Alastor the avenger😈😈😈 2 [Captain Steve Rogers] 153

നിബിഡമായ ഒരു വനമേഖല

തിങ്ങി നിറഞ്ഞിരിക്കുന്ന മരങ്ങളാൽ അവിടെ മുഴുവൻ പകൽ സമയത്തു പോലും വെളിച്ചം കുറവാണ്. ആ വനത്തിന്റെ ഉള്ളിൽ ആയി ഒരു വലിയ ആൽമരം നിലകൊള്ളുന്നുണ്ട്. അതിന്റെ സമീപം ആയി തന്നെ ഒരു വലിയ ഗുഹയും ഉണ്ട്….ആ ഗുഹക്കു തലയോട്ടിയുടെ ആകൃതി ആണ്….അതിന്റെ ചുറ്റും മുരണ്ടു കൊണ്ട് ഒരു ചെന്നായ നടക്കുന്നുണ്ട് എല്ലാ തരം ദുഷ്ട്ട ശക്തികളുടെയും മൂർത്തി ഭാവം ആയ വിഗാഡഘന്റെ ആജ്ഞാവർത്തിയാണ് ആ ചെന്നായ…. ആ ഗുഹയിൽ നിന്നും ചീഞ്ഞളിഞ്ഞ മനുഷ്യ മാംസത്തിന്റെ മനംപുരട്ടുന്ന മണവും കറുത്ത പുകയും ഉയരുന്നുണ്ട്….. അൽപ്പം കഴിഞ്ഞപ്പോൾ തന്നെ ആ പ്രദേശത്തെ കാലാവസ്ഥ ആകെ മാറി. ശക്തമായ കാറ്റും മിന്നലും ഭൂമികുലുക്കവും എല്ലാം ആ സമയം ഉണ്ടായി അതോടൊപ്പം തന്നെ വളരെയേറെ ഭയത്തോടെ അവിടെ ഉണ്ടായിരുന്ന ആ ചെന്നായ സമീപത്തുള്ള ആൽമരത്തെ നോക്കി ഓലിയിടാൻ തുടങ്ങി… അപ്പോഴത്തേക്കും ആ ആൽമരത്തിനു ചുറ്റും കറുത്ത നിറത്തിലുള്ള പുക ഉണ്ടാവാൻ തുടങ്ങി.. അതിന്റെ അകമ്പടി എന്നവണ്ണം ധാരാളം നരിച്ചീറുകൾ ആ ഭാഗത്തേക്ക് പറന്നു വന്നു…. അതോടൊപ്പം തന്നെ ഗുഹക്കുള്ളിൽ നിന്നും വിഗാഡഘൻ പുറത്തേക്ക് ഇറങ്ങി വന്നു. ആ ആൽമരത്തെ വണങ്ങി നിന്നു. അല്ലയോ പ്രഭോ ഹിരണ്യകേസരി , സകല ദുഷ്ട്ടതയുടെയും അധിപനേ ഈ ഉള്ളവന്റെ പൂജകൾ ഫലം കണ്ടിരിക്കുന്നു….. നീണ്ട 1500 വർഷങ്ങൾക്കു ശേഷം അങ്ങയുടെ പുനർജന്മം ഈയുള്ളവൻ സാധ്യമാക്കിയിരിക്കുന്നു…. അപ്പോൾ തന്നെ ആ ആൽമരം നിന്നിരുന്ന സ്ഥലത്ത് ഒരു ഭീമാകാരമായ രാക്ഷസൻ പ്രത്യക്ഷപ്പെട്ടു. അതെ ഹിരണ്യകേസരി…. 1500 വർഷങ്ങൾക്കു ശേഷം അയാൾ വീണ്ടും വന്നിരിക്കുന്നു…….
*****************************************
കളരിക്കൽ ഗ്രൂപ്പ്‌സ് ഓഫ് കമ്പനീസ്

ആദ്യ ദിവസം ആണെങ്കിൽ തന്നെ വളരെയധികം ആത്മാർത്ഥമായി തന്നെ ആണ് അബ്രഹാം ജോലി ചെയ്തിരുന്നത്.. എല്ലാരുടെയും അടുത്തുള്ള അവന്റെ മാന്യമായ പെരുമാറ്റം പെട്ടെന്നു തന്നെ അവനെ എല്ലാരുമായി അടുപ്പിച്ചു. അതോടൊപ്പം തന്നെ അവനോട് മാലിനിക്കു ചെറിയ ഒരു ഇഷ്ടവും മൊട്ടിട്ടിരുന്നു… എന്നിരുന്നാലും അവൻ അതിൽ ഒന്നും ശ്രദ്ധകൊടുക്കാതെ തന്റെ ജോലികളിൽ ആണ് മുഴുകിയിരുന്നത്….. ആ സമയം അവിടെ തന്നെ ജോലി ചെയ്യുന്ന സന്ധ്യ ചേച്ചി അവന്റെ അടുത്തു വന്നു ഇരുന്നു…. സന്ധ്യക്ക്‌ കല്യാണം കഴിഞ്ഞു ഒരുപാട് വർഷങ്ങൾ ആയിട്ടും കുട്ടികൾ ഒന്നും ഇല്ലായിരുന്നു… അതിനാൽ തന്നെ മറ്റുള്ളവരോട് അധികം സമാധാനപരമായി സന്ധ്യ ചേച്ചി പെരുമാറില്ലായിരുന്നു.എന്നാലും ആരും അതിനെതിരെ ദേഷ്യം പ്രകടിപ്പിക്കില്ലായിരുന്നു. കാരണം എല്ലാവർക്കും അവരുടെ കാര്യങ്ങൾ എല്ലാം അറിയാമായിരുന്നു. സന്ധ്യ അവന്റെ അടുത്തു ചോദിച്ചു എന്താടാ ചെറുക്കാ നിന്റെ പേര്? യാതൊരു സങ്കോചവും കൂടാതെ അവൻ മറുപടി പറഞ്ഞു അബ്രഹാം….. “അബ്രഹാം മൈക്കിൾ” അബ്രഹാമിനെ നോക്കി ഒന്നു ഇരുത്തി മൂളിയിട്ടു സന്ധ്യ അവിടെ നിന്നും എഴുന്നേറ്റു പോയി….
**********************************************