അപരാജിതൻ 4 [Harshan] 6764

വിഹന്തി എന്നാൽ സംഹാരിണി സർവതിനെയും നശിപ്പിക്കുന്നവൾ. ശാന്ത സമയങ്ങളില്‍ വൈഖരിയെ സഹന്തി എന്നും പേരിട്ടു വിളിക്കുന്നു സഹിക്കുന്നവള്‍ എന്ന അർത്ഥത്തിൽ.

വൈഖരി എന്ന ദേവനദി വിഹന്തി എന്ന സംഹാരിണിയും സഹന്തി എന്ന സർവ്വംസഹയും

പർവ്വത നിരകളിലെ ഏറ്റവും വലിയ പർവതം ആണ് മഹാമേരു.ആ മഹാമേരു പർവ്വതത്തിനു മുകളിൽ ആണ് കാലകാലൻ ആയ മൃത്യുഞ്ജയമഹാരുദ്ര൯ കുടികൊള്ളുന്നത്.

ക്ഷേത്രത്തിനു ഒരുപാട് ചരിത്രങ്ങളും ഐതിഹ്യങ്ങളും ഉണ്ട്.

മഹഋഷി ആയിരുന്ന ശിവ ഭക്തന്‍ ആയിരുന്ന അഗസ്ത്യൻ നിർമ്മിച്ചതാണ് ആ ക്ഷേത്രം എന്നാണ് പഴമൊഴി. പാറ കൊത്തി എടുത്താണ് ക്ഷേത്രം നിർമ്മിച്ചിരിക്കുന്നത്.മൃത്യുഞ്ജയമഹാരുദ്ര ക്ഷേത്രം. മഹേശ്വരന്റെ അത്യുഗ്രമായ ശക്തി വിശേഷങ്ങൾ കുടികൊള്ളുന്ന പുണ്യക്ഷേത്രം ആണ്.

ആ ക്ഷേത്രം കുന്നിൻ മുകളിൽ ആണെന്ന് പറഞ്ഞുവല്ലോ , അവിടം വരെ എത്തണം എങ്കിൽ ആയിരത്തി ഇരുന്നൂറ്റി തൊണ്ണൂറ്റി ആറു വലിയ പടികള്‍  ചവിട്ടി കയറണം. എന്താണ് ഈ അക്കത്തിന്റെ രഹസ്യം എന്തെന്ന് കൂടെ പറയാം.

പരമശിവന്റെ ദ്വാദശ ജ്യോതിർലിംഗങ്ങളെ കുറിച്ച് കേട്ടിട്ടുണ്ടാകും , അതായതു ഭാരതത്തിൽ ശൈവ വിശ്വാസം അനുസരിച്ചു ഏറ്റവും പ്രധാനപ്പെട്ട 12 ജ്യോതിർലിംഗങ്ങൾ ആണ് ഉള്ളത്.അതെ ജ്യോതിർലിംഗങ്ങളുടെ പൂർണമായ ചൈതന്യം ആണ് ഇവിടെയും പ്രതിഷ്ടിക്കപെട്ടിരിക്കുന്നത്.

അതായതു ഭാരതം മൊത്തം സഞ്ചരിച്ചു ഈ പന്ത്രണ്ടു ജ്യോതിർലിംഗം ദർശനം ചെയ്യാൻ സാധിക്കാത്തവർക്ക് ഇവിടെ മാത്രം വന്നു തൊഴുതാൽ മതി ആ പരമമായ പുണ്യം ലഭിക്കും

ആ വലിയ പർവ്വതതെ പന്ത്രണ്ടു ആയി ഭാഗിച്ചു അതിൽ ഓരോ പന്ത്രണ്ടു ഭാഗങ്ങളും നൂറ്റിഎട്ടു വലിയ നടകൾ ചേർന്നതാണ്. ഒരു വലിയ നട എന്നത്  അഞ്ചു ചെറുനടകൾ ചേർന്നതാണ്.

എന്ത് കൊണ്ട് അഞ്ചു നടകൾ.

അഞ്ചു എന്നത് ഒരുപാട് വിശേഷപ്പെട്ട ഒരു അക്കം  ആണ് ഹിന്ദു മിത്തോളജി പ്രകാരം

പഞ്ച ഭൂതങ്ങൾ -അഗ്നി ജലം ആകാശം വായു ഭൂമി

പഞ്ച പ്രാണനുകൾ , പഞ്ച അഗ്നികൾ, പഞ്ചഗവ്യങ്ങൾ,പഞ്ച അമൃതങ്ങൾ,

പഞ്ച അംഗങ്ങൾ അത് കൂടാതെ ശിവ മന്ത്രം ആയ പഞ്ചഅക്ഷരങ്ങൾ -നമ ശിവായ എന്നതു.

മറ്റൊന്ന് ശൈവവിശ്വാസം അനുസരിച്ചു പരമേശ്വരന്  അതായത് ലോകത്തിന്റെ ഈശ്വരന്  അഞ്ചു തലങ്ങൾ ഉണ്ട് -ഒന്ന്  ബ്രഹ്മസ്വരൂപം (സൃഷ്ടികർത്താവ്), രണ്ടു  വിഷ്ണു സ്വരൂപം (പരിപാലകൻ ) മൂന്ന് രുദ്രസ്വരൂപം (സംഹാരകൻ ), മഹേശ്വരസ്വരൂപം (മറച്ചുവെക്കുന്നവൻ) , സദാശിവ സ്വരുപം (വെളിവാക്കുന്നവൻ ).

പറഞ്ഞു വന്നത് അഗസ്ത്യ മഹർഷി എന്തിനെ ഉദ്ദേശിച്ചു ആണ് ഓരോ പടികൾക്കും അഞ്ചു ചെറുപടികൾ കൊടുത്തതു എന്നത് വ്യക്തമല്ല ഒരു പക്ഷെ പഞ്ചാക്ഷരിയെ ഉദ്ദേശിച്ചു ആയിരിക്കാം അതായതു നമഃശിവായ മന്ത്രം എന്നത് ഒരു വലിയ പടിക്കായി, അങ്ങനെ 108 നമഃശിവായ മന്ത്രം ചൊല്ലി 108 പടികൾ കയറണം എന്ന് സാരം. അല്ലെങ്കിൽ പരമേശ്വരന്റെ അഞ്ചു സ്വരൂപങ്ങളെ ഉദ്ദേശിച്ചു ആയിരിക്കാം ,അല്ലെങ്കിൽ  പഞ്ചഭൂതതത്വത്തെ അടിസ്ഥാനപെടുത്തി ആയിരിക്കാം .അങ്ങനെ നോക്കുമ്പോൾ എത്ര ചെറുപടികൾ കയറണം,

നീലാദ്രിയിലെ ഏറ്റവും വലിയ പർവതത്തെ പന്ത്രണ്ടു ഭാഗങ്ങൾ ആക്കി അതിനു 108 വലിയ നടകള്‍  കൊടുത്തു ആ വലിയ നടകളെ അഞ്ചു ചെറു നടകൾ ആയി കൂടെ വിഭജിച്ചു. കൂടാതെ ഓരോ 108  പടികൾ അവസാനിക്കുന്നിടത്തും ദ്വാദശ ജ്യോതിർലിംഗങ്ങളുടെ അതെ ചൈതന്യം ആവാഹിച്ച ശിവലിംഗ പ്രതിഷ്ഠ കൂടെ നടത്തി. ആകെ 12 ഗുണം 108 ഗുണം 5 അതായതു ഏതാണ്ട് ആറായിരത്തി നാന്നൂറ്റി എൺപതു പടികൾ കയറിവേണം പരമേശ്വരനായ മൃത്യുഞ്ജയ മഹാരുദ്രനെ ദർശിക്കുവാൻ എന്ന് സാരം.

പഴനി ക്ഷേത്രത്തിൽ പോലും കൂടിവന്നാൽ ആയിരം നടകളെ ഉണ്ടാകൂ എന്ന് കൂടെ ഓർക്കണം.

അപ്പു താഴെ നിൽക്കുക ആണ്, മാലിനിയും ശ്രീയയും താഴെ ഉള്ള അരുവിയിലേക്ക് പോയി കയ്യും കാലും മുഖവും ഒക്കെ കഴുകാൻ ആയി , ആ അരുവി വെറും ഒരു അരുവി അല്ല , ആ അരുവി മഹാമേരു പർവതത്തിന്റെ മുകളിൽ നിന്നാണ് ഉദ്ഭവിക്കുന്നതു, സങ്കൽപ്പ പ്രകാരം മഹേശ്വരന്റെ ശിരസിൽ നിന്ന് ഉത്ഭവിക്കുന്നു, ആര് സാക്ഷാൽ ഗംഗ നദി, ആ അരുവിയുടെ പേര് ആണ് ജാഹ്നവി , ജാഹ്നവി എന്നത് ഗംഗാ നദി യുടെ മറ്റൊരു പേര് ആണ്,പാപനാശിനി ആണ് ജാഹ്നവി,

നീലാദ്രി പർവ്വത നിരകളിലെ മഹാമേരു പർവതത്തെ തൊട്ടു തലോടി ആണ് ജാഹ്നവി നദി ഒഴുകുന്നത്, ശിവന്റെ സർവ അംഗങ്ങളെ അഭിഷേകം ചെയ്തു ഒഴുകുന്ന പോലെ

ഏറെ കുളിരു പകരുന്ന വെള്ളം ആണ് പനിനീര് പോലെ , അത്രക്കും തെളിമയാർന്ന നിർമലമായ വെള്ളം.

ആ തെളിമയിൽ ആ അരുവിയിടെ കീഴെ ഉള്ള മനോഹരങ്ങളായ വെള്ളാരംകല്ലുകളും വിവിധ വർണ്ണ മത്സ്യങ്ങളെയും പച്ചപ്പ്‌ നിറഞ്ഞ സസ്യലതദികളെയും ഒക്കെ കാണുവാൻ സാധിക്കും.ആ അരുവി ചെന്ന് ചേരുന്നത് വൈഖരി നദിയിലേക്കു ആണ്. മഹാമേരു പർവതത്തിൽ കൂവള വൃക്ഷങ്ങൾ രുദ്രാക്ഷ വൃക്ഷങ്ങൾ ആര്യവേപ്പ് അങ്ങനെ അനവധി വൃക്ഷങ്ങൾ ഉണ്ട്,

ശ്രീയ്ക്ക് ആ പ്രദേശം ഒക്കെ ഒരുപാട് ഇഷ്ടപ്പെട്ടു. അവൾക്കു ഒരുപാട് മനശാന്തി നൽകുന്നു.

അവർ ആദ്യത്തെ നടകൾ ചവിട്ടുന്നതിനു മുന്നേ ആയി മാലിനി അപ്പുവിനെ കൂടി വിളിച്ചു മുകളിലേക്ക് കൂടെ വരുവാൻ ആയി.

ഞാൻ എങ്ങും വരുന്നില്ല , എനിക്കീ ആദ്ധ്യാത്മികത ഒന്നും പറ്റത്തില്ല, ഞാൻ വരുന്നില്ല നിങ്ങൾ കയറിക്കോ.

അമ്മക്ക് എന്താ ,,, ഈ പെട്ടതലയനു ഇഷ്ടമില്ലെങ്കിൽ വരണ്ട ,,,, ഇവനെ ഒക്കെ ക്ഷണിച്ചു കൊണ്ടുപോകേണ്ട ആവശ്യം ഉണ്ടോ …. ഇത്രയും പറഞ്ഞു പാറു ആദ്യം കാണുന്ന ചെറിയ കോവിലിലേക്ക് നടന്നു നീങ്ങി.

മാലിനി അപ്പുവിനെ നോക്കി,

അപ്പു ഞാൻ എങ്ങും വരുന്നില്ല എന്ന ഭാവത്തിൽ തന്നെ

അപ്പു,,,, മൂന്നുപേര് പോയി ത്രിനേത്രനായ ഭഗവാനോട് ഒരേ കാര്യം പ്രാർത്ഥിച്ചാൽ എളുപ്പം സാധിക്കും എന്നൊരു വിശ്വാസം ഉണ്ട് , എന്റെ മോൾക്ക് ഒരു ആപത്തും വരാതിരിക്കാൻ ആണ് ഞാൻ പോകുന്നതും പ്രാർത്ഥിക്കുന്നതും , നീ കൂടെ ഉണ്ടായിരുന്നെങ്കിൽ മൂന്ന് പേര് ആയേനെ അതുകൊണ്ടു ചോദിച്ചതാ…

നീ കൂടെ എന്റെ പൊന്നുവിനെ വേണ്ടി പ്രാർത്ഥിക്കുക ആണെങ്കിൽ …….

അല്ലെ വേണ്ട ,,,,,,, ഇഷ്ടമില്ലാതെ ആണെകിൽ പിന്നെ ,,,വേണ്ട അപ്പു ,,, ഇപ്പൊ തന്നെ നീ ഒരുപാട് ബുദ്ധിമുട്ടി..

വേണ്ട ഞങ്ങൾ പൊക്കോളാ…മാലിനി പറഞ്ഞു.

ആ ദേ കിടക്കണ് …. ആരോടാ ഈ പറയുന്നത്,,,, നമ്മടെ അപ്പു അല്ലെ ,,,, പാറുവിനെ വേണ്ടി ചങ്കു വരെ കൊടുക്കാൻ നിക്കുന്ന നമ്മുടെ ചെറുക്കൻ ആണ്…………

ഹാ …. ഇതൊക്കെ നേരത്തെ പറയണ്ടേ ,,,,, അല്ല പിന്നെ ,,,,, കാര്യം പറയാതെ എനിക്ക് മനസിലാകില്ലല്ലോ..

ഞാൻ കൂടെ വന്നു പ്രാർത്ഥിച്ചാൽ ശ്രീമോൾക്ക് ഒരു കുഴപ്പവും ഉണ്ടാകില്ല എന്നത് സത്യം ആണോ കൊച്ചമ്മേ …അവൻ ചോദിച്ചു.

ഹാ ,,,, ഒരു കുഴപ്പവും വരില്ല………….അത് പറഞ്ഞു അപ്പുവിനെ നോക്കിയപ്പോളേക്കും അപ്പു അവിടെ  ഇല്ല ..

അവൻ ഓടുകയാണ് അരുവിയിലേക്ക് കയ്യും കാലും കഴുകാൻ ആയി;

മാലിനിക്ക് എന്താണ് പറയേണ്ടത് എന്നറിയില്ല,,,, ഇതെന്തൂചെറുക്കൻ ആണ് , ഇവന്റെ സ്വഭാവം ഒന്നും പിടികിട്ടുന്നില്ലല്ലോ…

അപ്പു പെട്ടെന്ന് കായും കാലും മുഖവും കഴുകി ഓടി വന്നു..

വാ വാ വേഗം കയറാം…

അപ്പു ആദ്യം ഇവിടെ തൊഴണം ആ ചെറിയ ക്ഷേത്രത്തിനുള്ളിൽ,

ആ ആയിക്കോട്ടെ എന്ന വാ …

അങ്ങനെ അവർ കൂടെ ആദ്യത്തെ ശ്രീകോവിലിലേക്ക് ചെന്നു ,

ഒരു ചെറിയ ക്ഷേത്രം അതിനുള്ളിൽ ഒരു ശിവലിംഗം അതിനു ചുറ്റും നിറയെ കൂവളതിലകൾ ആണ് പിന്നെ വിളക്കും പൂജാദ്രവ്യങ്ങളും , പാറു പ്രദക്ഷിണം വെക്കുക ആണ്, അവളുട ഈ നടപ്പും പ്രാർത്ഥനയും ഒക്കെ കാണുമ്പോ ഒരു കൊച്ചുകുട്ടിയെ മനസ്സിൽ വരും. മാലിനി അവിട നിന്ന് പ്രാർത്ഥിച്ചു.

ശിവം ശിവകരം ശാന്തം

ശിവാത്മാനം ശിവോത്തമം

ശിവമാര്ഗ്ഗ  പ്രണേതാരം

പ്രണതോസ്മി സദാശിവം

അപ്പുവും കണ്ണുകൾ അടച്ചു തൊഴുതു , പാറുവിനു വേണ്ടി എന്തും ചെയ്യുന്നവൻ അല്ലെ…

അവൻ വേറെ ഒന്നും പറഞ്ഞില്ല ……എന്റെ പാറുവിനു ഒന്നും വരരുത്,…………..എന്ന് മാത്രം മനസ്സിൽ പറഞ്ഞു.അതായിരുന്നു അവന്റെ ആഗ്രഹവും പ്രാർത്ഥനയും അതിനു മേലെ അവനെന്താണ് ഉള്ളത്.

അവർ ഇപ്പോൾ ഉള്ള ആ കോവിലിലെ ശിവലിംഗംസോമനാഥ ജ്യോതിർലിംഗത്തെ പ്രതിനിധാനം ചെയ്യുന്നു.ചന്ദ്രന് ദക്ഷൻ തന്റെ 27 പെണ്മക്കളെ വിവാഹ൦ ചെയ്തുകൊടുത്തു ,പക്ഷെ ചന്ദ്രന് കൂടുതൽ ഇഷ്ടം രോഹിണിനക്ഷത്രത്തെ ആയിരുന്നു, മറ്റുമക്കൾ പരാതി പറഞ്ഞപ്പോ ദക്ഷൻ ചന്ദ്രനെ ശപിച്ചു ശോഭ ഇല്ലാതെ ആയി പോകട്ടെ എന്ന് പറഞ്ഞു.ഒടുവിൽ ശാപമോചനം കിട്ടിയത് സോമനാഥ ജ്യോതിർലിംഗദർശനം നടത്തി പ്രാർത്ഥിച്ചപ്പോൾ ആണ്.

അവിടെ വേണ്ട വഴിപാടുകളും ഒക്കെ ചെയ്തു കൂവള മാല സമർപ്പിച്ചു

അവർ മൂവരും  നടന്നു നീങ്ങി, 108 പടികൾ ചവിട്ടി കയറി, മാലിനിയും ശ്രീയയും കുറച്ചു തളർന്നു , അങ്ങനെ അവർ രണ്ടാമത് കോവിലിൽ എത്തി അതാണ് ആന്ധ്രയിലെ  മല്ലികാർജുന ജ്യോതിർലിംഗത്തെ പ്രതിനിധാനം ചെയ്യുന്ന പ്രതിഷ്ഠ, പണ്ട് കാർത്തികേയൻ വഴക്കുണ്ടാക്കി കൈലാസത്തിൽ നിന്നും ഇറങ്ങി പോയി ഒടുവിൽ ക്രൗഞ്ചപർവതത്തിൽ പോയിരുന്നു, അന്ന് സകല ദേവരും കാർത്തികേയനെ ആശ്വസിപ്പിക്കാൻ നോക്കി പക്ഷെ നടന്നില്ല പിനീട് അവനെ കാണാൻ ശിവ പാര്വതിമാർ വന്നു,