Alastor the avenger ??? 4[Captain Steve roggers] 148

“ദൈവമേ നിന്റെ തെറ്റിന്റെ ഫലത്തിൽ നിന്നും ഉരുത്തിരിഞ്ഞു വന്ന ഒരു വലിയ ശരിയാണിവൻ….  നിന്റെ ജനത്തെ നയിക്കാനും മരണത്തെ മുഖാമുഖം നിന്നു നേരിടാനും നിയോഗിക്കപ്പെട്ടവൻ… മരണമേ ഇവനിൽ നിന്നും ഓടി അകലുവിൻ….ഇവൻ അഭിമന്യു….. പകയുടെ കനലിനു സ്വന്തം രക്തം കൊണ്ട് ചൂട് പകരാൻ നിയോഗിക്കപ്പെട്ടവൻ…”

ആ സമയം തന്നെ  ചെറിയ കാറ്റോട് കൂടി മഴ പെയ്തു തുടങ്ങി… പെയ്തു തുടങ്ങിയ മഴയെ നോക്കി പുഞ്ചിരിച്ചു കൊണ്ട് ഒരു നിമിഷം കഴിഞ്ഞ 24 വർഷം ആയി താൻ രഹസ്യം ആയി സൂക്ഷിക്കുന്ന ആ മാലയെടുത്തു നോക്കിയിട്ട് ഫാദർ ഗബ്രിയേൽ മന്ത്രിച്ചു….. “സമയം ആയി”….
******  ******  ******  *******  ******  ******
ഇതേ സമയം ഹിരണ്യകേസരിയുടെ മുൻപിൽ നിൽക്കുകയായിരുന്നു വിഘാടകൻ… ഹിരണ്യകേസരി രാവിലെ മുതൽ ആരംഭിച്ച പൂജയുടെ അവസാന ഘട്ടത്തിൽ പ്രവേശിച്ചിരിക്കുന്നു…. തന്റെ ദുഷ്ട്ട മൂർത്തിയുടെ അതികായ പ്രതിമയുടെ മുന്നിൽ നിർമ്മിച്ച ഹോമകുണ്ഡത്തിലേക്ക് രക്തവും  ചമതകവും അതു പോലെ കരിന്തേളിനെയും  ഹിരണ്യകേസരി  സമർപ്പിച്ചു… അതോടൊപ്പം കൂടുതൽ ശക്തിയിൽ അധർമ്മ മന്ത്രം ഉരുവിട്ടു കൊണ്ട് ഇരുന്നു.. എന്നാൽ പെട്ടെന്ന് തന്നെ എടുത്തെറിയപ്പെട്ടത് പോലെ ഹിരണ്യകേസരി തെറിച്ചു വീണു…അതോടൊപ്പം തന്നെ അയാളുടെ മുന്നിൽ ഇരുന്ന ദുഷ്ട്ട മൂർത്തിയുടെ പ്രതിമ ചിന്നഭിന്നമായി…. ആ സമയം ഹോമ കുണ്ഡം ഒന്നു ആളികത്തിയിട്ടു അണഞ്ഞു…..
************ ********* *******

ഈ സമയം തന്റെ മുറിയിൽ ബോധരഹിതയായി വീണിരുന്ന അശ്വതി അവൾ അറിയാതെ തന്നെ മഹാ മൃത്യഞ്ജയ മന്ത്രം ഉരുവിടുന്നുണ്ടായിരുന്നു…. ആ സമയത്തെ അന്തരീക്ഷത്തിലും മാറ്റങ്ങൾ സംഭവിച്ചു കൊണ്ടിരുന്നു….. അതേ സമയം തന്നെ അബ്രഹാമിന്റെ മുറിക്കു ചുറ്റും കർപ്പൂരത്തിന്റെയും മറ്റു പൂജാ വസ്തുക്കളുടെയും മണം ഉയർന്നു കൊണ്ടിരുന്നു…. ഈ സമയം തന്നെ ആ അനാഥാലയത്തിന്റെ മുന്നിൽ മെലിഞ്ഞിരിക്കുന്ന ഒരു ചെറുപ്പക്കാരൻ നീണ്ട യാത്ര കഴിഞ്ഞെന്ന പോലെ വന്നു നിന്നു….. തന്റെ ബാഗിൽ ഒന്നു കൂടെ മുറുകെ പിടിച്ചതിനു ശേഷം അയാൾ അബ്രഹാമിന്റെ മുറിയെ ലക്ഷ്യമാക്കി നടന്നു തുടങ്ങി…. ആരുടെയോ സാമീപ്യം എന്നതു പോലെ ഒരു ചെറിയ കാറ്റ് അയാളെ തഴുകി അതിലൂടെ കടന്നു പോയി…..
***** ***** ***** ******** ******* ******* ****
ഇതേ സമയം പൂജയിൽ ആയിരുന്ന ബാലവർ പതിയെ കണ്ണു തുറന്നു…. അയാളുടെ കണ്ണിൽ വിഘാടകനു സംഭവിച്ചത് എന്തെന്ന് പതിയെ തെളിഞ്ഞു വന്നു….. അതോടൊപ്പം തന്നെ അനാഥാലയത്തിൽ വന്നിറങ്ങിയ ആ ചെറുപ്പക്കാരന്റെ മുഖവും….. ഒരു ചെറിയ പുഞ്ചിരിയോടെ കൂടെ അയാൾ പതിയെ മന്ത്രിച്ചു…… ‘യുദ്ധചക്ര ആരംഭം’….
തുടരും…….

പ്രതീക്ഷിച്ചതിലും താമസിച്ചതിനു ആദ്യമേ തന്നെ ക്ഷമ ചോദിക്കുന്നു…. ഈ ഭാഗത്തിലും പേജ് കുറവാണ് എന്നു അറിയാം…. എന്നിരുന്നാലും ഈ ഒരു ഭാഗത്തു കൂടെ നിങ്ങൾ ക്ഷമിക്കണം…. അടുത്ത ഭാഗത്ത് കൂടുതൽ പേജ് ഉൾകൊള്ളിച്ചു കൊണ്ട് മികച്ച ഒരു വായനാനുഭവം നിങ്ങൾക്ക് തരാൻ ഞാൻ പരിശ്രമിക്കാം…. കുറച്ചു ആരോഗ്യ പ്രശ്നങ്ങൾ ഒക്കെ ഉണ്ടായത് ആണ് ഈ ഭാഗം വൈകാൻ ഉള്ള കാരണം… എല്ലാരും ക്ഷമിച്ചു എന്നു കരുതുന്നു….. പിന്നെ എനിക്കും എന്റെ ഈ കഥക്കും എല്ലാവിധ സപ്പോർട്ടും തന്ന എല്ലാവർക്കും നന്ദി നമസ്ക്കാരം…. അപ്പോൾ അടുത്ത ഭാഗത്ത് വീണ്ടും കാണാം…

സ്നേഹത്തോടെ Caption Steev Roggers