അപരാജിതൻ 4 [Harshan] 6739

അവൻ ചായ അവളുടെ കയ്യിൽ നിന്നും വാങ്ങി, രണ്ടു മൂന്ന് സിപ് കുടിച്ചു.

ശേ ………….ചായ മാറി പോയി , ഞാൻ കുടിച്ച ചായ ആണ് നിനക്ക് തന്നത് അബദ്ധം പിണഞ്ഞ പോലെ ശ്രീയ പറഞ്ഞു.

ആരോടാ ഈ പറയുന്നതു എന്ന് അവൾക്ക് അറിയില്ലല്ലോ ,

ഓ അതിനിപ്പോ എന്താ ചായ അല്ലെ അതൊന്നും കുഴപ്പം ഇല്ല ,

അത് അവൾക്ക് ഒരു വല്ലായ്മക്കു കാരണം ആയി , താൻ കുടിച്ച കപ്പ് ലെ ചായ അല്ലെ ഇപ്പൊ അപ്പു കുടിക്കുന്നത് ,എച്ചിൽ ആയി പോയില്ലേ

നീ അത് കുടിക്കേണ്ട , ഇത് കുടിച്ചോ ?

ശ്രി മോള് പണി നോക്ക് , അവൻ ചായ ഒറ്റ വലിക്ക് തന്നെ കുടിച്ചു . തന്റെ പണിയിലേക്ക് കടന്നു,കപ്പ് അവൻ തിണ്ണയിൽ വെച്ച് .

എന്തോ ശ്രിയ അവിടെ തന്നെ നിൽക്കുക ആണ് , അപ്പു വലിയ ചിരിയോ ശ്രദ്ധയോ ഒന്നും അവൾക്കു കൊടുക്കുന്നില്ല , അവൻ വണ്ടി കഴുകുന്നതിനിടയിൽ അവളെ നോക്കാതെ ഇരുന്നുമില്ല ,.

സുന്ദരി ആണ് മിഡിയും ടോപ്പും ആണ് വേഷം . കാല്പാദവും കാലിന്റെ ഒരു കാല്ഭാഗവും കൂടെ കാണാം , ചുവന്ന കാൽപാദങ്ങൾ ചെന്താമര പോലെ , അഴക് ഏറുന്ന ഒരു സ്വർണ്ണത്തിന്റെ കൊലുസും , വിരലുകള്‍ ഒക്കെ അതീവ ഭംഗി ആഴ്ന്നു നഖങ്ങളിൽ ഒരു ലൈറ്റ് കളർ നെയില്‍ പോളിഷ് ഒക്കെ ഇട്ടിരിക്കുന്നു,

അപ്പു പണ്ടേ പാറുവിന്റെ കാല്പാദങ്ങളുടെ ആരാധകൻ ആണല്ലോ.

കഴിഞ്ഞ ദിവസത്തെ കാര്യങ്ങൾ ഒക്കെ ഒരു നെരിപ്പോട് പോലെ അവന്റെ ഉള്ളിൽ കത്തുന്നുണ്ട്.

നീ ഇന്ന് തൊട്ടു ഏട്ടനെ സഹായിക്കാൻ പോകാണെന്ന് കേട്ടല്ലോ,,, എല്ലാരേം കയ്യിൽ എടുത്തു അവിടം വരെ കാര്യങ്ങൾ നേടി എടുത്തല്ലേ . ശ്രിയ ചോദിച്ചു.

അപ്പു ഒന്നും മിണ്ടിയില്ല. അവൻ തന്റെ പണി തുടർന്ന് കൊണ്ടിരിക്കുക ആണ്.

ഡാ പെട്ടതലയാ ……………നിന്നോട് സംസാരിച്ച കേൾക്കാതിരിക്കാൻ പൊട്ടൻ ആണോ നീ,

അപ്പു ഒന്നും മിണ്ടാ൯ പോയില്ല.അവൻ അവന്റെ പണി തുടരുക തന്നെ യാണ്.

നീ എന്താടാ പൊട്ടാ മിണ്ടാത്തത്?

അപ്പു ഒരൽപം ദേഷ്യം കാണിച്ചു പാറുവിനെ നോക്കി.

മ് ……………എന്താ നോക്കുന്നെ ?

ഒന്നും ഇല്ല ശ്രിയ മോളെ , ഞാൻ ആരോടും ഒന്നും പറഞ്ഞിട്ടില്ല , എന്നെ അവര് തന്നെ ട്രാൻസ്ഫർ ചെയ്യിച്ചതാണ് എനിക്കറിഞ്ഞൂടാ ..എനിക്കറിയാത്ത കാര്യം ചോദിച്ചാൽ ഞാൻ എന്താണ് പറയുക.

ഓഹോ അങ്ങനെ ആണോ. നീ അവിടെ മര്യാദക്ക് നോക്കീം കണ്ടും നിന്നാൽ മതി, കേട്ടോടാ ചീള് ചെക്കാ,,,,,,,,,,,,,,,,,,

സത്യം പാറുവിന്റെ ആ പറച്ചിലും സ്റ്റൈലും ഒക്കെ ദേഷ്യത്തെക്കാൾ ഉപരി അപ്പുവിന് ഒരു രസം ആണ് പകർന്നത്.

നിനക്കെന്നെ അറിയില്ല ,,, മര്യാദക്ക് നടന്നില്ലെങ്കിൽ ഉണ്ടല്ലോ നിന്റെ എല്ലു ഞാൻ വലിച്ചൂരും, നിനക്ക് നല്ല ഇടിയും തൊഴിയും തരും ഞാൻ കേട്ടോടാ മരതലയാ ഉണ്ടക്കണ്ണാ

ഹ ഹ ഹ ഹ ഹ ഹ ………………………………അപ്പു പൊട്ടി ചിരിച്ചു, അവന്റെ ഉള്ളിലെ എല്ലാ വിഷമങ്ങളും ആ പാറുവിന്റെ ആ സംസാരത്തിൽ എല്ലാം അലിഞ്ഞു ഇല്ലാതായ പോലെ.

എന്താടാ പ്രാന്താ മരമാക്രി … ചിരിക്കൂന്നേ ? ഞാൻ വല്ല തമാശയും പറഞ്ഞോ?

ഒന്നുമില്ല ശ്രീമോളെ …………………എന്നെ ഇടിക്കുന്ന കാര്യം ഓർത്തിട്ടു ചിരിച്ചതാണ്.

അതെന്താ എനിക്ക് നിന്നെ ഇടിക്കാൻ ഉള്ള ആരോഗ്യം ഇല്ലേ , ഈ കൈ കണ്ടോ നീ ..അവള്‍ അവനെ കൈകള്‍ കാണിച്ചു.

ഇത് വെച്ചു നിന്റെ കരണം നോക്കി നല്ല ഇടി തന്നാല്‍ ഉണ്ടല്ലോ നിന്റെ ഉള്ള പല്ലുകള്‍ മൊത്തം താഴെ വീഴും ,പിന്നെ നീ വെപ്പ് പല്ലും വെച്ചുകൊണ്ട് നടക്കേണ്ടി വരും , നിനക്കെന്നെ അറിയില്ലാ…വേണോ നിനക്ക് എന്റെ  കയ്യിൽ നിന്നും ഇടി.

ഒന്ന് പോയെ ശ്രീമോളെ , വെറുതെ തമാശ കളിക്കാതെ ,,, അന്ന് ആ പാമ്പിനെ കണ്ടപ്പോ വെട്ടിയിട്ട വാഴത്തടി പോലെ മലര്ന്നടിച്ചു വീണ മുതൽ ആണ് ഈ പറയുന്നത്, വിട്ടു പിടി……….

അത് കേട്ടപ്പോ ശ്രിയയ്ക്കു ആകെ ലജ്ജ ആയോ എന്നൊരു സംശയം.

നിന്റെ ഒരു പാമ്പു… ശ്രീയ ദേഷ്യപ്പെട്ടു.

ഓ അന്ന് ഞാൻ ഇല്ലാരുന്നേ കാണാമായിരുന്നു,

ഓ പിന്നെ നീ ഇല്ലേലും എന്റെ കണ്ണൻ എന്നെ കാക്കുമായിരുന്നു, ഇടയിൽ ചക്കവീണ് മുയല് ചത്ത പോലെ നീ വീണതല്ലേ…

ശ്രിയമോളെ ഞാൻ ഒരു കാര്യം ചോദിച്ചോട്ടെ?  അപ്പു മടിച്ചാണെങ്കിലും ചോദിച്ചു. ആ ചോദിക്ക്.

എന്തിനാ എന്നോട് ഇങ്ങനെ ദേഷ്യം കാട്ടുന്നെ ? എന്റെ ഭാഗത്തു നിന്നും ഞാൻ അറിയാതെ എന്തേലും തെറ്റ് ഉണ്ടായിട്ടുണ്ടോ? ശ്രീയ ഒന്നും മിണ്ടുന്നില്ല. നിന്നെ എനിക്ക് ഇഷ്ടം ഇല്ല ,

അതിന്റെ കാരണം ആണ് ഞാൻ ചോദിക്കുന്നത്.ഒരു കാരണവും ഇല്ലാതെ ഒരാളോട് ഇങ്ങനെ ഒക്കെ ദേഷ്യം ഉണ്ടാകുമോ ?

ആ എനിക്കറിഞ്ഞൂടാ….

എനിക്ക് നിന്നെ ഇഷ്ടം അല്ല ഇഷ്ടം അല്ല ഇഷ്ടം അല്ല ….

പലപ്പോഴും ശ്രിയ ഒരു കൊച്ചു കുട്ടിയെ പോലെ ആണ്.

ആഹാ അങ്ങനെ ആണോ എന്നാ എനിക്ക് ശ്രീമോളെ ഇഷ്ടം ആണ് ഇഷ്ടം ആണ് ഇഷ്ടം ആണ്

നീ പോടാ പ്രാന്താ പരട്ട മാക്രി ………….നീ എന്നെ ഇഷ്ടപെടണ്ട,,,,,,,,,,,,എനിക്കൊട്ടു നിന്റെ

ഇഷ്ടവും വേണ്ട,,,, ശ്രിയ ദേഷ്യപ്പെട്ടു പറഞ്ഞു.

ഓ ആയിക്കോട്ടെ.

ഡാ മരമാക്രി…… നീ എന്താ എന്നോട് കളിക്കുവാണോ ? ഈ ശ്രിയയോട് കളിക്കുവാൻ നീ ആയിട്ടില്ല.

അപ്പുവിനാണെങ്കിൽ സത്യത്തിൽ ഉള്ളം കുളിരു കോരുകയാണ് ,, ഇത്രയും നാൾ എത്തിയിട്ട് ജീവിതത്തിൽ ആദ്യം ആയി ആണ് പാറു ഇങ്ങനെ ഒക്കെ സംസാരിക്കുന്നത്.

അപ്പു കാർ കഴുകുന്നുമുണ്ട്.

അവന്റെ ഒരു കറുത്ത ബനിയനും കറുത്ത പാന്റും പിന്നെ കൊറേ മസിലും , നിന്റെ തലക്കുള്ളിൽ വല്ലതും ഉണ്ടോടാ പേട്ടതലയാ………………..

ഇല്ല ശ്രീമോളെ ,,,ഞാനും ശ്രീമോളെ പോലെ തന്നെ ആണ് പെട്ടതലക്കുള്ളിൽ ഒന്നും ഇല്ല , ശൂന്യം ആണ് അബ്സോള്യുട്  സീറോ… പിന്നെ ഇവിടെ നിന്ന് ഒരു ജോലി തന്നത് കൊണ്ട് ജീവിച്ചു  മാത്രം …

നീ പോടാ മുള്ളൻ പന്നി …എന്റെ തലക്കുള്ളിൽ ആൾതാമസമൊക്കെ ഉണ്ട് , നീ ആണ് മരപ്പൊട്ടൻ,

അതൊക്കെ പറയുമ്പോ ദേഷ്യം കൊണ്ടു അവളുടെ മൂക്കും കവിളും ഒക്കെ ചുവക്കുന്നുണ്ട്, അത് കാണാൻ നല്ല രസം ആണ്.

ശ്രീമോൾ കുറച്ചു നീങ്ങി നിക്ക് , ഇല്ലെങ്കിൽ വെള്ളം തെറിക്കും പിന്നെ അത് പോരെ എന്നോട് തല്ലുപിടിക്കാൻ ആയി.

അത് കേട്ടപ്പോ ശ്രീ കുറച്ചു നീങ്ങി നിന്നു. അപ്പൊ അനുസരണ ഉണ്ട്.

എന്റെ പട്ടി അനുസരിക്കും നിന്നെ, മുള്ളൻ പന്നി.

ഹ ആഹാ ഹ ഹ …. അപ്പു ചിരിച്ചു.

ശ്രീ മോളെ  ഇപ്പോ എന്താ എന്നെ പട്ടി തെണ്ടി എന്നൊന്നും വിളിക്കാത്ത ? ഇപ്പൊ കുറെ ആയി അതൊക്കെ കേട്ടിട്ട്.

എന്റെ മാളു അമ്മക്ക് വിഷമം ആകും , അമ്മ പറഞ്ഞു അതുകൊണ്ടു മാത്രം ആണ് നീ രക്ഷപെട്ടത് ,,,

ഓ ..അതാണല്ലേ ഇപ്പൊ ആ വാക്കുകൾക്ക് പകരം മുള്ളൻ പന്നി പെട്ടതലയ൯ എന്നൊക്കെ അല്ലെ…

അതൊക്കെ എനിക്ക് ഇഷ്ടമുള്ളത് ഞാൻ വിളിക്കും.

ഓ ആയിക്കോട്ടെ , എന്തെങ്കിലും ഒക്കെ വിളിക്ക്.

അത് കേട്ട് പാറു അവളുടെ സ്ഥിരം കെറുവിക്കൽ, ചുണ്ടു കൂർപ്പിച്ചു ഇടത്തേക്കും വലത്തേക്കും വേഗത്തിൽ കാട്ടി.

ഇന്ന് കോളേജിൽ പോകുന്നില്ലേ , വല്ല അവധിയും ആണോ..

എനിക്ക് സൗകര്യം ഉള്ളപ്പോ പോകും നീ  പണി നോക്കടാ മരമാക്രി അവന്റെ വലിയ ഉപദേശം ,

അയ്യോ ഞാൻ ഉപദേശിച്ചില്ലല്ലോ,

ആ ഉപദേശിക്കണ്ട , ഉപദേശിക്കാൻ നിന്നാൽ നല്ല ഇടി തരും ഞാൻ……….

നീ ഓഫീസിൽ പോണത് ഒക്കെ കൊള്ളാം , നിന്റെ അച്ഛൻ കാണിച്ചത് പോലെ ഉള്ള പരിപാടി കാണിക്കാൻ നിക്കണ്ട കേട്ടോടാ…………എന്റെ ഏട്ടന് വല്ല ബുദ്ധിമുട്ടും വരുത്തിയാൽ ഞാൻ കയ്യും കാലും തല്ലി ഒടിക്കും …. കേട്ടോടാ പിത്തകാടി……………..

അത് കൂടെ കേട്ടതോടെ അപ്പു കാർ കഴുകൽ നിർത്തി, അവളുടെ മുന്നിലേക്ക് തിരിഞ്ഞു. പെട്ടെന്ന് അപ്പു തിരഞ്ഞത് കണ്ടു അവൾ ഒന്ന് ഞെട്ടിയ പോലെ.

അപ്പു അവളുട മുന്നിൽ മുട്ടുകുത്തി നിന്നു,

ഒരു ബുദ്ധിമുട്ടും ഞാൻ വരുത്തില്ല , എന്നെ തല്ലിയാൽ ഒന്നും മിണ്ടാതെ ഞാൻ തല്ലൊക്കെ വാങ്ങികൊള്ളാം , എന്നെ കൊന്നാൽ സന്തോഷത്തോടെ മരണവും ഏറ്റു വാങ്ങിക്കൊള്ളാം…………അപ്പു കൈ കൂപ്പി.

ആ അങ്ങനെ മര്യാദക്ക് നടന്ന നിനക്ക് കൊള്ളാം.

എന്റെ ഈ കാല് കണ്ടോ നീ അവള്‍ ചോദിച്ചു.

കണ്ടല്ലോ

ഇത് വെച്ചു ഒരു ചവിട്ട് തന്നാല്‍ നീയെ ഉണ്ടല്ലോ കിടന്നു ഉരുണ്ടു പോകും, ഓർമ്മ  ഇല്ലേ നിനക്…. അന്ന് കപ്പലില്‍ നിന്നും വീണു എന്നും പറഞ്ഞു  കരഞ്ഞത് , അന്ന് ഈ കാല് വെച്ചാണ് നിന്നെ ഞാന്‍ ചവിട്ടി തെറുപ്പിചത്

ആഹാ കള്ളി …അന്ന് അങ്ങനെ ആണല്ലെ ഞാന്‍ വീണത് , അല്ലാതെ എന്റെ പുറത്തു പോസ്റ്റ് വീണതല്ലല്ലേ

ആ അല്ല …

ഹമ് …………..ഹമ് …………..അപ്പു മൂളി , അമ്മാതിരി ചവിട്ട് അല്ലായിരുന്നോ അന്നുകിട്ടിയതു

അത് കണ്ടു കൊണ്ടാണ് മാലിനി പുറത്തേക്കു വന്നത്.

പൊന്നുവിന് മുന്നിൽ മുട്ടുകുത്തി നിക്കുന്ന അപ്പു.

അപ്പു ……………………അവള് നിന്നെ മുട്ട് കുതിച്ചല്ലേ ………………….മാലിനി ചോദിച്ചു.

എന്ത് ചെയ്യാനാ കൊച്ചമ്മേ ശ്രീമോള് ഒരുകാര്യം വിചാരിച്ച അത് നടത്തും എന്ന് നമുക്ക് അറിയാവുന്നതല്ലേ, ശ്രീമോളെ  പറഞ്ഞു തോൽപ്പിക്കാൻ ഉള്ള അറിവും വിവരവും കഴിവും ഒന്ന് ഈ ഉള്ളവന് ഇല്ല, അതുകൊണ്ടാണ് ഈ നിൽപ്പ് നിൽക്കുന്നത്.