അപരാജിതൻ 4 [Harshan] 6740

ഇപ്പൊ രാമൻ പിള്ളസാറിനെ വേറെ സ്ഥലത്തേക്ക് മാറ്റി , ഞാൻ ഒറ്റക്കാണ് ഡീൽ ചെയ്യുന്നത് , ഒരുപാട് ബുദ്ധിമുട്ടുണ്ട്, എന്നാൽ ബുധിമുട്ടുന്നതിനു സാലറി ഉണ്ടി അതും ഇല്ല , തരുന്നതിന്റെ മൂന്നില്‍ രണ്ടും  അച്ഛന്റെ കടം എന്നും പറഞ്ഞു പിടിക്കും , ഇനി ഹെഡ് ഓഫീസിൽ പോയിട്ട് വേണം ഇതിന്റെ പത്തിരട്ടി ജോലി ചെയ്യാൻ ,

ഒന്നാമതെ എന്റെ ബാക്ഗ്രൗണ്ട് കൊള്ളില്ല, ഞാൻ നിങ്ങളെ പറ്റിച്ചു പോയവന്റെ മകൻ ആണ്, ആ എന്നെ തന്നെ വേണം നിങ്ങൾ ഹെഡ്ഒഫീസിൽ ജോലി ചെയ്യിപ്പിക്കാൻ,പലരുടെയും പുച്ഛവും നോട്ടവും ഒക്കെ കാണേണ്ട വരു൦ അതുപോലെ രാജശേഖര൯ സാറിനെന്നെ കണ്ണിനു നേരെ കാണുന്നതേ ചതുർഥി ആണ്, ഇതൊക്കെ ഞാൻ സഹിക്കേണ്ടി വരില്ലേ ”

വെറുതെ എന്തിനാ കൊച്ചമ്മേ, ഞാൻ ഇപ്പൊ ഉള്ളതു പോലെ പൊകോളാ൦

ഇതിനൊന്നും മാലിനിക്ക് മറുപടി ഉണ്ടായിരുന്നില്ല,

അവൾ കൂടുതൽ ഒന്നും പറയാൻ നിന്നില്ല, അവിടെ നിന്നും എഴുന്നേറ്റു പോയി.

പോകുംവഴി മാലിനി മുകളിൽ മിന്നുന്ന നക്ഷത്രത്തെ നോക്കി പറയുകയും ചെയ്തു.

ലക്ഷ്‌മി നിന്റെ മോൻ ഉണ്ടല്ലോ എന്റെ അപ്പു അവൻ ഒരുപാട് കുറുമ്പൻ ആണ് കേട്ടോ ,,,ശോ …. അവൻ പാവം ആണ് ലക്ഷ്മി ,,,ഉള്ളിലെ സങ്കടം ഒക്കെ ഇങ്ങനെ കാണിക്കുന്നു എന്ന് മാത്ര൦ ,,, അവന്റെ അച്ഛനോട് വരാൻ  പറയു വേഗം തന്നെ ,,, അല്ലാതെ ഞാൻ എന്ത് പറയാൻ ആണ് ,,,, അവനോടു ഒന്ന് മാത്ര൦ പറയണേ നീ എന്റെ പൊന്നുവിനെ നോക്കിക്കോളണം എന്ന്  ……എനിക്ക് ഒരുപാട് വിശ്വാസം ഉണ്ട് , നിന്റെ ആദിശങ്കരൻ ഉണ്ടെങ്കിൽ എന്റെ ശ്രീയയെ പൊന്നുപോലെ കാത്തോളും എന്ന് …. പറയില്ലേ നീ …..

ഒരു നക്ഷത്രം മിന്നുകയും ചെയ്ത പോലെ ,,,, ഒരു പക്ഷെ ലക്ഷ്മി ആയിരിക്കും

<<<<<<<<<O>>>>>>>>>

പിറ്റെന്നു ആദി ഓഫീസില്‍ പോയി, നല്ല തിരക്കുകള്‍ ഒക്കെ തന്നെ ആണ്. മായയും ഇല്ല, സിബിക്കും ഒറ്റയ്ക്ക് കാര്യങ്ങള്‍ എല്ലാം ചെയ്യാന്‍ സാധിക്കില്ല.

അന്ന് ഉച്ച കഴിഞ്ഞു ആദിക്ക് ഹെഡ് ഓഫീസില്‍ ഒരു ഫോണ്‍ കോള്‍ വന്നു,

ആദിക്ക് ട്രാന്ഫ്ര്‍ വിത്ത് ഇമ്മെഡിയറ്റ് എഫെക്ട്,

ഹെഡ് ഓഫീസിലേക്ക് ആണ് മാറ്റം.

ശ്യാംനേ അസിസ്റ്റു ചെയ്യാന്‍ ആണ്, ആദിയുടെ സ്ഥാനത്ത് പുതിയ ആള്‍ വരും.

ഹെഡ് ഓഫീസ് കുറച്ചു അടുത്ത് തന്നെ ആണ്.

സിബി പീലിചേട്ടന്‍ ഒക്കെ വിഷമത്തില്‍ ആണ്, ആദിക്കു മാറ്റം അല്ലേ, ഇനി ഇങ്ങനെ ഒരുമിച്ച് രസിച്ചു ജോലി എടുക്കാന്‍ സാധിക്കില്ലല്ലോ, പക്ഷേ എന്തു ചെയ്യാന്‍ ആണ് ഓഫീസില്‍ നിന്നുള്ള തീരുമാനം അല്ലെ.

<<<<<<<<O>>>>>>>

പിറ്റെന്നു ശ്രീയയുടെ കോളേജിൽ ആർട്സ് ഫെസ്റ്റ് ആണ്

സീനിയർസ് ഒക്കെ പ്രൊജക്റ്റ് വർക്ക് ഒക്കെ കഴിഞ്ഞു ജോയിൻ ചെയ്തിട്ടുണ്ട്. ശ്രീയ കോളേജിലെ ഒരു ബ്യുട്ടി ക്വീൻ തന്നെ ആണല്ലോ, ഒരുപാട് പേ൪ തങ്ങളുടെ ഹൃദയം കാണിക്കാൻ ആയി അവളുടെ പിന്നിൽ ഉണ്ട്, ചിലർ എഴുത്തുകൾ ആയും എഫ് ബി റിക്വസ്റ്റ്റ്റുകൾ ആയും ഒക്കെ, പക്ഷെ തന്റെ മനസ്സിൽ ഒരു ഗന്ധർവ്വനെ മാത്ര൦ പ്രതീക്ഷിച്ച ശ്രീയക്കുട്ടിക്ക് ആ ഒരു ഗന്ധർവ്വനെമാത്ര൦ കാണാൻ സാധിച്ചില്ല അവരിൽ ആരെയും.കൂടെ കൂട്ടിനായി സംരക്ഷണത്തിനായി ആദിശങ്കരൻ ഉണ്ടെങ്കിൽ പോലും ശ്രിയക്കു അവനോടും ദേഷ്യം എന്ന വികാരം അല്ലാതെ പ്രണയം തോന്നുന്നില്ലല്ലോ, എന്ത് ചെയ്യാൻ ആണ്.

കോളേജിൽ ആർട്സ് ഫെസ്റ്റിവൽ ആണ്.

ശ്രീയ കലാമത്സരങ്ങളിൽ ഒക്കെ ആക്റ്റീവ് ആയി പങ്കെടുക്കുന്നുണ്ട്, അവൾ ലളിതഗാനത്തിലും ശാസ്ത്രീയ സംഗീതത്തിലും കൂടാതെ നൃത്തമത്സരങ്ങളിലും ഭരതനാട്യം കുച്ചിപ്പുഡി കഥക് എല്ലാത്തിലും പങ്കെടുക്കുന്നുണ്ട്.

മൂന്ന് ദിവസം ആണ് മത്സരങ്ങൾ, ഇന്റർ കോളേജിയേറ്റ് മത്സരങ്ങൾ ആണ് , അവാര്ഡ് കോളേജ തന്നെ ആണ് വെന്യു. ജില്ലയിലെ ഇരുപത് കോളേജുകളിൽ നിന്നുള്ള മത്സരാർത്ഥികൾ ആണ്‌. അന്ന് ഒരു പതിനൊന്നു മണിയോടെ കോളേജ് ഓഡിറ്റോറിയത്തിൽ ലളിതഗാന മത്സരം നടത്തുകയാണ്.വലിയ സദസ്സ് ആണെങ്കിലും അധികം കാണികൾ ഇല്ല എല്ലാവരും പലയിടങ്ങളിൽ ആണ്. മത്സരം ആരംഭിച്ചു.

ഓരോരുത്തരെ ചെസ്റ്റ നമ്പർ പ്രകാരം വിളിക്കുകയാണ്.

എല്ലാവരും അതിൽ ആണുങ്ങളും പെണ്ണുങ്ങളും ഒക്കെ ഉണ്ട്, വരുന്നു നല്ല നല്ല പാട്ടുകൾ പാടുന്നുണ്ട്.

ആകെ പതിനേഴു പേര് ആണ് മത്സരത്തിന്.

ഒരുപാടുപേർ പാടി കഴിഞ്ഞു, പതിനാറാമതു ശ്രീയയുടെ നമ്പർ വിളിച്ചു.

ഒരല്പ൦ ടെൻഷൻ ഉണ്ട് , അവൾ നേരെ സ്റ്റേജിലേക്ക് കയറി.

അവൾ അവന്റെ കണ്ണനെ ഒരു നിമിഷത്തേക്ക് കണ്ണടച്ച് ഓർത്തു , പരിപൂർണ്ണ നിശബ്ദത മാത്രം ആ വേദിയിൽ.എല്ലാവരും അവളെ മാത്രം ശ്രദ്ധിക്കുന്നു,

അവൾ ആലപിക്കാൻ പോകുന്നത് തന്റെ പ്രിയൻ ആയ കണ്ണൻ വൃന്ദാവനം ഉപേക്ഷിച്ചു മധുരയിലേക്ക് പോയപ്പോൾ പിന്നീട് ഒരിക്കലും കണ്ണനെ കാണാൻ സാധിക്കാതെ പോയ ഉള്ളിലെ വിഷമം കാത്തിരിപ്പായി നിറമിഴികളോടെ കണ്ണനെ  മാത്രം സ്വപ്നം കാണുന്ന ഒരു പാവ൦ ഗോപികയുടെ വ്യഥകൾ ദുഃഖങ്ങൾ ആയിരുന്നു,

അവളുടെ മധുരമനോഹരമായ സ്വർഗീയമായ ശബ്ദലയത്തിൽ അവൾ ആ ഗാനം പാടി തുടങ്ങി. ഏറ്റവും കുറഞ്ഞ വേഗതയിൽ ഉള്ള ആ ഗാനം കേൾക്കുന്നവരുടെ ഹൃദയത്തിലേക്ക് ആഴ്ന്നിറങ്ങി കൊണ്ടിരുന്നു. എല്ലാവരും സ്വയം ഗോപികമാർ ആയ പോലെ , കണ്ണനെ ഒരു പാട് നഷ്ടപ്പെട്ടുപോയ പോലെ ..

പരിപൂർണ നിശബ്ദത മാത്രം വേദിയിൽ , അവളുടെ നാദം മാത്ര൦, അത് വേദിയിലെ വലിയ സൗണ്ട് സിസ്റ്റത്തിലൂടെ പുറത്തേക്ക് ഒഴുകി കേട്ടവർ കേട്ടവർ ആ ശബ്ദത്തിന്റെ ഉറവിടം തേടി മറ്റു വേദികളിൽ നിന്ന് പോലും ഓഡിറ്റോറിയം ലക്ഷ്യമാക്കി നടന്നു ,,

കായാമ്പൂ നിറമോലും കണ്ണനെ കാണുവാൻ

കണ്ണ് നിറഞ്ഞു ഞാൻ കാത്തിരുന്നു….

ഈ ഗോപിക കാത്തിരുന്നു

കണ്ണന്റെ കാലൊച്ച കേൾക്കുവാൻ മോഹിച്ചു

കാതോർത്തു ഞാനിരുന്നു…

മോഹനവേണുഗാനതിന്നലയാകാൻ

ഹൃദയത്തിലേകാന്തതപം ചെയ്തു ഞാൻ.

കായാമ്പൂ നിറമോലും കണ്ണനെ കാണുവാൻ

കണ്ണ് നിറഞ്ഞു ഞാൻ കാത്തിരുന്നു….

ഈ ഗോപിക കാത്തിരുന്നു

ആ ഗാനം അങ്ങനെ ആ പ്രദേശത്തെ മൊത്തം ലയതാളവിന്യാസത്തിൽ തരംഗം ആകുന്ന നേരം കോളേജിന്റെ ഗെറ്റ് കഴിഞ്ഞു കോടികള്‍ വില ഉള്ള റോൾസ് റോയ്‌സ് ഫാന്റം കാർ വന്നു. കോളേജ് ഓഡിറ്റോറിയത്തിന് സമീപം ആ കാർ വന്നു നിന്നു.

കാ൪ പാർക് ചെയ്തു നല്ല ഉയരം ഉള്ള ഒരു യുവാവ് ആ കാറിന്റെ ഡോർ തുറന്നു. വലത്തേ കയ്യിൽ രുദ്രാക്ഷ0 കെട്ടിയ ഗോൾഡൻ ചെയിൻ കാണുന്നു, അയാൾ തൻറെ വലത്തെ കാൽ പുറത്തേക്കു വെച്ചു ബാഡ്ഗ്ലി മിഷ്കാ ബ്രാൻഡഡ് ലെതർ ഫുട് വെയർ ആണ് ഒരു അൻപതിനായിരം രൂപ എങ്കിലും വിലവരും,  ആ യുവാവ് പുറത്തേക്കിറങ്ങി. ഇടത്തെ കയ്യിൽ ഓഡർമാസ് പിജിറ്ന്റെ അറുപത് ലക്ഷം  വിലവരുന്ന വാച്ച് ആണ് ധരിച്ചിരിക്കുന്നത്. ഒരു മനോഹരമായ ക്രീം കളര്‍ കൂര്തകയും നീല ജീന്സു്൦ ഒക്കെ ധരിച്ചു പിന്നില്‍ നിന്നെ കാണാന്‍ കഴിയുന്നുള്ളൂ.

ആ യുവാവ് കാറിന്റെ ഡോര്‍ അടച്ചു. തിരിഞ്ഞു. ഒരു സൂര്യതേജസ്സോടെ അതീവ സുന്ദരന്‍  ആയ ഒരു യുവാവ്. ക്ലീന്‍ ഷേവ് ആണ്, നല്ല തൂവെള്ള നിറം, ക്ലീന്‍ ഷേവ് ആയതിനാല്‍ ഒരു പച്ച കലര്ന്ന നിറം താടിയില്‍.  ആരെയും മോഹിപ്പിക്കുന്ന നീല കണ്ണുകള്‍. നീണ്ട സുന്ദരമായ മൂക്ക്, മുടി എല്ലാം ഈരി ഒതുക്കി ശരിക്കും പറഞ്ഞാല്‍ യവന കഥയിലെ ഒരു രാജകുമാരന്‍. അതിനു മേലെ ഒരു ഉപമയും സാധ്യമാവില്ല. അത്ര ഏറെ തേജസ്വി ആയ ഒരു യുവകോമളന്‍.

അയാള്‍ ശ്രീയ പാടുന്ന ആ ഗാനം കണ്ണടച്ച് കേള്ക്കുുക ആണ് സ്വയം മതിമറന്നു.

ഗാനത്തിന്റെ ചരണം പാടി തുടങ്ങിയപ്പോളേക്കും അയാള്‍ നേരെ ഓഡിറ്റോറിയം ലക്ഷ്യമാക്കി നടന്നു. അയാള്‍ ഓഡിറ്റോറിയത്തില്‍ എത്തി, യവനകഥയിലെ രാജകുമാരിയെ പോലെ മനോഹരി ആയ ശ്രീയ അവളുടെ അവര്ണ്ണയനീയമായ നാദസൌന്ദര്യത്താല്‍ വേദിയെ മറ്റൊരു തലത്തിലേക്ക് എത്തിക്കുക ആണ്.

ഇതുപോലെ ഒരു ഈണം ആരും കേട്ടിട്ടില്ല. എല്ലാരും സ്വയം മതിമറന്നു ഇരിക്കുക ആണ്.

ഒടുവിൽ ഗാന൦ അവസാനിക്കുന്ന സമയത്തു കണ്ണാ,,,,എന്ന് ഉയർന്ന പിച്ചിൽ നീട്ടി വിളിക്കുന്ന ഒരു മനോഹരമായ ഒരു ഭാഗം ഉണ്ടായിരുന്നു, ഷഡ്ജത്തിൽ  നിന്നും തുടങ്ങി ഒടുവിൽ കണ്ണാ എന്ന ആ വിളി ഋഷഭവും ഗാന്ധാരവും മാധ്യമവും പഞ്ചമവും ധൈവതവും കഴിഞ്ഞു നിഷാദം വരെ ഉയരുന്ന പിച്ചിൽ  ആ ഗാനം അവസാനിച്ചു.

അവള്‍ അടുത്ത വേദിയിലേക്ക് നടന്നു.

മുന്നോട്ട് നടന്നു ഓഡിറ്റോറിയത്തിന് വെളിയിലേക്ക് പോകുന്ന വഴിയില്‍ ആ സുന്ദരനായ യുവാവ് അവളുടെ മുന്നിലേക്ക് നിന്നു.

പെട്ടെന്നു ഒരാള്‍ തന്റെ മുന്നിലേക്ക് നിന്നപ്പോള്‍ ശ്രീയ ഭയന്ന് പോയി. അവള്‍ അയാളുടെ മുഖത്തേക്ക് നോക്കി.

ഒരേ ഒരു നിമിഷം , ഒരേ ഒരു നിമിഷം മാത്രമേ അവള്‍ നോക്കിയുള്ളൂ, ആ തേജസ്സുള്ള നീലകണ്ണുകളിലേക്ക് നോക്കിയപ്പോള്‍ തന്നെ അവള്‍ സ്വയം മറന്നു പോയ നിമിഷങ്ങള്‍. അവളുടെ ഹൃദയ൦ മിടിക്കുന്നതിന്റെ വേഗത ഉന്നതിയില്‍ ആയി, അവളുടെ നെറ്റിയില്‍ നിന്നും വിയര്പ്പ്  ഒഴുകാന്‍ തുടങ്ങി, കൈകാലുകള്‍ വിറക്കുന്ന പോലെ,

ആ യുവാവിന്റെ നയനങ്ങളിലേക്ക് അധികം നേരം നോക്കാന്‍ അവള്‍ക്കു സാധിക്കുന്നില്ല, അവളുടെ ശിരസ് കുനിഞ്ഞു, ലജ്ജ കൊണ്ടെന്ന പോലെ.

നല്ല ശബ്ദം ,,,,നല്ല ഈണം ,,,,,,നല്ല ഗാനം….. അതിമനോഹരം ,,,, അതില്‍ കൂടുതല്‍ എനിക്കു പറയാന്‍ അറിയില്ല….. കുട്ടിയുടെ നാദത്തില്‍ ഞാന്‍ സ്വയം മറന്നുപോയി….

നല്ല ഗംഭീര്യം ഉള്ള ശബ്ദത്തില്‍ ആ യുവാവ് പറഞ്ഞു. ആ ശബ്ദത്തിന് പോലു൦ മനസ്സിനെ സ്വാധീനിക്കാനുള്ള ദിവ്യമായ മാസ്മരികമായ ശക്തി.

ഓള്‍ ദി വെരി ബെസ്റ്റ്സ്….

അത്രയും പറഞ്ഞു ചിരിച്ചു സ്വയം പരിചയപ്പെടുത്താനോ അവളുടെ വിവരങള്‍ പോലും ചോദിക്കാനോ നില്ക്കാതെ ആ യുവാവ് അവിടെ നിന്നും ഇറങ്ങി.

അവള്‍ ഒരു അത്ഭുതത്തോടെ മാത്രം ആ യുവാവിനെ നോക്കി നിന്നു ….

തന്റെ വാഹനത്തില്‍ കയറി ഡ്രൈവ് ചെയ്തു കോളേജു ഓഫീസിലേക്ക് വാഹനം ഓടിച്ചു പോയി.

അതേ സമയം വേദിയിലെ സൌണ്ട് സിസ്റ്റത്തില്‍ നിന്നും ഹൈ ബാസ്സ് ട്രെബിള്ഇ ല്‍ ഒരു ഗാനം മുഴങ്ങി

സീതാകല്യാണ വൈഭോഗമേ

രാമ കല്യാണ വൈഭോഗമേ

പവനജ സ്തുതി പാത്ര പാവന ചരിത്രാ

രവിസോമ വാരനേത്ര രമണീയ ഗാത്ര

ഭക്ത ജന പരിപാല ഭരിത ശര ജാല

ഭുക്തി മുക്തിദ ലീല ഭൂദേവ പാല

പാമരാസുരഭീമ പരിപൂർണ്ണ കാമ

ഹൈ ബാസില്‍ ഓരോ താളവും അവളുടെ ഹൃദയത്തിലേക്ക് ആഴ്ന്നിറങ്ങി.

താന്‍ എവിടെയോ കേട്ടു മറന്ന ശബ്ദം,  കണ്ടു മറന്ന കണ്ണുകള്‍, ആ കണ്ണുകള്‍ തനിക്ക് ചിരപരിചിതം തന്നെ….

താന്‍ കണ്ടു മറന്ന ഏതോ സ്വപ്നത്തിലോ …… അതോ…. ജന്മന്തരബന്ധതിലോ

ഇത് തന്നെ ആണോ തന്റെ ഗന്ധര്‍വ്വ൯

-14-

ശ്രീയ്ക്ക് ഒന്നും തിരിച്ചറിയാൻ സാധിക്കുന്നില്ല, അവൾ മായികമായ അവസ്ഥയിൽ തന്നെ,

എന്താണ് തനിക്കു സംഭവിച്ചത്….  ഇന്ന് വരെ ഒരാളോടും തോന്നാത്ത ഒരു ആകർഷണം എന്താണ് ആ യുവാവിനോട് തോന്നിയത്,,,,,ആരാണയാൾ,…..കണ്ണാ………….എനിക്ക് പറഞ്ഞു താ ………..ആരാണയാൾ?

കണ്ണാ ……..ഈ കണ്ണുകൾ എനിക്ക് നല്ല ഓർമ്മ ഉണ്ട് , പരിചിതമായ കണ്ണുകൾ ആണ്, എവിടെ എന്ന് മാത്രം പൊന്നുവിന് അറിയാൻ സാധിക്കുന്നില്ല, എന്റെ സ്വപ്നങ്ങളിൽ ആണോ, അതോ  സത്യമോ മിഥ്യയോ

എന്നറിയാത്ത പൂർവ്വജന്മത്തിലോ.,,,,,,,,,,,,ആ ശബ്ദം,,,,,,,,,,,,,ഹൃദയത്തിലേക്ക് ആഴ്നിറങ്ങുന്നു, എനിക്ക് ഓർമ്മ ഉണ്ട് ഈ ശബ്ദം എന്റെ ഏതോ ഒരു ഓർമ്മയിൽ ഉണ്ട് ,

കണ്ണാ ………………ശ്രിയ മനസ്സിൽ ഉരുവിട്ടു.

അവൾ ഉടൻ തന്നെ പുറത്തേക്കു ഇറങ്ങി , അയാൾ എങ്ങോട്ടു പോയി, അറിയില്ല, പിന്നീടു അവൾക്കു അയാളെ കാണാൻ കഴിഞ്ഞില്ല.

ഒന്നുറപ്പാണ്, ഒന്നുകിൽ കണ്ടു മറന്ന ഒരു സ്വപ്നത്തിൽ അല്ലെങ്കിൽ അവളുടെ പൂർവജന്മത്തിൽ എവിടെയോ അയാൾക്ക് ഒരു സാന്നിധ്യം ഉണ്ടായിരുന്നിരിക്കണം.

<<<<<<<O>>>>>>>>

സമ്മതിക്കൂല്ല …………..ഈ പരിപാടി സമ്മതിക്കൂല്ല……………..

ഇവിടെ ഒരു നീല കണ്ണുള്ള ഒരുത്തനും വേണ്ട …………..വേറെ ഒരു ഗന്ധര്വനും  വേണ്ട.

ആ പന്നിയുടെ കണ്ണ് ഞാൻ കുത്തിപൊട്ടിക്കും.

എന്റെ അപ്പു ആണ് , എന്റെ ആദിശങ്കരൻ ആണ് നായകൻ, അപ്പൊ നായിക പാറു

അതിന്റെ അപ്പുറത്തേക്ക് ഒരുത്തനേം കാലു കുത്താൻ ഞാൻ സമ്മതിക്കില്ല.

രോഷാകുലനായി മനു ചാടി എഴുനേറ്റു.

അല്ലെ …………….കൊട്ട് മൊത്തം ചെണ്ടക്കും കാശ് മാരാർക്കും,

പാറു , അവൾക്കെന്താ  എന്താ പെട്ടെന്നൊരു മാറ്റം, നല്ലൊന്നാന്തരം ചെറുക്കൻ അവളുടേ വീട്ടിൽ ഉള്ളപ്പോ,

ബാലു ചെട്ടാ കാര്യം ഒക്കെ കൊള്ളാം , ഈ പരിപാടി നടക്കില്ല , നിങ്ങൾ അപ്പുവിന്റെ കഥ പറയുമ്പോൾ ഞാൻ സ്വയം അപ്പു ആയി മനസ്സിൽ കാണുകയാണ്.

എനിക്ക് സ്വീകാര്യം അല്ല , കഥ മാറ്റണം, കഥ മാറ്റിയെ പറ്റു , ഇല്ലെങ്കിൽ ബാലു ചേട്ടന് ഞാൻ കോട്ടേഷൻ തരും

അതിനുള്ള സകല പിടിയും എനിക്കുണ്ട്. എന്ത് കഷ്ടമാ ബാലുച്ചേട്ട , എന്റെ അപ്പു , അവൻ പാവം അല്ലെ ,

എന്തോരം സ്നേഹം ആണ് അവന്റെ പാറുവിനോട് , ആ സ്നേഹം കാണുമ്പോ എനിക്ക് കണ്ണ് നിറയുന്നുണ്ട്, ഒരിക്കൽ പോലും ആ സ്നേഹം അവളെ  അറിയിക്കാൻ പോലും പറ്റുന്നില്ല , അവളവനെ സ്നേഹിക്കുന്നുമില്ല,

എന്തൊരു കഷ്ടം ആണ് എന്റെ അപ്പുനു, എന്തൊക്കെ വന്നാലും ലക്ഷ്മി ‘അമ്മ സത്യം ആണ് , പാറു അപ്പുവിന്റെ ആണ് എന്നുള്ളത് ലക്ഷ്മി ‘അമ്മ പറഞ്ഞ വാക്ക് ആണ് അപ്പുവിനോട്, എങ്കിലും ഈ ഗന്ധർവ്വൻ എന്നും പറഞ്ഞു വന്ന ആ ഉഡായിപ്പുണ്ടല്ലോ നീല കണ്ണൻ , അവന്റെ കോത്താഴത്തെ ഫാന്റം കാറും അണ്ണാക്കിലെ വാച്ചും, ഒലക്കേടെ മൂട്ടിലെ ചെരുപ്പും വേറെ പണി ഇല്ല , എവിടെ നിന്നും വന്നു ആ നാറി

ദൈവമേ എന്റെ ദേഷ്യം  തീരുന്നില്ലല്ലോ.

….അത് കേട്ട് ബാലു ചിരിച്ചു.

ബാലു ചേട്ടാ കുറച്ചു കഴിഞ്ഞു പറഞ്ഞാ മതി , എന്റെ ഉള്ളിൽ നിന്നും ആ ഞെട്ടൽ മാറിയിട്ടില്ല,

ഒരു കാര്യവും ഇല്ലാത്ത കുറെ ആളുകളെ എഴുന്നള്ളിച്ചു കൊണ്ടുവരും മനുഷ്യനെ പേടിപ്പിക്കാൻ ആയി.

ലോകത്തു കേട്ട് കേൾവി ഇലാത്ത ഒരു ഭീകരജീവി അതും ചീഞ്ഞ മാംസം തിന്നുന്ന ആൾ, അയ്യേ ,  സൈഡില് പാങ്ങോടൻ തിരുമേനി , വേറെ ഒരിടത്തു എന്താണ് എരുമരാജോ പോത്തു രാജോ അങ്ങനെ എന്തോ ഒന്ന്,  ഇതൊക്കെ എങ്ങനെ ആണ് വിശ്വസിക്കുക.

ബാലുച്ചേട്ട സത്യം പറയണം ഇത് നിങ്ങൾ ഉണ്ടാക്കിയ വെറുമൊരു കഥ മാത്രമേ അല്ലെ, അല്ലാതെ ഈ ഉള്ളവർ ഒക്കെ സത്യത്തിൽ ഉള്ളവർ ആണോ,

മനു …………….നിനക്ക് വിശ്വാസം ആകുന്നില്ലേ , അപ്പുവിനെ ഇത്ര ഏറെ അടുത്തറിഞ്ഞിട്ടും അപ്പു ഒരു കഥ ആണെന്നാണോ നീ വിചാരിക്കുന്നത്, ബാലു ചോദിച്ചു,

ഇല്ല അപ്പു പാറു മാലിനി മായ ,,ഇവരൊക്കെ ഉള്ളവർ തന്നെ ആണ് , അല്ല എന്ന് എനിക്ക് തോന്നുന്നില്ല, പക്ഷെ പലയിടത്തും സംശയങ്ങൾ ആണ്.

ബാലുച്ചേട്ട , എനിക്ക് നിങ്ങടെ ആദിശങ്കരനെ ഒരുപാട് ഇഷ്ടപ്പെട്ടു കേട്ടോ , ഹീറോ ആണ്

പക്ഷെ നീലകണ്ണൻ നമുക്ക് വേണ്ട അവനെ ഒഴിവാക്കി പറഞ്ഞാൽ മതി ബാലുച്ചേട്ട..

മനു നീ ഒരു കാര്യം മനസിലാക്കുക , ഞാൻ കഥ അല്ല പറയുന്നത്

മനു കുറച്ചു നേരം ആലോചിച്ചു , അതും ശരി ആണല്ലോ.

യഥാർത്ഥത്തിൽ ഇവിടെ ഒരു എഴുത്തുകാരൻ ഇല്ലല്ലോ , ബാലു എന്ന വ്യക്തി മനു എന്ന വ്യക്തിയോട് പറഞ്ഞു കൊണ്ടിരിക്കുന്ന ഒരു രാജകുമാരന്റെ ജീവിതകഥ അല്ലെ , അതായതു നടന്ന സംഭവം , അത് അതുപോലെ തന്നെ അല്ലെ പറയാൻ സാധിക്കൂ…

മനസിലായി മനസിലായി….ബാലുച്ചേട്ട എന്നാലും ശ്രിയ  എന്തിനാ ഈ അപ്പുനോട് ഒരൽപം പോലും സ്നേഹം കാണിക്കാത്തത്. എനിക്ക് അങ്ങോട്ട് ഇഷ്ടപ്പെടുന്നില്ല അവളെ , ആ മായ എത്ര നല്ല കുട്ടി ആയിരുന്നു , അപ്പു അവളുടെ മനസു അറിയാൻ ശ്രമിച്ചില്ല, അതൊക്കെ മോശം ആയി പോയി.

മനു നീ ഒരു കാര്യം പറയു ,,,,,,,,,അപ്പു എന്താണ് പാറുവിനെ വെറുക്കാത്തതു , ഇത്ര ഒക്കെ പെരുമാറിയിട്ടു പോലും എന്തെ അവന്റെ ഉള്ളിൽ ഒരു തുള്ളി വെറുപ്പ് പോലും ഇല്ലാത്തതു, അതിനു നിനക്കൊരു കാരണം പറയാൻ സാധിക്കുമോ ?

അയ്യോ അങ്ങനെ ചോദിച്ചാൽ അതും ശരി ആണല്ലോ…

മനു…… പാറുവിനെ വെറുക്കാൻ ആയി എത്ര എത്ര തെറ്റുകൾ പാറു അപ്പുവിനോട് ചെയ്തിട്ടുണ്ട് എന്നിട്ടു പോലും അപ്പുവിന് പാറുവിനെ വെറുക്കാൻ സാധിക്കുന്നില്ല, എന്താ അതിന്റെ കാരണം അതുപോലെ തന്നെ അപ്പു പാറുവിനോട് ദോഷം ഒന്നും ചെയ്തിട്ടില്ല എന്നാൽ അവനെ ഇഷ്ടപ്പെടാൻ ആയി ഒരുപാട് കാര്യങ്ങൾ അവൾക്കായി ചെയ്തിട്ടുണ്ട്, എന്നിട്ടും അവൾക്കു അപ്പുവിനോട് തരിമ്പു പോലും സ്നേഹം തോന്നാത്തതിനു എന്ത് കാരണം ആണ് നമ്മൾ ചൂണ്ടി കാണിക്കുക. ഇതൊന്നും കാരണം ഇല്ലാത്ത കാര്യങ്ങൾ ആണ്. എന്നാൽ അതിനു പിന്നിലും രഹസ്യങ്ങൾ ഉണ്ട്. അതാണ് വൈരുധ്യങ്ങൾ അതായതു കോൺട്രഡിക്ഷൻസ് . ഇവരുടെ ജീവിതം വൈരുധ്യങ്ങൾ നിറഞ്ഞതു ആണ് , അതിനു ഒരു കാരണം ഉണ്ട് അതാണ് ഇതിലെ ഒരു രഹസ്യം.

ആഹാ ……..എന്നിട്ടാണോ ബാലുച്ചേട്ട , ആ രഹസ്യം ഒന്ന് പറ,

ഹ ഹ ഹ ഹ……….. നമ്മൾ രഹസ്യത്തെ അന്വേഷിച്ചു പോകണം അല്ലാതെ അത് ഇങ്ങോട്ടു വരില്ല , അതിനു അപ്പുവിന്റെ ജീവിതം മുന്നോട്ടു കേട്ടാൽ മാത്രേ സാധിക്കൂ.

ബാലുച്ചേട്ട ,,,എന്നാലും ഇങ്ങനെ ഒക്കെ പ്രണയം ഉണ്ടാകുമോ ?

ഉണ്ടാകണം അല്ലോ , അതല്ലേ നമ്മുടെ അപ്പു , തെളിവ് തന്നെ അല്ലെ.

ബാലുചേട്ടാ ഈ അപ്പു ഇപ്പൊ എവിടെ ഉണ്ട് , ആളുടെ വല്ല അഡ്ഡ്രസ്സോ ഫോൺ നമ്പറോ ഒന്ന് കിട്ടുമോ?

ഹ ഹ ഹ………….ഇതൊന്നും എന്റെ കൈവശം ഇല്ല മനു , പക്ഷെ എനിക്ക് ഒന്നറിയാം ഇവരൊക്കെ എവിടെയോ ഉണ്ട് , എവിടെന്നു മാത്രം എനിക്കറിയില്ല………..എന്നോട് പറഞ്ഞിട്ടുമില്ല. ബാലു മറുപടി പറഞ്ഞു.