അമ്മ മനസ്സ്

Amma Manassu | Author : Zyed Mazood

നഗരത്തിൽ പുതുതായി എത്തിയ ഒരു യുവ എഴുത്തുകാരിയാണ് “ചൈതന്യ..” തന്റെ കഥയെഴുത്തിന് ശാന്തമായ ഒരിടം അത്യാവശ്യമായിരുന്നു. അതിനായി ഒരുപാട് തിരഞ്ഞു അവസാനം  ഒരു വീട് ഒത്തു കിട്ടി..

ഒരു വൃദ്ധ മാത്രമാണ് അവിടെ താമസിക്കുന്നത്. കുറച്ചു ദേഷ്യക്കാരി ആണ് ആ വൃദ്ധ, അവർ തന്നെ ശാന്തമായി ഇരുന്ന് കഥ എഴുതാൻ സമ്മതിക്കില്ല എന്ന് അവൾക്ക് തോന്നി,..

വേറെ സ്ഥലം നോക്കാൻ തീരുമാനിച്ചു.

ഒടുവിൽ…  വേറെ സ്ഥലം കിട്ടാതെ വന്നപ്പോൾ ആ വീട്ടിലേക്ക് തന്നെ മാറാൻ അവൾ തീരുമാനിച്ചു,..

ഏതാനും ദിവസങ്ങൾക്കുള്ളിൽ അവള് ആ വീട്ടിലേക്ക് താമസം മാറി,..

നല്ല വിശാലമായ സ്ഥലം ചുറ്റും മരങ്ങളും പച്ചപ്പും കിളികളുമെല്ലാം കൂടെ അവൾക്ക് ആ വീടും പരിസരവും നന്നായി ഇഷ്ടപ്പെട്ടു..

നഗരത്തിൽ ഇങ്ങനെ ഒരു സ്ഥലം കിട്ടുക ബുദ്ധിമുട്ടാണ്..

വീടും പരിസരവും ചുറ്റി കണ്ട അവൾ നേരെ  വൃദ്ധയുടെ അടുത്തേക്ക് നടന്നു,.

അവരുടെ മുന്നിൽ പോയി നിന്നിട്ടും അവർ താൻ വന്നു നിന്നത് പോലും അറിഞ്ഞില്ല, അവർ അന്ധയാണെന്ന് മനസ്സിലായി,..

അവരോട് അവൾക്ക് സഹതാപം തോന്നി,…  “ഹലോ ആന്റി” ഞാൻ ചൈതന്യ,..