താമര മോതിര 2

Thamara Mothiram Part 2 | Author : Dragon | Previous Part

കൂട്ടുകാരെ,, എന്റെ കഥ സ്വീകരിച്ചതിനു നന്ദി – കമന്റ് ഒക്കെ വായിച്ചു – തിരുത്താൻ ശ്രമിക്കുന്നതായിരിക്കും . തുടർന്നും സപ്പോർട്ട് പ്രതീഷിച്ചുകൊണ്ട് – നിങ്ങളുടെ സ്വന്തം – ഡ്രാഗൻ

മോർച്ചറി – മരണങ്ങളുടെ താഴ്വര,ഏതു തമ്പുരാന്റെയും പിച്ചക്കാരന്റെയും ജീവിതത്തിന്റെ ഒഴിവാക്കാൻ ആകാത്ത മരണത്തിന്റെയും ചോരയുടെയും തീഷ്ണ ഗന്ധമുള്ള താഴ്വര,ചുറ്റലും നിന്ന് ദ്രംഷ്ട കാട്ടി ആർത്തു അട്ടഹസിക്കുന്ന രാക്ഷസിയെ പോലെ കോമ്പല്ലിൽ ചോരയുടെ തുള്ളി ഇറ്റുവീഴ്ത്തികൊണ്ടു തന്നെ നോക്കികൊണ്ട്‌ ചിരിക്കുന്നതു പോലെ മോർച്ചറിക്ക് ഉള്ളിലേക്ക് വയ്ക്കുന്ന ഓരോ അടിയിലും കിരണിനു തോന്നി ..മെയിൽ ഡോർ തുറന്നു അകത്തേക്ക് കയറിയ നീണ്ട ഇടനാഴിയിലെ അങ്ങേ തലയ്ക്കൽ മിന്നി കത്തുന്ന ഒരു ബൾബ്,കഷ്ട്ടിച്ചു അമ്പതു അടി ദൂരം വരുന്ന ആ മുറിയിലേക്ക് പോയ്‌കൊണ്ടിരുന്ന കിരണിനു അത് അഞ്ചു കിലോ മീറ്റർ പോലെ തോന്നിച്ചു ,നടന്നിട്ടും നടന്നിട്ടും ആ മിന്നി കത്തുന്ന ബൾബ് ദൂരെ ദൂരേക്ക് പോകുന്ന പോലെ തോന്നിച്ചു, ഉണ്ണിയെ കെട്ടിപിടിച്ചു കൊണ്ട് അവൻ ആ ദുഷിച്ചു നാറുന്ന തറയിലേക്ക് വേച്ചു ഇരിക്കാൻ ഭാവിച്ചു ,അപ്പോഴേക്കും ആ പോലീസുകാരനും കൂടെ താങ്ങി കണ്ണനെ ആ റൂമിലേക്ക് എത്തിച്ചു ,ആ റൂമിന്റെ അറ്റൻഡർ റൂം തുറന്നപ്പോഴേക്കും അറിയാതെ കൈ മൂക്കു പൊത്തിപിടിച്ചു കണ്ണനും ഉണ്ണിയും ,മാംസം അഴുകിയ നാറ്റം, കുടലിനെ പുറത്തേക്ക് എടുത്തെറിയും വിധം രൂക്ഷമായ നാറ്റം ,പക്ഷെ അറിയാതെ കൈ മൂക്കിൽ നിന്ന് എടുത്തു കണ്ണൻ ,കാരണം അകത്തു തന്റെ അച്ഛൻ ഉണ്ട് ,ആ ദേഹം ആകാം ഈ നാറ്റത്തിനു കാരണം, തനിക്കൊരിക്കലും മൂക്ക് പൊത്തിപിടിച്ചു അത് കാണാൻ സാധിക്കില്ല ,കാരണം തന്റെ ജീവകേതു ആയ താൻ ജീവന് തുല്യം സ്നേഹിക്കുന്ന ഒരാളെ ആ അവസ്ഥായിൽ കാണുമ്പോൾ അറിയാതെ പോലും ആ വികാരം ഉണ്ടാകരുത് എന്ന് തോന്നി കണ്ണന്.

അകത്തേക്ക് പ്രവേശിച്ച കണ്ണനെ സ്വീകരിച്ചത് ഏകദേശം മുറിക്ക് നടുവിലായി ഒരു സ്റ്റീൽ മേശയിൽ വെള്ള തുണി കൊണ്ട് മൂടി ഇട്ടിരുന്ന ഒരു മൃദദേഹം ആയിരുന്നു. യൂണിറ്റ് മുറുകെ പിടിച്ചു കൊണ്ട് ആ തുണികെട്ടിനെ നോക്കി കരഞ്ഞു കൊണ്ട് നടന്നു , അടുത്തെത്തിയ അറ്റൻഡർ ആ വെള്ളി തുണി മാറ്റി, അച്ഛാ എന്ന് ഉറക്കെ വിളിച്ചു കൊണ്ട് ഉണ്ണിയുടെ തോളിലേക്ക് ചാരി കണ്ണൻ , പിന്നെ ഒന്ന് കൂടെ ആ മൃതദേഹത്തിലേക്ക് നോക്കി – ഒന്നും മനസിലാകാതെ നിക്കുന്ന കണ്ണനെ നോക്കി പോലീസ്‌കാരൻ പറഞ്ഞു – ബുദ്ധിമുട്ടാണ് എന്നറിയാം എന്നാലും ഒന്ന് ശ്രമിച്ചു നോക്കണം, കണ്ണന് ആ മുഖം തിരിച്ചറിയാൻ സാധിക്കുമായിരുന്നില്ല കാരണം അത്ര വികൃതമായിരുന്നു അത്, രണ്ടു കണ്ണും മീൻ കൊത്തി തിന്നിരുന്നു, മുഖം മുഴുവൻ ആസിഡ് വീണ മാതിരി പൊള്ളിയപോലെ വികൃതമായിരുന്നു,ഇടതു ഭാഗത്തു കുറച്ചു സ്ഥലം മാത്രം ആയിരുന്നു കുറച്ചു കാണാൻ പറ്റുന്ന വിധം. ,അറ്റൻഡർ ബാക്കി ഭാഗത്തെ തുണി കൂടെ മാറ്റിയപ്പോ ആ വിവസ്ത്രമായ ശരീരം അവർക്കു മുന്നിൽ അനാവൃതമായി,