അപരാജിതൻ 4 [Harshan] 6740

വാ പോകാം , മാലിനി ശ്യാമിനെ എഴുന്നേല്പ്പിച്ചു. ഇനി അവിടെ നിന്നാല്‍ ശരി ആകില്ല.

രണ്ടു പേരും അവിടെ നിന്നും ഇറങ്ങി.

അവര്‍ മുന്നോട്ട് നടന്നു.

നിനക്കെന്താ ബോധം ഇല്ലേ, വീടില്‍ നടന്നത് ഒക്കെ എന്തിനാ അവിടെ വിളംബിയത്, ആരോട് എപ്പോ എന്തു പറയണം എന്നു നിനക്കറിയില്ല. പാവം എന്റെ അപ്പു ഒരുപാട് വിഷമം ആയി അവന്. കാരണം ഞാന്‍ അടിച്ചു പൊളിച്ചെനെ നിന്റെ, ആ കുട്ടി അവിടെ നിന്നത് കൊണ്ട് മാത്രം ആണ്.

പോ വീടിലേക്ക്, ഞാന്‍ വന്നോളാം…

ഇത്രയും പറഞ്ഞു  മാലിനി തിരികെ അപ്പുവിന്റെ അടിത്തേക്ക് പോയി, പാവം ഒരുപാട് വിഷമമായി.

അപ്പു വീടിനുള്ളില്‍ ഇരിക്കുക ആയിരുന്നു , അവന് ആകെ ഷോക്കു ആയിരുന്നു. മാലിനി അവന് സമീപം ചെന്നിരുന്നു.

കൊച്ചമ്മേ പോയിലാരുന്നോ , അപ്പു ചോദിച്ചു.

അപ്പു ,,,ശ്യാമിന് ആരോട് എന്തു പറയണം എന്നു അറിയില്ല , ഒരു തെറ്റ് പറ്റിയത് ആണ് നീ ക്ഷമിക്കണം.

അയ്യോ കൊച്ചമ്മേ എന്തിനാ എന്നോടു സോറി പറയുന്നതു,  ഇതൊക്കെ എനിക്കറിയാവുന്നത് അല്ലേ.

ഞാന്‍ എന്തൊക്കെ ചെയ്താലും ഇതൊക്കെ തന്നെ എനിക്കു കേൾക്കേണ്ടി  വരും എന്നറിയാം, കൊച്ചമ്മയും അങ്ങനെ കരുതുന്നുണ്ടോ ഞാന്‍ ശ്യാമിനെ ചതിക്കും എന്നു…

എന്താ അപ്പു നീ ഇങ്ങനെ പറയുന്നതു, അങ്ങനെ ഞാന്‍ കരുതും എന്നു നീ കരുതുന്നുണ്ടോ. ഞാൻ എന്തു കരുതിയിട്ടെന്താ കാര്യം, വെറുതെ അല്ല കാരണവന്മാർ  ചെയ്യുന്നത് ഒക്കെ മക്കള്‍ കാലാകാലം അനുഭവിക്കും എന്നു പറയുന്നതു.

ശ്രീയക്ക് എന്നെ വലിയ പേടി ആണല്ലെ ..കൊച്ചമ്മേ അപ്പു ചിരിച്ചു.

മാലിനിക്ക് ഒരു മറുപടിയും ഉണ്ടായിരുന്നില്ല.

ആദ്യം ഇഷ്ടകേട് മാത്രേ ഉണ്ടായിരുന്നുള്ളൂ , ഇപ്പോ പേടിയും ആണ് അല്ലേ …

മാലിനിക്ക് വാക്കുകള്‍ ഇല്ല പറയുവാന്‍.

കൊച്ചമ്മക്ക് എന്നെ ഭയം ഉണ്ടോ?………………………………. അത് ചോദിക്കുമ്പോ അപ്പുവിന്റെ തൊണ്ട ഒന്നിടറി.

എന്താ അപ്പു ………. നീ ഇങ്ങനെ ഒക്കെ ചോദിക്കുന്നത്, ഞാന്‍ നിന്നെ ഭയക്കുമോ?

ചോദിച്ചു പോയതാ, വിഷമിപ്പിക്കാന്‍ അല്ല. ആ അച്ഛൻ ഒന്നു വേഗം വന്നിരുന്നെ,,,,,,,,,,,,,,,, പണ്ടാരം അടങ്ങാനായി ഇവിടന്ന് ഒന്നു വേഗം പോകാമായിരുന്നു…… അയാളുടെ ഒടുക്കത്തെ കൊണ്ടുപോകല്‍ കൊണ്ടുപോയതാ

എന്താ കൊച്ചമ്മേ ശ്രിയ എപ്പോളും എന്നോടു ഇങ്ങനെ, ഞാന്‍ അവളോടു ഒരു തെറ്റും ചെയ്തിട്ടിലല്ലോ?

അയ്യോ വേണ്ട ഞാന്‍ തിരിച്ചെടുത്ത് , ഇലെങ്കില്‍ പോയി അവളെ അടിക്കുകയോ വഴക്കു പറയുകയോ ഒക്കെ ചെയ്താലോ? വേണ്ട. (അപ്പോഴും അവന്റെ ഉള്ളില്‍ അവളോടു നിറയുന്ന സ്നേഹം തന്നെ ആയിരുന്നു )

ശരി കൊച്ചമ്മേ , നാളെ കാണാം, പുതിയ ഓഫീസിലേക്ക് പോകേണ്ടതല്ലേ,

അപ്പു മാലിനിയെ ഒഴിവാക്കുക ആയിരുന്നു.

അപ്പോ ഞാന്‍ ഭക്ഷണം കൊണ്ടുവരാം. ഇനിയോ ഭക്ഷണമോ ..നല്ല കഥ ഇപ്പോ തന്നെ വയ൪ നിറഞ്ഞു, ഭക്ഷണം ഒന്നും വേണ്ട. അപ്പു വാശി പിടിക്കല്ലേ , ഞാന്‍ വേഗം കൊണ്ട് വരാം.

ഞാന്‍ ആരോടും വാശി പിടിച്ചിട്ടില്ല , ആകെ പിടിച്ചിരുന്നത് ലക്ഷ്മി അമ്മയോട് മാത്രം ആണ് , അവരിപ്പോ ഇല്ലല്ലോ.. ,,എനിക് സത്യായിട്ടും വിശപ്പില്ലാഞ്ഞിട്ടാ ….

അപ്പോ ശരി നല്ല ഉറക്കം വരുന്നുണ്ട് കൊച്ചമ്മ പോയിക്കോളൂ , ഞാന്‍ കിടക്കാന്‍ നോക്കട്ടെ.

അപ്പു കൂടുതല്‍ ഒന്നും പറയാതെ എഴുന്നേറ്റു , മാലിനിയും ഒന്നും മിണ്ടാന്‍ ആകാതെ എഴുന്നേറ്റ് ഒടുവില്‍ തിരികെ നടന്നു.

…..

തറവാട്ടില്‍ രാത്രി എല്ലാരും ഡൈനിംഗ് ടേബിള്‍ ഇല്‍ ഇരിക്കുക ആയിരുന്നു. ശ്രീയയും ശ്യാമും രാജശേഖരനും ഒക്കെ അപ്പോളേക്കും മാലിനി ചോറും കറികളും ഒക്കെ കൊണ്ട് വന്നു. നാലു പ്ലേറ്റുകളും വെച്ചു എല്ലാര്ക്കും  ചോറും കറികളും ഒക്കെ വിളമ്പി. ഭക്ഷണം കഴിക്കാന്‍ ആരംഭിച്ചു. മാലിനി കറി ഒഴിച്ച് ചോറില്‍ കുഴച്ച്, വാരി എടുത്തു. വായിലേക്ക് വെക്കാന്‍ ആയി പോയ ആ നേരം ആണ് അപ്പുവിനെ ഓര്മ്മ വന്നത്, വെറുതെ ഓരോന്ന് പറഞ്ഞു അതിനെ വിഷമിപ്പിച്ചു, ഇന്നവന്‍ വിഷമം കൊണ്ട് പട്ടിണി ആണ്, താന്‍ ഇവിടെ വയര് നിറയെ ആഹാരം കഴിക്കുന്നു, ഒരാളുടെ അന്നം മുടക്കിയിട്ടു…അവളുടെ കണ്ണുകള്‍ നിറഞ്ഞു  ആ വാരി  എടുത്ത ചോ൪ പത്രത്തില്‍ തന്നെ ഇട്ടു.

കഴിക്കുന്നില്ലേ എന്നു രാജശേഖരന്‍ ചോദിച്ചു.

ഇല്ല ഒരു വല്ലായ്മ പോലെ തോന്നുന്നു എന്നു പറഞ്ഞു അവള്‍ ആ പാത്രം എടുത്തുകൊണ്ടു അടുക്കളിയിലേക്ക് കൊണ്ട് ചെന്നു വച്ച് മാലിനി സാരി തലപ്പ് കൊണ്ട് കണ്ണു തുടച്ചു.ഇല്ല കഴിക്കാന്‍ പറ്റുന്നില്ല അപ്പു അങ്ങനെ വിഷമിച്ചു ആഹാരം കഴിക്കാതെ ഇരിക്കുമ്പോള്‍ തനിക്ക് എങ്ങനാ തൊണ്ടയിലേക്ക് ഭക്ഷണം ഇറങ്ങുക.. അന്നത്തെ രാത്രി മാലിനിയും ഒന്നും കഴിച്ചില്ല. അപ്പു മാലിനിക്ക് ഒരുപാട് ഒരുപാട് പ്രിയപ്പെട്ടവന്‍ ആയി മാറിയിരുന്നു.

<<<<O>>>>

കണ്ണടച്ച് തിരിഞ്ഞും മറഞ്ഞും കിടന്നു അവൻ അറിയാതെ തന്നെ അങ്ങ് മയങ്ങി പോയി.

അപ്പുകൂട്ടാ……………………….. ലക്ഷ്മി അമ്മ ആണ്

ആ വന്നോ,,,,,,,,,,,,,,,,,,,,,,,,,,,,,അപ്പു ചോദിച്ചു

പിന്നെ വരാതെ ,,,,,,,,,,,,,,,എന്റ്റെ കുഞ്ഞന്‍ വിഷമിക്കുവാണെങ്കില്‍ എനിക്കു വരാതെ പറ്റുവോ?

എന്നെ പിടിച്ച് ആകിയതാ ഞാന്‍ ചോദിച്ചിട്ടു പോലും ഇല്ല , എന്തോരം ബുദ്ധിമുട്ട് ആണ് ഇനി ഞാന്‍ അവിടെ ചെന്നു അനുഭവിക്കേണ്ടത്. അതിനിടക്ക് പാറു പറഞൂത്രേ , ഞാന്‍ അവളുടെ ചേട്ടനെ അപായപ്പെടുത്തും എന്നും. ഞാന്‍ അങ്ങനെ ഒക്കെ ചെയ്യുമോ ലക്ഷ്മി അമ്മേ ? ഒരുപാട് സങ്കടം ആയി അതൊക്കെ കേട്ടപ്പോ.

ഇതിനൊക്കെ എന്തിനാ മോന്‍ സങ്കടപ്പെടുന്നത് ?

ഇത്രേം നാളും അവള്ക്ക്  ദേഷ്യം മാത്രേ ഉണ്ടായിരുന്നുള്ളൂ , ഇപ്പോ പേടി കൂടെ അല്ലേ.

നിന്റെ പാറു ഒരു പാവം കുറിഞ്ഞിപൂച്ച അല്ലേ, അവള് ഒരു പൊട്ടിപെണ്ണാണ് അപ്പു , തിരിച്ചറിവില്ല അതാണ്.

അപ്പു …………………

എന്താ ലക്ഷ്മി അമ്മേ ,,,,,,,,,,,,,,,,

എന്റെ മോന് എന്നോടു ദേഷ്യം ഉണ്ടോ ?

എന്തിനാ ?

അല്ല ഞാന്‍ കാരണം അല്ലേ എന്റെ മോന് ഇന്നീ ഗതികേട് ഒക്കെ വന്നത്.

ഞാന്‍ അങ്ങനെ വല്ലതും എന്റെ ലക്ഷ്മി അമ്മയോട് പറഞ്ഞോ ?

ഇല്ല ..എന്നാലും എനിക്കറിയാം എന്റെ മോന്‍ ഒരുപാട് ഒരുപാടു ഈ അമ്മക്ക് വേണ്ടി ബുദ്ധിമുട്ടുകള്‍ സഹിക്കുന്നുണ്ട് എന്നു.

ശേ ,,,,,,,,,,,,,,എന്തൊക്കെയാ ഈ പറയുന്നത് , എനിക്കു ഒരു പ്രശ്നവും ഇല്ല.

എന്റ്റെ അപ്പു പേടിക്കണ്ട , അപ്പൂന്റെ അച്ഛന്‍ ഉടന്‍ വരും, ലക്ഷ്മി അമ്മ തരുന്ന വാക്ക് ആണ്, ഇനി ഒരുപാട് കാലം അപ്പുനൂ ഇവിടെ കിടന്നു ബുദ്ധിമുട്ടണ്ട.

അപ്പു ഒന്നും മിണ്ടിയില്ല,

അപ്പു………………

എന്താ ലക്ഷ്മി അമ്മേ,,,,,,,,,,,,,,

അത് കണ്ടപ്പോ അവനും വിഷമം ആയി.

എന്തിനാ കരയുന്നത് , ഇപ്പോ എന്താ വിഷമമുണ്ടായത്?

ഒന്നൂല്ല അപ്പു, എന്തു പുണ്യം ചെയ്തിട്ടാണൊ എനിക്കു നീ ഉണ്ടായത്.

നിന്നെ പോലെ ഒരു മകന്‍ ഉള്ളത് തന്നെ ആണ് എന്റെ മഹാഭാഗ്യം.

ഒന്നു പോ ലക്ഷ്മി അമ്മേ………………..

അല്ല സത്യം ആണ്,, പരലോകത്ത് ഞങ്ങള്‍ കൂട്ടുകാര്‍ ഒക്കെ മക്കളെ കുറീച് പറയും, ഞാന്‍ എന്റെ അപ്പുനെ കുറീച് പറയും, അപ്പുവിന്റെ കാര്യം അറിഞ്ഞതോടെ എനിക്കു  ആണ് അവിടത്തെ നൂറ്റാണ്ടിലെ അമ്മപ്പട്ടം സമ്മാനം അടിച്ചത്.

ഇന്ന് അവിടെ വലിയ പാർട്ടി ഒക്കെ ഉണ്ടായിരുന്നു.

ആണോ ? അപ്പുവിന് ആകെ അല്ഭുതം.

എന്നിട്ട് ലക്ഷ്മി അമ്മ എന്തൊക്കെയാ കഴിച്ചതു.

ഞാന്‍ ഒന്നും കഴിച്ചില്ല

അതെന്താ?

എന്റെ അപ്പു പട്ടിണി കിടക്കുമ്പോ വയറു നിറയെ സുഭിക്ഷമായി കഴിക്കാന്‍ ഈ അമ്മക്ക് പറ്റില്ലല്ലോ.

അയ്യോ അത് വേണ്ടായിരുന്നു. കഴിക്കായിരുന്നില്ലേ ?

എന്റെ അപ്പു കഴിക്കാണെങ്കില്‍ മാത്രേ ഞാനും കഴിക്കൂ പരലോകത്ത്.

ശേ ഈ ലക്ഷ്മി അമ്മ , ഇനി മുതല് ഞാന്‍ പട്ടിണി കിടക്കില്ല കേട്ടോ …

എന്നാ ഞാനും പട്ടിണി കിടക്കില്ല അവിടെ.

അതൊക്കെ പോട്ടെ എന്റെ മരുമകള്‍ എന്തു പറയുന്നു?

അത് കേട്ടപ്പോ അപ്പുവിന് നാണം ആയി.

ഓ എന്തു പറയാനാ , ഈ ലക്ഷ്മി അമ്മ എനിക്കു വെറുതെ മോഹം തരികയാണ് , അവല്ക്കിപ്പോ എന്നെ പേടിയാ, എന്തിനാ ഞാന്‍ അവളെ ഇങ്ങനെ വെറുതെ സ്നേഹിക്കുന്നത് , ഈ ലോകത്ത് എനിക്കു വേറെ പെണ്ണിനേ കിട്ടാഞ്ഞിട്ടാണൊ ലക്ഷ്മി അമ്മേ ………………….വെറുതെ സ്നേഹിക്കലെ ഉണ്ടാകൂ…….

അപ്പു വിഷമത്തോടെ പറഞ്ഞു.

ഇല്ല …..ഈരേഴ് പതിനാല് ലോകത്തും വേറെ ഒരു പെണ്ണ് എന്റെ അപ്പുവിന് ഇല്ല , അപ്പുവിന്റെ പെണ്ണ് പാറു മാത്രം ആണ് , അത് ഈശ്വരന്‍ എഴുതി വെച്ചത് തന്നെ ആണ്, എത്ര ഒക്കെ അകന്നു പോയാലും പാറു അപ്പുവിലേക്ക് തന്നെ വരും, അതാണ് പരമമായ സത്യം.  പരലോകത്ത് ഉള്ള ലക്ഷ്മി അമ്മക്ക് അത് നന്നായി അറിയാം അതുകൊണ്ടു തന്നെ ആണ് നിന്റെ ഈ ലക്ഷ്മി അമ്മ ഉറപ്പ് തരുന്നത്.

പാറു അപ്പുവിന്റെ ആണ് , അപ്പു പാറുവിന്റ്റെയും.

കേട്ടോടാ ഉണ്ടപക്രു ,,,,,,,,,,,,,,,,,,,,,,

ഞാന്‍ ഉണ്ടപക്രു ഒന്നും അല്ല , കണ്ടാ എന്റെ മസ്സില് കണ്ടാ.

അപ്പു നിനക്കു എത്ര് ഒക്കെ മസില് ഉണ്ടായാലും എനിക്കു പണ്ടത്തെ ഉണ്ടപക്രു തന്നെ ആണ്.

എനിക് ട്രാന്സിഫര്‍ ഒക്കെ കിട്ടി ,

എനിക്കറിയാലോ അപ്പു , അവിടെ ഒരു കുഴപ്പവും വരില്ല , കാരണം എന്റെ അപ്പു വെറും അപ്പു മാത്രം അല്ല ആദി കൂടെ അല്ലേ, ലക്ഷ്മി അമ്മേടെ ബുദ്ധിമാന്‍ ആയ ആദി.

ആണോ അങ്ങനെ ആണോ ?

അതേ … സ്നേഹത്തിനും വാൽസല്യത്തിനും  അപ്പു , ബുദ്ധിക്കും സാമര്ത്യത്തിനും ആദി, ശക്തിക്കും കരുതലിനും ആദിശങ്കരന്‍ ,,,അമ്മേടെ വാവാച്ചി…………..

ശേ ഈ ലക്ഷ്മി അമ്മക്ക് ഒരു നാണവും ഇല്ല , ഇങ്ങനെ കൊഞ്ചിക്കാന്‍ ,, എനിക്കിപ്പോ ഇരുപത്തി ആറു വയസ് ആകാന്‍ പോകുക ആണ് .

അതിനെന്താ നിനക് നൂറു വയസായാലും എനിക്കു എന്റെ വാവ തന്നെ ആണ്.

ലക്ഷ്മി അമ്മേ , പാറു ഇതുപോലെ ഒക്കെ പെരുമാറുമ്പോ എനിക്കു വിഷമം ഉണ്ട്, ഇത്രേം ഒക്കെ ഇഷ്ടം ഇല്ലാതിരിക്കാന്‍ ഞാന്‍ എന്തു ദോഷം ആണ് പാറുവിനു ചെയ്തത്. ഒരു ഇത്തിരി സ്നേഹം എങ്കിലും കാണിച്ചിരുന്നെങ്കില്‍ … അത്ര മാത്രേ ആഗ്രഹം ഉള്ളൂ.

ബെസ്റ്റ് മകന്‍ ,,,, സ്വന്തം അമ്മയോടു പറയുന്ന കാര്യങ്ങള്‍ കേട്ടോ………..

വേറെ അപ്പു ആരോട് പറയാന്‍ ആണ് ലക്ഷ്മി അമ്മേ അപ്പൂന്റെ  ഉള്ളിലെ സങ്കടങ്ങള്‍ ഒക്കെ ,, വേറെ ആരേലും ഉണ്ടോ അപ്പുനൂ………….അപ്പൂന്റെ കണ്ണുകള്‍ നിറഞ്ഞു.

അയ്യേ …………അമ്മ വെറുതെ പറഞ്ഞതല്ലെ , എന്റ്റെ അപ്പൂന്റെ എല്ലാ സങ്കടങ്ങളും സന്തോഷങ്ങളും കേള്ക്കാ ന്‍ അല്ലേ ഇത്രേം ദൂരത്ത് നിന്നും ലക്ഷ്മി അമ്മ വരുന്നത്.

ആണോ….

പിന്നല്ലാതെ.

അപ്പു ………..പാറു ഉണ്ടല്ലോ പാവം കുട്ടി ആണ്, പക്ഷേ ഇച്ചിരി ചൂട് ഉണ്ട് ,,കോപം ഉണ്ട് എന്നു മാത്രേ ഉള്ളൂ ,പെട്ടെന്നു  കരയും പെട്ടെന്നു സങ്കടം വരും, വെറും പൊട്ടി ആണ് അവള്‍ , ലക്ഷ്മി അമ്മക്ക് പാറുവിനെ ഒരുപാട് ഇഷ്ടം ആണ് .

പിന്നല്ലാതെ , ലക്ഷ്മി അമ്മ പാറുവിനോടു  പറഞ്ഞോളാം എന്റെ കൊച്ചിനെ ഒരുപാട്

വിഷമിപ്പിക്കരുത് എന്നു, ഇല്ലെങ്കില്‍ നല്ല ശിക്ഷ കൊടുക്കാനും അറിയാം.

അയ്യോ അതുവേണ്ട , അവളെ ശിക്ഷിക്കണ്ട , അത് എനിക്കു വിഷമം ആകും…….

കള്ള കാമുകാ ,,,,,,,,,,,,,,, ശരി എന്നാ അപ്പു ഇനി പാറുവിനെ  സ്വപ്നം കണ്ടു കിടന്നോട്ടോ.

സ്വപ്നം കാണുന്നതൊക്കെ കൊള്ളാം അനാവശ്യമായ നോട്ടം തൊടൽ  ഒന്നും പാടില്ല , അതൊക്കെ അവളെ കെട്ടി പൊറുപ്പിച്ചിട്ടു മതി ..ഇല്ലേ ഞാന്‍ വടി എടുക്കും, രണ്ടു പെര്ക്കും എന്റെ കയ്യില്‍ നിന്നു നല്ല പെട കിട്ടും.

അയ്യേ ഒന്നു പോ ലക്ഷ്മി അമ്മേ ,,എനിക്കു നാണം വരുന്നു.

എന്ന ശരി നാണക്കാരാ………….ഒരുപാട് ദൂരം പോകാന്‍ ഉണ്ട്. പോകും വഴി എന്റെ മരുമോളെ കൂടി കണ്ടിട്ടു വേണം പോകാന്‍ ആയി.

അപ്പോ അപ്പുകുട്ടന്‍ ഉറങ്ങിക്കൊ ,,,ഉമ്മ ,,,,,,,,,,,,,,

അപ്പോളേക്കും ഒരു പ്രകാശം വന്നു ലക്ഷ്മി ആ പ്രകാശത്തില്‍ അലിഞ്ഞു ഇല്ലാതെ ആയി.

<<<<<()>>>>>>

മാലിനി ഉറങ്ങുകയാണ്.

ഉള്ളില്‍ എങ്ങോട്ടോ ഒരു യാത്ര പോകുന്നത് പോലെ ആകെ ഇരുട്ട്, ഇരുട്ട് മാത്രം. ഭീകരമായ ഇരുട്ട്.ഒരു നേര്ത്തട പ്രകാശം , ഒരു കുഞ്ഞ് നക്ഷത്രം മിന്നുകയാണ്.

എന്തോ പറയുന്ന പോലെ,

മാലിനി ആ നേര്ത്ത  ആര്ദ്രഒമായ ശബ്ദത്തിനായി കാതോര്ത്തു .

മാലിനി………………..

എന്റെ മകന്‍ പാവം ആണ് ,

ഒരു ഭയവും ഉള്ളില്‍ വേണ്ട,

ഒരു ദോഷവും അവന്‍ വരുത്തില്ല,

ഒരുപാട് നോവുന്നുണ്ട് അവന്റെ മനസ്,

ഒരുപാട് നോവിക്കല്ലേ എന്റെ മോനേ ,

എന്നെങ്കിലും അവന്റെ അച്ഛന്‍ വരും

ഇനിയും ഉള്ള നഷ്ടങ്ങള്‍ നികത്തികൊള്ളും…

അപ്പുവിനെ കൊണ്ട് പോയിക്കൊള്ളും, ….

മാലിനി ഞെട്ടി എഴുന്നേറ്റു , സ്വപ്നം ആണോ അതോ തോന്നലോ…

മാലിനി എഴുന്നേറ്റ് റൂം തുറന്നു, ഒരു തോന്നല്‍ പോലെ ടെറസിന് മുകളിലേക്കു പോയി.

അവിടെ നിന്നു അപ്പുവിന്റെ ഔട്ട് ഹൌസിലേക്ക് നോക്കി, ലൈറ്റ് ഒക്കെ അണച്ചിട്ടുണ്ട്, അപ്പോ ഉറങ്ങുക ആയിരിയ്ക്കും.

മാനത്തേക്ക് നോക്കി , ഒരു കുഞ്ഞ് നക്ഷത്രം പതുക്കെ മിന്നുന്നുണ്ട് , മിന്നുകയാണോ അതോ കരയുകയാണോ എന്നറിയില്ല., ലക്ഷ്മി ആയിരിക്കണം..

മാലിനി ആ നക്ഷത്രത്തെ തന്നെ നോക്കി , എന്തോ മാലിനിയുടെ കണ്ണുകള്‍ ഒക്കെ നനവാ൪ന്നു തന്നെ ആണ്.

ലക്ഷ്മി , ക്ഷമ ചോദിക്കുകയാണ് ഞാൻ , അവൻ ഇപ്പൊ നിന്റെ മാത്രമല്ല എന്റേത് കൂടി ആണ് , ഒരിക്കലും ഞാൻ അവനെ വിഷമിപ്പിക്കില്ല , ഇന്ന് അറിയാതെ വന്നു പോയത് ആണ്, അവന്റെ കണ്ണ് നിറഞ്ഞാൽ നിനക്ക് നോവുന്നപോലെ എനിക്കും നോവുന്നുണ്ട് ലക്ഷ്മി ,,എനിക്കറിയില്ല അതെന്താന്നു,,, എന്റെ ഹൃദയത്തില് നാല് അറകളിൽ ഒരു അറ അവനു വേണ്ടി തന്നെ ഉള്ളത് ആണ് , എനിക്ക് ഒരുപാട് ഇഷ്ടം ആണ് നിന്റെ അപ്പുവിനെ, നിന്റെ അപ്പു അല്ലെ എന്റെ പൊന്നുവിനെ കാക്കുന്നത്, നീ വിഷമിക്കല്ലേ ,,,, അവനിപ്പോ നിന്റെ മാത്ര൦ അല്ല എന്റെ കൂടെയാ……..

ലക്ഷ്മി ………….. ഈ അപ്പുനെ എനിക്ക് തരുമോ ?

അവൾക്കു ഉത്തരം എന്ന പോലെ ആ നക്ഷത്രം ഒന്ന് മിന്നി.

മാലിനി ചിരിച്ചു , മനസിലായി തരില്ല എന്നല്ലേ……………

ആർക്കാ തരാൻ പറ്റുക ഇങ്ങനെ ഒരു കൊച്ചിനെ……………

അവനു ഉള്ളു മൊത്തം നീ ആണ് ലക്ഷ്മി , നീ ആണ് അവനു എല്ലാം , അതിനപ്പുറത്തേക്ക് ഒന്നും ഇല്ല, നീ മരിച്ചുപോയി എന്ന് പോലും എനിക്ക് വിശ്വസിക്കാൻ പറ്റുന്നില്ല, കാരണം എപ്പോളും നീ അവനു സമീപം തന്നെ ഇല്ലേ…………

എനിക്ക് ഒന്നും പറയാൻ പറ്റുന്നില്ല ,ലക്ഷ്മി,,,,,

മാലിനി തന്റെ കൈകൾ കൊണ്ട് കണ്ണുകൾ തുടച്ചു.

ആ നക്ഷത്രതെ നോക്കി ചിരിച്ചു കൊണ്ട് പിന്തിരിഞ്ഞു നടന്നു,

അപ്പോളും ആ നക്ഷത്രം മെല്ലെ മെല്ലെ മിന്നുന്നുണ്ടായിരുന്നു. ഒരു പക്ഷേ സന്തോഷം കൊണ്ട് കരഞ്ഞു പോയതാകും ആ അമ്മ നക്ഷത്രം.

<<<<<<o>>>>>>

സമയം സൂര്യൻ ഉദിച്ചു വരികയാണ്.

ശ്രീയ മൂടി പുതച്ചു കിടന്നുറങ്ങുന്നു.

ശ്രിയ ഒരു സ്വപ്നവസ്ഥയിലൂടെ ആണ് കടന്നു പോകുന്നത്.

ഒരു തണുപ്പ് കാലം ആണ് ആകെ മഞ്ഞും മൂടൽ മഞ്ഞും ആയി മരങ്ങൾക്കിടയിലൂടെ സുവർണ്ണ വരുന്നതിൽ സൂര്യപ്രകാശം കടന്നു വരുന്നു, മണ്ണിലെ പുൽനാമ്പുകളിൽ പറ്റിപ്പിടിച്ച മഞ്ഞുതുള്ളികൾ അതിന്റെ വരുന്നതിൽ സ്വര്ണമുത്തുകൾ പോലെ തിങ്ങുന്നു.

ഒരു നദി ആണ്, നദിക്കു മുകളിൽ വരെ മഞ്ഞുകട്ടകൾ, കൊടും തണുപ്പ് തന്നെ

താൻ കാഴ്ച കാണുക മാത്ര൦ ആണ് സ്വപ്നത്തിൽ ശ്രിയയുടെ സ്ഥാനം എവിടെ എന്ന് മനസിലാകുന്നില്ല.

നിമിഷങ്ങൾക്കുള്ളിൽ കാണുന്നത് അയാളുടെ കൈകളിൽ ആണ് താൻ , തന്നെ കൈകളിൽ വാരി എടുത്തിരിക്കുക ആണ്, തണുപ്പ് മാറാൻ ഉള്ള വസ്ത്രങ്ങൾ താൻ ധരിച്ചിരിക്കുന്നത്, തന്നെയും കൊണ്ട് അയാൾ നടക്കുക ആണ്, നടന്നു നടന്നു ഒരുപാട് നടന്നു എങ്ങോട്ടോ പോകുന്നു. തൻറെ മുഖം ദൃശ്യം ആണ്, തന്റെ കണ്ണുകൾ നിറയുന്നുണ്ട് , ആ കണ്ണുകളിൽ പ്രണയം ആണ് ജ്വലിക്കുന്നത്, താൻ തീവ്രമായ പ്രണയത്തോടെ ആണ് അയാളുടെ മുഖത്തേക്ക് നോക്കുന്നത്, അയാൾ തന്റെ നെറുകയിൽ വാത്സല്യത്തോടെ ചുംബിക്കുന്നു.

ശ്രീയ ഞെട്ടി ഉണർന്നു,

ആരാണ് അത് , മനസിലാകുന്നില്ല, എന്താണ് ഇപ്പോള്‍ കണ്ടതിന്റെ അര്ത്ഥം, മഞ്ഞുകാലം , വെള്ളത്തിൽ മുങ്ങി നിവരാന്‍ ഭ്രാന്തു ഉണ്ടോ? അയാളുടെ ദേഹത്ത് നിന്നും രക്തം ഒഴുകുന്നു, താന്‍ എന്തിനാണ് അനുരാഗത്തോടെ അയാളെ നോക്കുന്നത്. ആരാണ് അത്, മുഖം കാണാന്‍ സാധിച്ചില്ല. പാറുവിനു ഒന്നും മനസിലായില്ല , എന്താണ് കണ്ടതിന്റെ സത്യം അവൾ കണ്ണനെ നോക്കി , പീലിയും ചൂടി കള്ളക്കണ്ണൻ ചിരിക്കുന്നുണ്ടായിരുന്നു,

<<<<o>>>>

പിന്നെ അവൾ ഉറങ്ങാൻ നിന്നില്ല, അവൾ എഴുനേറ്റു പൂമുഖത്തു വന്നിരുന്നു, അവൾ വന്നിരുന്ന പത്രം ഒക്കെ എടുത്തു ഒന്ന് മറിച്ചു നോക്കി, അപ്പോളേക്കും അപ്പു കാറ് കഴുകാൻ ആയി അങ്ങോട്ടേക്ക് വന്നു, ശ്രീയ ഇരിക്കുന്നു , എന്തോ അപ്പുവിന് കഴിഞ്ഞദിവസത്തെ വിഷമം ഉള്ളിൽ ഉണ്ട് , ശ്രീയ അപ്പുവിനെ കണ്ടു , പക്ഷെ അപ്പു വെറുതെ ഒരു നോട്ടം നോക്കി കാർ കഴുകാനായി പോർച്ചിനടുത്തേക്കു ചെന്ന് .പൈപ്പിൽ ഹോസെ ഒക്കെ കണക്ട് ചെയ്തു ഷാംപൂവും തുണിയും ഒക്കെ എടുത്തു കപ്പിൽ വെള്ളം നിറച്ചു ഷാംപൂ ഒക്കെ പതപ്പിച്ചു. കാർ ഒക്കെ കഴുകാൻ ആരംഭിച്ചു.

അപ്പോയ്ക്കും പൂമുഖത്തേക്കു മാലിനി വന്നു , അപ്പു മാലിനിയെയും വലിയ ശ്രദ്ധ കൊടുത്തില്ല, മാലിനി ചായ കൊണ്ട് വന്നു ശ്രീയ്ക്ക് കൊടുത്തു , അവൾ പതുക്കെ ഊതി ഊതി ചായ കുടിക്കാൻ തുടങ്ങി. മാലിനി വേഗം അടുക്കളയിൽപോയി അപ്പുനും കൂടി ചായ ഇട്ടുകൊണ്ട് വന്നു. മാലിനി അത് ശ്രിയയുടെ കയ്യിൽ കൊടുത്തു.

പൊന്നു വേഗം പോയി ഈ ചായ അപ്പുനു കൊടുക്ക്.

മ് … ഇല്ല ഞാൻ കൊടുക്കില്ല , അമ്മ വേണേ കൊടുത്താൽ മതി, അല്ലെ അവനെ ഇങ്ങോട്ടു വിളിച്ചാൽ പോരെ…. കൊണ്ട് കൊടുക്കാൻ എന്താ രാജാവ് ആണോ?

മാലിനി ഒന്നും മിണ്ടിയില്ല കപ്പ് പൊന്നുവിന് നേരെ നീട്ടി ഒരു കൈ കൊണ്ട ആംഗ്യം കാണിച്ചു കൊണ്ട്

കൊടുക്കാൻ ആയി , ഇന്നലത്തെ സംഭവം നല്ല ഓർമ്മ ഉള്ളത് കൊണ്ട് ശ്രീയ കൂടുതൽ എതിർപ്പിന് നിന്നില്ല , വേഗം അത് വാങ്ങി , അപ്പുവിന്റെ സമീപത്തേക്കു വന്നു. അപ്പു തന്റെ ജോലിയിൽ തന്നെ ശ്രദ്ധ കൊടുത്തു ചെയ്യുക ആണ്.

അതെ ……………..ചായ ……………

ഒരു കയ്യിൽ അപ്പുവിനുള്ള ചായയും മറുകയ്യിൽ അവളുടെ ചായയും. അപ്പു തിരിഞ്ഞു നോക്കി

അമ്മെ, പാറു തനിക്ക് ചായയും കൊണ്ട് വന്നിരിക്കുന്നു, അവനു ഉള്ളിൽ ഒരുപാട് അത്ഭുതം ആയി, ലക്ഷ്മി ‘അമ്മ പറഞ്ഞ പോലെ പ്രവർത്തിച്ചുവോ, അവൻ പൂമുഖത്തു നോക്കിയപ്പോ മാലിനി കൊച്ചമ്മ അവിടെ നിൽക്കുന്നുണ്ട്, ആ വെറുതെ അല്ല .