അനാമിക [Jeevan] 269

ഇവന്‍റെ ഏറ്റവും വലിയ പ്രതേകത എന്തെന്നാല്‍ നാക്ക് വളക്കുന്നത് തന്നെ ചളി അടിക്കാന്‍ ആണ് . എത്ര വിഷമിച്ചു ഇരികുന്ന ആളും ഇഇവന്‍റെ വര്‍ത്തമാനം കേട്ടാല്‍ ചിരിച്ചു പോകും . മണ്ടത്തരത്തിന്‍റെ കാതല്‍ ആണ് കക്ഷി , അവിടുത്തെ ഏറ്റവും ഫേമസ് കോഴി . ആള് വണ്‍ ഇയര്‍ എന്ജി്നിയറിങ് റിപ്പീറ്റ് ബാച്ചില്‍ ആണ് . പിന്നെ പെണ്ണുങ്ങളുടെ എന്സൈിക്ലോപീഡിയ ആണ് വിഷ്ണു , അതില്‍ എല്ലാ ബാച്ചിലെ പെണ്‍കുട്ടികള്‍, ടീച്ചര്‍ , തുടങ്ങി തൂപ്പ്കാരിയുടെ ഡീറ്റൈല്സ് വരെ ഉണ്ട് . ഞങ്ങള്‍ പരിചയപ്പെട്ടതിന് ശേഷം  ഫുള്‍ ടൈം ഒന്നിച്ചായി. കഴിക്കാന്‍ പോകുമ്പോള്‍ എന്നും കാണും . അവന്‍ പ്രൈവറ്റ് ആയി ഉള്ള ഒരു ഹോസ്റ്റലില്‍ ആണ് താമസം . ലൈബ്രറി സെഷന്‍ കഴിഞ്ഞു ഉള്ള പുഷ്പിക്കലിന് കാവല്‍ നില്പ്പ് ഞാന്‍ ആയിരുന്നു .

അങ്ങനെ പോകുമ്പോള്‍ ഒരു ദിവസം ലൈബ്രറിയില്‍ ഞങ്ങള്‍ ഒന്നിച്ചു ഇരിക്കുക ആയിരുന്നു . ഇടക്ക് കാര്യം പറയാന്‍ വേണ്ടി ടെബ്ളില്‍ ഒരു സൈഡ് എന്‍റെ കസേരയോട് ചേര്‍ന്ന് ആണ് അവന്‍ ഇരിക്കുന്നത്. ഞാന്‍ ആണേല്‍ ഓര്‍ഗാനിക് കെമിസ്ട്രി ഗൃഗ്നാഡ് റിയാക്ഷന്‍ വായിച്ചു ഇരികുന്നു ( ഓര്‍ഗാനിക് കെമിസ്ട്രി റിയാക്ഷന്‍ എന്‍റെ വീക്നെസ് ആണ് ..ആരും തല്ലണ്ട ഒന്നു പേടിപ്പിച്ചാല്‍ മതി ). അപ്പോള്‍ വിഷ്ണു എന്‍റെ തുടയില്‍ തൊണ്ടി . ആദ്യം ഞാന്‍ കാര്യംമാക്കിയില്ല. ഇവന്‍ വീണ്ടും തൊണ്ടിയപ്പോള്‍ ഞാന്‍ എന്താ എന്ന അര്‍ഥത്തില്‍ കണ്ണു കൊണ്ട് അവനെ നോക്കി . അവന്‍ കണ്ണു കൊണ്ട് മുന്നിലെക് നോക്കാന്‍ ആവശ്യപ്പെട്ടു.

ഞങ്ങളുടെ ടേബിളിന് മുന്നില്‍ ഉള്ള ടേബിളില്‍ ഒരു പെണ്കുട്ടി ഇരികുന്നു . അവള്‍ എന്‍റെ  നേരെ തിരിഞ്ഞു ആണ് ഇരുന്നിരുന്നത്. അവള്‍ മുഖം ഏതോ പുസ്തകത്തില്‍ നോക്കിയിരിക്കുന്നു. ഞാന്‍ എന്താ എന്ന രീതില്‍ വീണ്ടും വിഷ്ണുവിനെ നോക്കി , അവന്‍ എന്നെ സൈറ്റ് അടിച്ചു കാണിച്ചു ചിരിച്ചു . ഞാന്‍ പതിയെ അവനോടു ചോദിച്ചു ,” എന്താടാ അവള്‍ വളഞ്ഞോ…. “.

അവന്‍ പറഞ്ഞു ,” ആ വളഞ്ഞു എന്ന തോന്നുന്നത് മോനേ , പക്ഷേ എനിക്കു അല്ല നിനക്കാണ് എന്ന് മാത്രം…” എന്നും പറഞ്ഞു ആക്കിയ ചിരി ചിരിച്ചു . ഞാന്‍ പിന്നെ അവളെ ശ്രദ്ധിക്കാന്‍ തുടങ്ങി , കാണാന്‍ മീര നന്ദന്‍ ഇല്ലേ , അവളെ പോലെ . എങ്കിലും ഇത്തിരി കൂടെ വെളുത്തീട്ടാ . കണ്ണോക്കെ നല്ല പോലെ എഴുതിയേകുന്നു . മുടി പിന്നിലെക് അഴിച്ചു ഇട്ടിട്ടുണ്ട്. മുഖത്ത് ഒരു ശ്രീ ഒക്കെ ഉണ്ട് . ഞാന്‍ അവളെ കോഴിത്തരത്തില്‍ ഗുരു ആയ വിഷ്ണുവിനെ മനസ്സില്‍ വിചാരിച്ചു നൈസ് ആയി നോക്കി തുടങ്ങി… അപ്പോള്‍ മനസ്സിലായി അവന്‍ പറഞ്ഞത് സത്യം തന്നെ ആണ് , ഇവള്‍ ഒളികണ്ണു ഇട്ടു ഇടക്ക് ഇടക്ക് നോക്കുന്നുണ്ട് എന്നത്.

ഞാന്‍ അവനെയും വിളിച്ച് ലൈബ്രറിയില്‍ നിന്നും ഇറങ്ങി . അവള്‍ ഇത് കണ്ടു ഒന്നു ഞെട്ടി . ക്ലോക്കില്‍ നോക്കി . അത് കണ്ടപ്പോളേ ഇവള്‍ ഈ പണി തുടങ്ങിട്ടു കുറെ നാള്‍ ആയി എന്നു എനിക്കു കത്തി , എന്നിട്ടും വിഷ്ണു എന്താണാവോ ഇത്രേം നാളും കാണാതെ പോയത് എന്നു ഞാന്‍ ആലോചിച്ചു .