അപരാജിതൻ 4 [Harshan] 6731

ശോ ..അത് കഷ്ടം ആയി…

എനിക്ക് മനസിൽ ആകാത്ത ഒരു കാര്യം സത്യത്തിൽ ആരാണ് ശ്രിയ കാത്തിരിക്കുന്ന ഗന്ധർവ്വൻ ? എനിക്ക് ഉറപ്പാണ് അത് ആ പുതുതായി വന്ന ആ ചുള്ളൻ അല്ല ,,,,അത് അപ്പു തന്നെ ആണ്.ഒരുപക്ഷെ കൈനോക്കുന്ന അമ്മൂമ്മ പറഞ്ഞതിൽ ഒരു ഭാഗം തെറ്റ് പറ്റിയത് ആയിരിക്കാം കാണുന്ന മാത്രയിൽ ഇഷ്ടം തോന്നുന്ന ഗന്ധർവ്വൻ എന്നത്, ശ്രിയ അത് മനസിൽ വിചാരിച്ചു ഇരുന്നത് കൊണ്ട് ഒരുപക്ഷേ അവൾക് ഒരു ആകർഷണം തോന്നിയത് ആയിരിക്കാം അതാകാനേ സാധ്യത ഉള്ളു.കാരണം ഇവിടെ വരത്തന്മാർക്കു റോൾ ഇല്ല ശ്രിയ ആദിശങ്കരന്റെ മാത്രം ആണ്. അല്ലെങ്കിൽ കളി മാറും അല്ലോ..

മനു ഓരോന്ന് പറഞ്ഞു.

അതെ മനു .. സമയം സന്ധ്യ ആകാറായി, ഇനി നമുക്ക് പോകണ്ടേ , ബാക്കി നാളെ പറയാം. ബാലു ചോദിച്ചു,

ശേ …അതും കഷ്ടം ആയല്ലോ. മനു തിരിച്ചു പറഞ്ഞു.

പോയീട് പിടിപ്പതു പണികൾ ഉണ്ട്. മാത്രവും അല്ല ഒരുപാട് ആയില്ലേ പറയുന്നത് തൊണ്ട വേദന എടുത്തു തുടങ്ങി.

ആണോ , എന്നാ നമുക്ക് ഇന്ന് മതിയാക്കാം.

ബാലുച്ചേട്ടൻ നാളെ വരുമോ ? അതോ മുങ്ങുമോ ? മനു ചിരിച്ചു കൊണ്ട് ചോദിച്ചു.

ഒരിക്കലും ഇല്ല നാളെ ഞാൻ ഒരു ഉച്ചകഴിഞ്ഞു ഹോട്ടലിൽ വരാം, അത് പോരെ.

മതി മതി ബാലുച്ചേട്ട.

പക്ഷെ വരണം , എനിക്ക് അപ്പുവിനെ അങ്ങോട്ട് ഇഷ്ടം ആയി , ഇപ്പൊ ഞാൻ തന്നെ ആണ് അപ്പു എന്ന ചിന്ത ആണ, ഉള്ളിൽ ആണെങ്കിൽ ഒരു നീറ്റൽ ആണ് , ആ പന്ന നീല കണ്ണൻ വന്നതു കൊണ്ട്.

പോട്ടെ ഇന്ന് രാത്രി ഞാൻ ആ നീറ്റൽ ഉള്ളിൽ വെച്ച് കിടന്നോളാ, കുഴപ്പം ഇല്ല, പക്ഷെ പറയാതെ വയ്യ പീലിച്ചേട്ടനും പൊതുവാൾജി യുമൊക്കെ കലക്കുക ആണ് കേട്ടോ, ഇങ്ങനെയും ആളുകൾ ഉണ്ടോ, ജീവിതത്തിൽ ചിരിയും ചിരിപ്പിക്കലും ഒക്കെ ഒരു വ്രതമാക്കി മാറ്റിയവർ. ഒന്ന് പറയാതെ വയ്യ മാലിനീ ‘അമ്മ അവണ്ടല്ലോ തങ്കം ആണ് തനി തങ്കം.

അതെ ,,,, ബാലു മറുപടി പറഞ്ഞു.

കുറച്ചു സംശയങ്ങൾ ഉണ്ട്, സാരമില്ല ചിലതു ഉള്ളിൽ തന്നെ ഇരുന്നോട്ടെ കഥ മുന്നോട്ടു പോകുമ്പോൾ ചോദിക്കാം.

രണ്ടു പേരും എഴുന്നേറ്റു, ബാലു ഒരു സിഗരറ്റു കൂടെ പുകച്ചു, രണ്ടുപേരും കാറിനു സമീപം പോയി.

ഒരു രാത്രി എട്ടുമണിയോടെ മനുവിനെ ഹോട്ടലിൽ എത്തിച്ചു ബാലു തിരിച്ചു പോയി.

അന്ന് രാത്രി സത്യത്തിൽ മനുവിന് ഉറങ്ങാൻ കഴിഞ്ഞില്ല , ആ വൃത്തികെട്ട വികടങ്ക ഭൈരവൻ സ്വപ്നത്തിൽ വരുന്ന പോലെ, ഇടക്കൊക്കെ ഉറക്കത്തിൽ ഞെട്ടി എഴുനേറ്റു, പണ്ടാരം പിടിയ്ക്കാൻ ആയി.

പിറ്റേന്ന് സമയത്തു തന്നെ ബാലു ഹോട്ടലിൽ എത്തി, മനുവിനെയും കൂട്ടി തലേന്ന് പോയ സ്ഥലത്തു തന്നെ എത്തി ഒരു സിഗരറ്റ് ഒക്കെ പുകച്ചു ബാക്കി കഥയിലേക്ക്‌ കടന്നു.

<<<<<<<O>>>>>>>

വൈകുന്നേരം പാലിയം തറവാട്ടിൽ:

മാലിനി നിലവറയിൽ ആണ്.

പാങ്ങോടന്റെ ശിഷ്യന്മാർ സ്ഥാപിച്ചു പോയ കെടാവിളക്കിനു സമീപം ഭക്തിപൂർവ്വം.വീട്ടിൽ തന്നെ നെയ്യ് ഉണ്ടാക്കി ആ നെയ്യ് തന്നെ വേണം ആ കെടാവിളക്കിൽ ഒഴിക്കാൻ എന്ന് നേരത്തെ തന്നെ അവർ പറഞ്ഞിട്ടുണ്ടല്ലോ അതുപ്രകാരം പാൽ വാങ്ങി സ്വന്തം കൈകൊണ്ടു തന്നെ അതിൽ നിന്നും നെയ് ഉണ്ടാക്കി വേണ്ട കാര്യങ്ങൾ  ഒക്കെ മാലിനി ചെയ്യുന്നുണ്ട്. ഒരുപാട് പാവം ആണ് മാലിനി അതിപ്പോ എല്ലാവര്ക്കും അറിയാമല്ലോ. ഒരമ്മയുടെ എല്ലാ വേദനയും വിഷമവും നിസ്സഹായ അവസ്ഥയും ഒകെ അനുഭവിക്കുന്ന ഒരു ‘അമ്മ. അവർ അന്നുണ്ടാക്കിയ നെയ്യ് കൊണ്ട് വന്നു വിളക്കിൽ പകർന്നു. എല്ലാം തന്ടെ പൊന്നുവിന്റെ രക്ഷക്ക് വേണ്ടി.

<<<<O >>>>

ഓഫീസിൽ പുതിയ ആൾ ചാർജ് എടുത്തു.

ഇനി ആദി നോക്കിയതു എല്ലാം അയാൾ ചെയ്തു കൊള്ളും സഹായിക്കാൻ ആയി സിബിയും ഉണ്ടല്ലോ. എല്ലാവര്ക്കും നല്ല വിഷമം ഉണ്ട് ആദി പോകുന്നതിനു. ആദിക്കും ഉള്ളിൽ വിഷമവും ഭയവും ഒക്കെ ഉണ്ട്. ഒരിക്കൽ തന്റെ അച്ഛൻ ജോലി ചെയ്തിരുന്ന സ്ഥല൦ ആണ്, ഇന്ന് തൻ അവിടെ ജോലി ചെയ്യാൻ പോകുന്നു , കള്ളന്റെ മകൻ എന്ന അഡ്രസ് ഉണ്ട്, എന്തൊക്കെ ആണാവോ സംഭവിക്കാൻ പോകുന്നത് എന്നൊക്കെ ഓർത്തു. അന്ന് വൈകുന്നേരത്തോടെ തന്നെ ആദി എല്ലാ ചാര്ജും പുതുതായി വന്ന ആളിന് ഹാൻഡ്‌വർ ചെയ്തു. പീലിച്ചേട്ടന്റെയും പൊതുവാൾജിയുടെയും ഒക്കെ തമാശകൾ അതൊക്കെ മിസ് ആകുന്നതിലും സങ്കടം ഉണ്ട്.

<<<00>>>

കോളേജിൽ അന്നത്തെ മത്സരങ്ങൾ ഒക്കെ കഴിഞ്ഞു. ശ്രീയ ആണെങ്കിൽ ആകെ ഒരു മാന്ത്രികമായ അവസ്ഥയിൽ കിളി പോയി ഇരിക്കുകയാണ്, ആ കണ്ട യുവാവ് , അയാളുടെ നീലനിറമാർന്ന കണ്ണുകളിലെ വശ്യതയും. ഉള്ളിൽ ഒരു പ്രത്യേക വികാരം അതും ഇതുവരെ അനുഭവിക്കാത്ത വികാരം ആണ് ഉണ്ടായിരിക്കുന്നത്, ആകർഷണം ആണോ പ്രണയം ആണോ ഒന്നും അറിയില്ല, പറഞ്ഞറിയിക്കാൻ പറ്റാതെയുള്ള ഒരു അനുഭൂതി. അതും ആദ്യ ദർശനത്തിൽ. ഒന്നുറപ്പാണ് എവിടെയോ കണ്ടുമറഞ്ഞ കണ്ണുകൾ ആണ്, അതാണ് അവളെ ഏറെ അലട്ടുന്നതും. ആരാണ് ആ യുവാവ്, ആദ്യമായി ആണ് അവിടെ കാണുന്നത്, അവൾ കോളേജ് ബസ്‌സിൽ വരുമ്പോളും അത് മാത്രം ആയിരുന്നു  ചിന്ത , മനസിൽ നിന്നും മുഖം

മായുന്നില്ല.

ശ്രീയ വീട്ടിൽ എത്തി. ഒരുപാട് സന്തോഷം ആണ് അവൾക്കു, അവൾ ഉള്ളിൽ ചെന്ന് മാലിനിക്ക് ഒരു ഉമ്മ കൊടുത്തു, കാരണം  എന്താന്ന് തിരക്കി അവൾ ഒന്നും പ്രത്യേകിച്ച് കാരണമായി ഒന്നും പറഞ്ഞില്ല, അവൾ സ്വന്തം റൂമിലേക്ക് ചെന്ന്, നമ്മുടെ കള്ളക്കണ്ണൻ അവിടെ ഇരിക്കുന്നുണ്ടല്ലോ.

അതെ കണ്ണാ  ഇന്ന് പൊന്നു ഒരു ചെക്കനെ കണ്ടു, നീലകണ്ണുകൾ ഉള്ള മനോഹരമായ ശബ്ദം ഉള്ള ഒരു ചെക്കൻ, നീ ആണോ അങ്ങോട്ടു വിട്ടത്‌ ?

പൊന്നുവിനെ  ഒരുപാട് അഭിനന്ദിച്ചു, പാട്ടൊക്കെ നന്നായി എന്ന് പറഞ്ഞു, പക്ഷെ അതിനു ശേഷം ആള് എങ്ങോട്ടോ മറഞ്ഞുപോയി. കണ്ണാ എനിക്ക് ആകെ ഒരു ഫീലിംഗ് , എവിടെയോ കണ്ടു മറന്നതാണ് ആ കണ്ണുകൾ ,പക്ഷെ എവിടെ ആണെന്ന് പൊന്നുവിന് മനസിലാകുന്നില്ലല്ലോ , ഒന്ന് പറഞ്ഞു തായോ നീ.

എന്നാലും ഞാൻ എപ്പോളും ഈ കാര്യം പറഞ്ഞല്ലേ തല്ലു പിടിക്കാറു.

എന്തായാലും എന്റെ ഗന്ധർവ്വൻ അയാൾ തന്നെ ആകുമോ കണ്ണാ ,,, എനിക്കെന്തോ കണ്ടപ്പോ തന്നെ ഒരു വല്ലാത്ത ഫീൽ, അതൊക്കെ പറയുമ്പോൾ അവൾക്കു ഒരു നാണം വന്നു.

എന്താ കണ്ണചാരെ , എനിക്ക് എന്തൊക്കെയോ തോന്നുന്നത്, പറയാൻ പറ്റുന്നില്ല , ആ മുഖം മനസ്സിൽ നിന്നും മായുന്നില്ല, ശോ …. എനിക്ക് അങ്ങോട്ട് മനസിലാകുന്നില്ലല്ലോ എന്തുവാ എനിക്ക് പറ്റിയത് എന്ന്….

ശേഷം പിന്നെ അവൾ യൂണിഫോം ഒക്കെ മാറി കുളിച്ചു വസ്ത്രം മാറി അമ്മയോട് അടുത്തേക്ക് ചെന്നു ചായ കുടിക്കാൻ ആയി.

അമ്മേ ..എന്റെ അമ്മ കുട്ടി…….. ശ്രീയ വിളിച്ചു.

എന്താ പോന്നു…………..

ഒന്നൂല്ല,,,അതേ ഇന്ന് കോളേജില്‍ ഒരു കൂട്ടം നടന്നു. എന്താണ് മാലിനി ചോദിച്ചു.

അപ്പോള്‍ ശ്രീയ അല്പം നാണത്തോടെ ആണെകിലും പണ്ട് പ്രത്യങ്കിര ക്ഷേത്രത്തില്‍ പോയപ്പോള്‍ കൈ നോക്കി അമ്മൂമ്മ പറഞ്ഞ കാര്യവും അന്ന് കോളേജില്‍ കണ്ട നീലകണ്ണുകള്‍ ഉള്ള യുവകോമളന്റെറ കാര്യവും ഒക്കെ പറഞ്ഞു.

ശ്രീയ നല്ല ത്രില്‍ അടിച്ചു ഇരിക്കുക ആണ്.

എന്നാലും അത് ആരാണെന്ന് മാത്രം അറിയില്ല , എന്റെ കൂട്ടുകാര്ക്കും  അറിയില്ല, ഞാന്‍ ഒരുപാട് അന്വേഷിച്ചു.

ആളെ പിന്നെ കണ്ടിട്ടേ ഇല്ല …………

മാലിനി അപ്പോള്‍ ശ്രീയക്കായി നല്ല ദോശ ചുടുക ആയിരുന്നു. മാലിനി ചിരിച്ചുകൊണ്ട് ഒക്കെ കേട്ടു.

അത് കണ്ടു ശ്രീയയും ചിരിച്ചു. അടിച്ചു നിന്റെ കരണം ഞാന്‍ പൊളിക്കും ഞാന്‍……………….. അതിയായി ദേഷ്യപ്പെട്ടു വിറക്കുന്ന മുഖത്തോടെ ക്രുദ്ധയായി മാലിനി ശബ്ദം ഉയര്ത്തി പറഞ്ഞു. ഞെട്ടി വിറച്ച് പോയി ശ്രീയ.

അവളുടെ നീലകണ്ണനും പച്ച കണ്ണനും അവളുടെ അമ്മേടെ ഗന്ധർവ്വനും  ,,,ഈ ചട്ടുകം ചൂടാക്കി നിന്റെ ചന്തിക്ക് ഞാന്‍ വെക്കും, വലുതായി എന്നൊന്നും ഞാൻ നോക്കില്ല

അങ്ങനെ മോൾക്ക് വല്ല  ആഗ്രഹവും ഉണ്ടെങ്കില്‍ ഇപ്പോ അങ്ങോട്ട് പറിച്ചു കളഞ്ഞേക്കണം മനസിൽ നിന്ന്. ഇപ്പൊ ഇരുപത് വയസ്സിൽ നടപ്പാണ് നീ , ഇരുപത്തി അഞ്ചു വയസു കഴിയാതെ കല്യാണത്തെ കുറിച്ച് ചിന്തിക്കുന്നു പോലും ഇല്ല , അതിനിടയിൽ ഇങ്ങനത്തെ ഒരുത്തനേം മനസ്സിൽ കയറ്റണ്ട. നിനക്ക് കല്യാണപ്രായം ആകുമ്പോ നല്ല ഒരു ചെറുക്കനെ കണ്ടെത്തി ഞങ്ങൾ കെട്ടിക്കും, കേട്ടോടി…………

പിന്നെ മോള് ഒന്ന് ഓർത്തോ , വല്ലവനും ആയി പ്രേമിച്ചു നടക്കാൻ ആണ് നിന്റെ പ്ലാൻ എങ്കിൽ … അവന്റെ ഒപ്പം ഒളിച്ചോടി സുഖം ആയി ജീവിക്കാം എന്ന് നീ കരുതണ്ട , നിന്റ കയ്യും കാലും ഓടിച്ചു ഞാൻ ആ മുറിയിൽ കിടത്തും…………..

മാലിനി അങ്ങ് ദേഷ്യം കൊണ്ട് അലറുക ആണ്.

ശ്രീയ്ക്ക് കണ്ണിൽ നിന്നും ഒക്കെ വെള്ളം വന്നു അങ്ങോട്ട് സങ്കടം ആയി.

എന്നാലും ‘അമ്മ , തന്റെ കൂട്ടുകാരി അല്ലെ ,, ‘അമ്മ ഇങ്ങനെ പെരുമാറും എന്ന് ഒരിക്കൽ പോലും അവൾ കരുതിയില്ല… അവൾ ഒരൽപം പേടിച്ചു തന്നെ ഒന്നും മിണ്ടാതെ പതുക്കെ നടന്നു…’അമ്മ പുലി ആയിരുന്നു, തന്റെ കളികൾ ഒന്നും അമ്മയോട് നടക്കില്ല എന്ന ബോധ്യത്തോടെ.

അപ്പോളേക്കും ശ്രീയ വാതിൽ  ഒന്നു കടന്നെ ഉള്ളു ,

ആ ശബ്ദം കേട്ട് അവൾ ആകെ ഭയവിഹ്വല ആയി.

ദൈവമേ നോക്കീം കണ്ടും അമ്മയോട് പറഞ്ഞില്ലേ പണി ആകും …..

അവൾ വേഗം മുറിയിലേക്ക് പേടിച്ചു ഓടി.

എന്റെ കണ്ണാ ……………….’അമ്മ പ്രശ്നം ആക്കി.

പൊന്നുവിനെ ഒരുപാട് ചീത്ത പറഞ്ഞു.

കയ്യും കാലും ഒടിച്ചു ഇവിടെ കിടത്തി കളയും എന്നാ പറഞ്ഞത്,

‘അമ്മ പഴേ അമ്മ അല്ല പറഞ്ഞ, പറഞ്ഞ പോലെ തന്നെ ചെയ്യും, അയ്യോ.

അവൾ തലയ്ക്കു മേലെ കൈകൂപ്പി തൊഴുതു,

ഓ ആ പേടി ഇപ്പളും പോയിട്ടില്ല , എന്തൊരു ദേഷ്യം ആയിരുന്നു അമ്മക്ക്, അമ്മയോട് കളിയ്ക്കാൻ നിന്നാൽ ,,പണ്ട് എനിക്ക് നല്ലതു ഒരെണ്ണം കിട്ടിയിട്ടുള്ളതാണ്,

ഞാൻ ഒന്നിനും ഇല്ലേ ,,,,,,,,,,,,,,

അപ്പോളേക്കും മാലിനി ഒരു പാത്രത്തിൽ പൊന്നുവിന് കഴിക്കാൻ ദോശയും ചായയും ആയി അവളുടെ റൂമിലേക്ക് വന്നു.

പൊന്നു പഞ്ചപാവത്തെ പോലെ ഒരു കുറിഞ്ഞി പൂച്ചയെ പോലെ പമ്മി പമ്മി അത് വാങ്ങി തല പോലും ഉയർത്താതെ ദോശയും കഴിച്ചു  ചായയും കുടിച്ചു.

<<<<<O>>>>

അന്ന് രാത്രി, അപ്പു വളരെ അനിഷ്ടത്തോടെ ആണ് പാലിയത് എത്തിയത്, അവന്‍ ആരോടും ഒന്നും മിണ്ടാന്‍ നിന്നില്ല, അവന്‍ ചെയ്യരുത് എന്നു കാല് പിടിച്ച് പറഞ്ഞ കാര്യം അല്ലേ അവര്‍ ചെയ്തത്. നാളെ മുതല്‍ അപ്പുവിന് ശ്യാമിനെ അസ്സീസ്റ്റ് ചെയ്യണ്ടെ.

അവന്‍ നേരെ റൂമിലേക്ക് പോയി.

ഒരു എട്ട് മണി ഒക്കെ ആയപ്പോളേക്കും ശ്യാം വീടില്‍ എത്തി. ഇത് ശ്യാമും മാലിനിയും ചേർന്നുള്ള പരിപാടി ആയിരുന്നു.

മാലിനിക്ക് സത്യത്തില്‍ വിഷമം ഉണ്ട്, പക്ഷേ ശ്യാമിനെ കരുതി തല്കാലം അപ്പുവിന്റെ ഇഷ്ടകേട് മാറ്റിവെച്ചത് ആണ്.

രാജശേഖരന് ഒട്ടുമേ താല്പര്യം  ഇല്ലായിരുന്നു പക്ഷേ മാലിനി നിര്ബന്ധിച്ചത് കൊണ്ട് മാത്രം സമ്മതിച്ചു എന്നതാണു. കാരണം അപ്പു ആത്മാര്ഥമായി ആയി വര്ക്  ചെയ്യുന്ന കുട്ടി ആണെന്ന് അറിയാം. പക്ഷേ ജയദേവന്റെ മകന്‍ എന്ന ഒറ്റ കാരണത്താല്‍ അനിഷ്ടം ഒരുപാട് ഉണ്ട് താനും.

അമ്മയും മകനും കൂടെ പൂമുഖത്ത് ഇരുന്നു സംസാരിച്ച് കൊണ്ടിരിക്കുക ആയിരുന്നു, അപ്പോളാണ് നമ്മുടെ ശ്രീയ  അങ്ങോട്ട് വരുന്നത്.

നിങ്ങള്‍ ഇത് എന്തു വിചാരിച്ചിട്ടു ആണ്, ആ അപ്പുനെ എന്തിനാ ഓഫീസില്‍ ഏട്ടന്റെ  കൂടെ പോസ്റ്റ് ചെയ്തത്?

പൊന്നു  …. ഇത് ഓഫീസ് കാര്യം ആണ് , അത് സൌകര്യം അനുസരിച്ചു ചെയ്യും നീ ഇപ്പോ അതില്‍ ഇടപെടണ്ട , സമയം ആകുമ്പോ പറയാം അപ്പോ ഇടപെട്ടാ മതി . ശ്യാം ദേഷ്യപ്പെട്ടു

അപ്പോ എട്ടനും ഇപ്പോ ഇവരുടെ കൂടെ കൂടിയോ ,  ഭ്രാന്ത് ആണോ, നിങ്ങള്‍ എന്തിനാണ് ഇവനെ ഇങ്ങനെ പൊക്കി കയറ്റി വെക്കുന്നത്, വിശ്വസിക്കാന്‍ കൊള്ളില്ല, അവന്‍ അവന്റെ അച്ഛനെ പോലെ തന്നെ കാണിക്കും.

അവന്‍ എന്തു വിശ്വാസക്കേട് ആടി നിന്റെ അടുത്തു കാണിച്ചത് ? മാലിനി എഴുന്നേറ്റ് ശബ്ദം നന്നായി കടുത്തു.

അവന്‍ ചതിയന്‍ ആണ് , അമ്മക്കറിയില്ല അവന് നല്ല പക ഉണ്ട് , തക്കം നോക്കി അവന്‍ കളിക്കും ഉറപ്പാണ് , എല്ലാം അഭിനയം ആണ് എല്ലാരേം കയ്യിലെടുത്തു, ഇഷ്ടം ഉണ്ടാക്കി എടുത്തു ,

രണ്ടുപേര്ക്കും അത് കേള്ക്കുമ്പോ നല്ല ദേഷ്യം വരുന്നുണ്ട്.

എനിക്കു എന്റെ എട്ടനാ വലുത് , അവന്‍ കാരണം എന്റെ ഏട്ടന് ഒന്നും വരരുത്, അത് പറയുമ്പോള്‍ പൊന്നുവിന്റെ കണ്ണു നിറയുന്നുണ്ടായിരുന്നു ,

അവള്ക്ക്  അപ്പുവിനോടു ദേഷ്യം മാത്രം അല്ല , അവന്‍ എന്തെങ്കിലും ഒക്കെ ചെയ്യും എന്നുള്ള ഭയം കൂടെ ഉണ്ട് എന്നത്തും സത്യം ആണ്.

ശ്യാംനു അത് കേട്ടപ്പോ വിഷമം ആയി , പോന്നു ,,,, അതിനു അവന്‍ എന്നെ സഹായിക്കുന്നു എന്നു മാത്രം കണ്ട്രോള്‍ ഒക്കെ നിന്റെ ഏട്ടന്‍ തന്നെ ആണ്.

അവന്‍ പൊന്നുവിനെ ചേര്ത്ത് നിര്ത്തി .

അവനു ഓഫീസില്‍ ജോലി കൊടുത്തത് തന്നെ തെറ്റ് ആണ് , ഇപ്പോ ഹെഡ് ഓഫീസില്‍ കൂടെ അവന് സ്ഥാനം കൊടുക്കുക എന്നു വെച്ചാല്‍,,,,,,,,,,,,,,,

പൊന്നു ,,,,,,,,,,,,,നീ അകത്തു പോ,,,,,,,,,,,മാലിനി ദേഷ്യപ്പെട്ടു.

പൊന്നു പിന്നെ കൂടുതല്‍ ഒന്നും സംസാരിക്കാന്‍ നിന്നില്ല , വേഗം റൂമിലേക്ക് പോയി.

എന്താ അമ്മേ പൊന്നുന് അപ്പുവിനെ ഇത്രക്കും ദേഷ്യം ?

അപ്പു ഇവളോട് എന്തേലും പ്രശ്നം ഉണ്ടാക്കിയിട്ടുണ്ടോ ?

എന്റെ പൊന്നു മോനേ ആ കുട്ടി ഒരു പാവം ആണ് , ഒരുപാട് സങ്കടം ഒക്കെ ഉണ്ട് ആ കുട്ടിക്ക് , എന്താണെന്ന് അറിഞൂടാ , പൊന്നുന് അവനെ കണ്ട അന്നുമുതലെ ദേഷ്യം ആണ്. കാരണം ഒട്ടു അറിയുകയും ഇല്ല , ആ കൊച്ചു എന്തോരം സഹായം ആണ് പൊന്നുന് ചെയ്തിരിക്കുന്നത്, ഒരിക്കല്‍ ട്രയിന്‍ വൈകി വന്നപ്പോ അന്ന് ഇവള്ക്ക്  സുഖം ഇല്ലാതെ ആയി പോയി ആ രാത്രി ഹോസ്പിറ്റളില്‍ ല്കൊടണ്ടു പോയി കിടത്തി ഉറങ്ങീട്ടില്ല അന്നു അപ്പു , അതുപോലെ തന്നെ അന്ന് അമ്പലത്തില്‍ വെച്ചു പൊന്നുന്നേ  അത്രയും വലിയ പാമ്പു കടിക്കാന്‍ വന്നപ്പോ ഓ അത് മോന്‍ കാണേണ്ട കാഴ്ച ആണ് , ഒരു കയ്യില് ആ പാമ്പിനെ അപ്പു പിടിച്ച് ഞെരിക്കുക ആയിരുന്നു , ഇവള്‍ ആണെങ്കില് ബോധം കേട്ടു അപ്പുവിന്റെ മടിയിലും, ഇവള് നിന്റെ അച്ചന്റെ ചോര തന്നെ ആണ് , പക വന്നാല്‍ ചാകണ വരെ പക പോകില്ല,

അമ്മേ നമുക്ക് അപ്പുനെ ഒന്നു കാണാന്‍ പോയാലോ..ശ്യാം തിരക്കി

ശരി വാ … അപ്പു നല്ല ദേഷ്യത്തില്‍ ആയിരിയ്ക്കും.

അവര്‍ രണ്ടു പേരും കൂടെ ഇറങ്ങി അപ്പൂന്റെ പുരയിലേക്ക് നടന്നു.

അപ്പു …………………….. ശ്യാം വിളിച്ചു.

അപ്പു പുറത്തേക്ക് വന്നു.

അവന് നല്ല നീരസം ഉണ്ട്.ചിരിക്കാനും ഒന്നും നിന്നില്ല.

ആഹാ രണ്ടു പേരും ഉണ്ടല്ലോ

എന്റെ മണ്ടക്ക് കുത്തിയപ്പോ രണ്ടു പെര്ക്കും  സന്തോഷം ആയല്ലോ, കാല് പിടിച്ച് ഞാ൯ പറഞ്ഞതല്ലെ എന്നെ മാറ്റല്ലേ എന്നു.

അപ്പോളേക്കും രണ്ടു പേരും കൂടെ ഉള്ളിലേക്ക് കയറി ഇരുന്നു.

മാലിനിയും കൂടെ നിന്നു.

നിങ്ങൾക്കൊന്നും  പറഞ്ഞാ മനസിലാകില്ല, ഞാന്‍ എന്തു ചെയ്താലും മറ്റൊരു കണ്ണിലെ ആളുകള്‍ കാണു , എല്ലാരുടേം പരിഹാസവും ഒക്കെ ഞാന്‍ കാണണ്ടെ.

ഇതൊന്നും വേണ്ടായിരുന്നു.

അപ്പുവിന് ശരിക്കും സങ്കടം ഉണ്ട്.

കൊച്ചമ്മക്ക് മകന്റെ കാര്യം നോക്കിയാല്‍ മതിയല്ലോ, എനിക്കു എന്തു വന്നാല്‍ എന്താണ്, ഞാന്‍ നിങ്ങടെ വീടിലെ പണയവസ്തു അല്ലേ , ആര് എന്തു കാണിച്ചാല്‍ എന്തു , പരിഹസിച്ചാല്‍ എന്തു, എല്ലാര്ക്കും  അവരവരുടെ കാര്യങ്ങള്‍ മതിയല്ലോ.ഞാന്‍ എന്തു പറയാന്‍ ആണ്…

അപ്പു വിഷമത്തോടെ തന്നെ അവരുടെ മുഖത്ത് നോക്കാതെ പറഞ്ഞു.

മാലിനിക്ക് അതൊക്കെ കേള്കുമ്പോ നല്ല ദേഷ്യവും വിഷമവും ഒക്കെ വരുന്നുണ്ട്.

ശ്യാം അത് കേട്ടു നല്ല ചിരി ആണ് , അപ്പു ഇവിടെ നീ ഇങ്ങനെ…. അവിടെ ഒരാള് അപ്പൂ ചതിയന്‍ ആണ്, നീ നിടെ അച്ഛനെ പോലെ ചതി കാണിക്കും വിശ്വസിക്കരുത് എനിക്കു ദോഷം വരുത്തും എന്നും പറഞ്ഞു മുഖം വീര്പ്പിച്ചു ഇരിക്കുന്നു, വേറെ ആരും അല്ല എന്റെ പെങ്ങള്………

അത് കേട്ടു ഒരേ സമയം മാലിനിയും അപ്പുവും ഞെട്ടി,

ശ്യാം ഒരു തമാശ ആയി മാത്രം പറഞ്ഞത് ആണ്, പക്ഷേ ആസ്ഥാനത്ത് ആയി പോയി എന്നു മാത്രം.

മാലിനിയുടെ മുഖം ഒക്കെ  ചുവന്നു ദേഷ്യം കൊണ്ട്, അപ്പു അവിടെ നില്ക്കുന്നു അല്ലായിരുന്നെങ്കില്‍ കൈ ശ്യാമിന്റെ മുഖത്ത് പതിഞ്ഞെനെ.

പക്ഷേ അപ്പുവിന് അത് ഒരുപാട് സങ്കടം ഉണ്ടാക്കി, അവന്‍ മാലിനിയെ നോക്കി.

മാലിനി അവന്റെ ഉള്ളിലെ എല്ലാ സങ്കടവും ആ നോട്ടത്തില്‍ തന്നെ തിരിച്ചറിഞ്ഞു, അവളുടെ കണ്ണുകള്‍ നിറഞ്ഞു.

അപ്പു ചിരിച്ചു,

അത് തന്നെ അല്ലേ ഞാന്‍ എപ്പോളും പറയുന്നതു , എന്നെ വിശ്വസിക്കല്ലേ എന്നു, ഇനി ഇപ്പോ ഞാന്‍ അറിയാതെ എന്തേലും ഒരു തട്ടുകെട് വന്നാല്‍ പോലും അതും എന്റെ തലയില്‍ ആകില്ലേ. ഞാന്‍ ഇനി എന്തെല്ലാം പേര് കേൾക്കേണ്ടി വരുമോ എന്തോ ?

അപ്പു ആകെ വിഷണ്ണന്‍ ആയി.