പുനു ആണെങ്കിൽ അവരുടെ മുന്നിൽ കൂടെ അല്ലെ അവന്റെ ഔട്ട് ഹൌസില്‍  പോകാൻ സാധിക്കൂ.

രാജശേഖരൻ അവിടെ ഇല്ലായിരുന്നു എങ്കിൽ അപ്പു അവിടെ പോയി എന്തേലും സംസാരിച്ചേനെ,

രാജശേഖരൻ അവിടെ ഇരിക്കുന്നത് കാരണം അപ്പുനു അവിടെ പോയി എന്തേലും സംസാരിക്കാനും ഒരു മടി ആണ് ,ഒന്നും മിണ്ടാതെ പോയാൽ മാലിനി കൊച്ചമ്മ പിണങ്ങുകയും ചെയ്യും.

വല്ലാത്ത ഒരു ധർമ്മ സങ്കടം ആയി, അവൻ കാർ പോർച്ചിൽ വണ്ടി വെച്ച്, കുളിച്ചു നേരം വണ്ടിയിൽ എന്തൊക്കെയോ മുറുക്കുന്നപോലെ ഒക്കെ അഭിനയിച്ചു തകർക്കുക ആണ്, ഇവർ ഒന്ന് കേറി പോയിരുന്നെങ്കിൽ തനിക്ക് അങ്ങോട്ട് പോകാം ആയിരുന്നു.

രാജശേഖരനെ പരമാവതി അവോയ്ഡ് ചെയ്യാൻ ആണ് അപ്പു നോക്കാറ്, ഒന്നമത്തെ അയാൾക്ക് അവന്റെ അച്ഛനോട് വരെ നല്ല ദേഷ്യം ആണ്, വെറുതെ അയാളുടെ മുന്നിൽ പോയി ചാടി പണി ആക്കണ്ടലോ എന്ന് വിചാരിച്ചു ആണ്.

അവര് ആരും എഴുന്നേൽക്കുന്നില്ല ,

ഇനി ഇപ്പൊ രക്ഷ ഇല്ല, അത് വഴി പോകാം, നേരെ നോക്കി പോകാം, മൈൻഡ് ചെയ്യാൻ നിക്കണ്ട .

അപ്പു ബാഗ് കൂടെ എടുത്തു.

എന്നിട്ടു ശ്വാസം പിടിച്ചു നേരെ നടക്കുക ആണ് , ഇടത്തേക്ക് നോക്കിയില്ല നേരെ തന്നെ നോക്കി ആരെയും മൈൻഡ് ചെയ്യണ്ടല്ലോ

അങ്ങനെ നടന്നു നീങ്ങിയപ്പോ പുറകീന് ഒരു വിളി

സാർ ഒന്ന് അവിടെ നിന്നെ ……………മാലിനി ആണ്.അപ്പു തിരിഞ്ഞു നോക്കി ,

എല്ലാരും അവനെ നോക്കി ഇരിക്കുന്നു , രാജശേഖരൻ പത്രത്തിലും

ഞങ്ങൾ ഇത്രയൂം പേര് ഇവിടെ ഇരിക്കുന്നത് കാണാതെ ആണോ , ഒന്ന് മിണ്ടി പൊക്കൂടെ

ഞാൻ കണ്ടില്ല കൊച്ചമ്മെ

ഇത്രയൂം വലിയ ഞങ്ങളെ കണ്ടില്ലെന്നോ?

അതെ ശ്രിയ മോൾടെ എക്സാം നന്നായിരുന്നു , അവൾക്ക് ഫുൾ മാർക്ക് കിട്ടും എന്ന ഉറപ്പിൽ ആണ്

ഓ ആയിക്കോട്ടെ ,

ശരി കൊച്ചമ്മേ ഞാൻ പോകാണു , പോയിട്ട് കുറച്ചു പണികൾ ഉണ്ട് ,,

ആ ശരി ശരി മാലിനി ചിരിച്ചു.

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34