അനാമിക [Jeevan] 267

അത് കഴിഞ്ഞു പിന്നെ ഫോണ്‍ അവര്‍ വാങ്ങി വച്ചില്ല , ഭാഗ്യം ഞാന്‍ മനസ്സില്‍ കരുതി. പിന്നെ ഫോം ഫില്‍ ചെയുന്ന ബഹളം . പുതിയ ചെസ്റ്റ് നമ്പര്‍ കിട്ടി . ചുവപ്പില്‍ വെള്ള അക്ഷരം ഈ തവണ അതില്‍ ക്രോസ് ചിന്നം . അതില്‍ നിന്നു ഫോട്ടോയും എടുത്തു . ഫോര്‍മുകളില്‍  അച്ഛന്‍ അപ്പൂപ്പന്‍മാരുടെവരെയുള്ള എല്ലാവരുടെയും  അസുഖത്തിന്‍റെസകല  ഡീറ്റൈല്‍സ്  എഴുതണം . എല്ലാം നോ നോ ഇട്ടു പോയി. എല്ലാം കഴിഞ്ഞപ്പോള്‍ ഒരു സമയം ആയി. പിന്നെ പോയി ഫുഡ് കഴിച്ചു വന്നു .

എസ്‌എസ്‌ബി കഴിഞ്ഞു മെഡികല്‍ ഉണ്ട്. എസ്‌എസ്‌ബി ക്ലിയര്‍ ആയാല്‍ എല്ലാവര്‍ക്കും ഭയങ്കര റെസ്പെക്റ്റ് ആണ്. അവിടെ ഒരേ സമയം എയര്‍ഫോര്‍സ് നേവി സെലെക്ഷനും ഉണ്ട്. പുതിയ കുട്ടികള്‍ ഒക്കെ അസൂയയോടെ ആണ് നോകൂന്നത്. അതൊക്കെ ഒരു പ്രേതേക ഫീല്‍ ആണ് , അഭിമാനം സന്തോഷമൊക്കെ. പിറ്റെന്നു രാവിലെ വണ്ടി വന്നു കമാന്ഡ് ഹോസ്പിറ്റലില്‍ ഞങ്ങളെ കൊണ്ട് പോയി . ആദ്യം കണ്ണു ടെസ്റ്റ് ചെയ്തു , ഇയര്‍ . അന്ന് അത് മാത്രം . പിറ്റെന്നു സര്‍ജന്‍ അടിമുടി പരിശോധിച്ചു. ബ്ലഡ് ടെസ്റ്റ്, മൂത്രം എല്ലാം പരിശോധിച്ചു. എല്ലാം കൂടെ 7 ദിവസത്തെ മെഡിക്കല്‍ ഉണ്ടായിരുന്നു .

8 ആം ദിവസം കോണ്‍ഫറന്‍സ്, പഴയ പോലെ. എന്നിട്ട് അവര്‍ മെഡികല്‍ ഫിറ്റ് ആണോ അല്ലയോ എന്നു പറയും . ഞാന്‍ ആദ്യം കയറി . എനിക്കു പെര്‍മനെന്‍റ് റിജക്ഷന്‍. ഐ സൈറ്റ് കുറവ് , -0.75 വരെ പറ്റു, എനിക്കു -1 . ഒറ്റ നിമിഷം കൊണ്ട് എന്‍റെ 1 വര്‍ഷവും, ഒരുപാട് വര്‍ഷത്തെ കഷ്ടപ്പാടും പാഴായിപ്പോയി . ഞാന്‍ തകര്‍ന്ന മനസ്സുമായി ഇറങ്ങി അമ്മയെ വിളിച്ച് പറഞ്ഞു. അവിടുന്നു നേരെ റെയില്‍വേ സ്റ്റേഷനില്‍, ജനറല്‍ ടിക്കെറ്റ് എടുത്തു. ഓണത്തിക്കിനിടയില്‍ തകര്‍ന്ന മനസ്സോടെ നാട്ടിലേക്കു . ആകെ മരവിച്ച അവസ്ഥ . അഡ്മിഷന്‍ എല്ലാം ക്ലോസ് ആയി . ഇനി 1 വര്‍ശം കാത്തിരിക്കണം . എന്താകും ഭാവി , എല്ലാരോടും ഇതേ എന്നു പറഞ്ഞു നടന്നു. കൂട്ടുകാരുടെയും നാട്ടുകാരുടെയും ബന്തുക്കളുടെയും കുറ്റപ്പെടുത്തല്‍, അത് എന്നെയും അല്ല അമ്മയെ ആകും എല്ലാരും കൂടുതല്‍ കുറ്റപ്പെടുത്തുക.

അന്നേ അമ്മ പറഞ്ഞത് കേട്ടാല്‍ മതി എന്നു തോന്നിപ്പോയി . അല്ലേലും അമ്മമാര്‍ പറഞ്ഞാല്‍ അനുസരിക്കണം , പല അനുഭവം ആയി ഇപ്പോള്‍.

അതെങ്ങനെയാ അഹങ്കാരം അല്ലായിരുന്നോ , ഞാന്‍ സ്വയം കുറ്റപ്പെടുത്തി . ഇനി വീടില്‍ എത്തുമ്പോള്‍ അമ്മ എന്താകും പറയുക . കുറ്റപ്പെടുത്തും , ദേഷ്യപ്പെടും . അമ്മേ എങ്ങനെ ഫേസ് ചെയ്യും എന്നു ആയിരുന്നു എന്‍റെ പ്രധാന പ്രോബ്ലം തന്നെ. അതിന്‍റെ  ഇടക്ക് ട്രൈനില്‍ ആണേല്‍ മണ്ണ് നുള്ളി ഇട്ടാല്‍ താഴെ വീഴാന്‍ ആകാത്ത തിരക്ക് . എങ്ങനെയോക്കയോ നാട്ടില്‍ എത്തി . ട്രയിന്‍ എത്തിയപ്പോള്‍ വൈകി . റെയില്‍വേ സ്റ്റേഷനില്‍  നിന്നും ടാക്സി പിടിച്ച് വീട്ടില്‍ എത്തി .