Alastor the avenger😈😈😈 2 [Captain Steve Rogers] 153

അതേ സമയം തന്നെ മാധവൻ നമ്പ്യാരുടെ കാതിലും ആരുടെയെല്ലാമോ അലർച്ചയും കുതിരാകുളമ്പടി ശബ്ദവും വാളുകൾ കൂട്ടിമുട്ടുന്ന ശബ്ദവും അതോടൊപ്പം തന്നെ ആരെയും കൂസാതെ എല്ലാരേയും വെട്ടി വീഴ്ത്തുന്ന ഒരു യുവാവിന്റെ ചിത്രവും തെളിഞ്ഞു വന്നു….അതോടൊപ്പം തന്നെ ആ വൃദ്ധൻ പതിയെ മന്ത്രിച്ചു…..
” അസുരൻ”…. (തുടരുന്നു)

കൃത്യം 9:00 മണിയോട് കൂടെ തന്നെ ആ ചെറുപ്പക്കാരൻ കളരിക്കൽ ഗ്രൂപ്പിന്റെ കമ്പനിയുടെ മുന്നിൽ വന്നു നിന്നു….പുറമെ നിന്നും തന്നെ ആ കമ്പനിയുടെ വലിയ ഓഫീസ് അവന്റെ ശ്രദ്ധയിൽ പെട്ടു…. തന്റെ മുഖത്തു പൊതുവെ കാണുന്ന പുഞ്ചിരിയോടെ തന്നെ അവൻ ആ ഓഫീസിന്റെ മുറ്റത്തേക്ക് പ്രവേശിച്ചു. ആദ്യമായിട്ട് ആ ഓഫീസിൽ കാണുന്ന ആളായത് കൊണ്ട് തന്നെ അവിടെ സെക്യൂരിറ്റി ആയി നിന്നിരുന്ന ജോസേട്ടൻ അവനോടു ചോദിച്ചു. ” ആരാ! ഇവിടെ കണ്ടു പരിചയം ഇല്ലല്ലോ?”… ആരെ കാണാൻ ആയി വന്നതാണ്?…. അപ്പോഴും നിറഞ്ഞ പുഞ്ചിരിയോട് കൂടെ തന്നെ ആ ചെറുപ്പക്കാരൻ പറഞ്ഞു ” എന്റെ പേര് അബ്രഹാം… ഇവിടെ ജോലിക്കു ജോയിൻ ചെയ്യാൻ വന്നതാണ്….. ആദ്യത്തെ ദിവസം ആയ കൊണ്ട് ഒരല്പം നേരത്തെ വന്നതാണ് ഞാൻ”….. ഇത്രയും പറഞ്ഞിട്ടു അബ്രഹാം കളരിക്കൽ ഓഫീസിന്റെ അകത്തേക്ക് പ്രവേശിച്ചു….. അവിടെ റിസപ്ഷനിൽ നിന്ന മാലിനി അബ്രഹാമിനെ ശ്രദ്ധിച്ചു… ആരെയും ആകർഷിക്കുന്ന പുഞ്ചിരി…. വെട്ടിയൊതുക്കിയ താടിയും മുടിയും….. വൃത്തിയായി ധരിച്ചിരിക്കുന്ന വസ്ത്രങ്ങൾ അതുപോലെ തന്നെ ഒപ്പം ഇരിക്കുന്ന മറ്റുള്ളവരോട് ഉള്ള മാന്യമായ പെരുമാറ്റവും. ഇതെല്ലാം അബ്രഹാമിനെ വ്യത്യസ്തനാക്കിയിരുന്നു..

കുറച്ചു സമയം കഴിഞ്ഞപ്പോൾ കളരിക്കൽ ഗ്രൂപ്പിന്റെ ചെയർമാൻ ആയ ഭൂമിനാഥൻ നമ്പ്യാർ കമ്പനിയിലേക്ക് വന്നു. ആ സമയം അവിടെ തന്റെ ക്യാബിനിൽ ആയിരുന്ന അബ്രഹാമിനെ ഭൂമിനാഥൻ കാണുകയുണ്ടായി. ഭൂമിനാഥൻ വരുന്നതു കണ്ട ഉടനെ തന്നെ എല്ലാ ജോലിക്കാരും അവിടെ നിന്നും എഴുന്നേറ്റു നിന്നു കൊണ്ട് അദ്ദേഹത്തോടുള്ള ബഹുമാനം കാണിക്കുകയുണ്ടായി. അതു പോലെ തന്നെ ഭൂമിനാഥൻ തന്റെ സഹപ്രവർത്തകരോടും തികച്ചും മര്യാദപൂർവ്വം തന്നെ ആണ് ഇടപെട്ടിരുന്നത്… അതുകൊണ്ടു തന്നെ എല്ലാവർക്കും അദ്ദേഹം ദൈവതുല്യൻ ആയിരുന്നു…… അദ്ദേഹം തന്നെ എല്ലാ ആളുകൾക്കും അബ്രഹാമിനെ പരിചയപ്പെടുത്തി… ” ഇതു mr. അബ്രഹാം നമ്മുടെ കമ്പനിയിൽ പുതുതായി സ്റ്റോക്ക് മാനേജർ ആയി ജോയിൻ ചെയ്തതാണ് അബ്രഹാം. അദ്ദേഹം ഡൽഹി സെയിന്റ് സ്റ്റീഫൻ കോളേജിൽ നിന്നും എംബിഎ പൂർത്തിയാക്കിയതിനു ശേഷം ആണ് നമ്മുടെ കമ്പനിയിൽ ജോയിൻ ചെയ്തിരിക്കുന്നത്…. നമ്മുക്ക് എല്ലാവർക്കും അദേഹത്തെ നമ്മുടെ ഈ കമ്പനിയിലേക്ക് സ്വീകരിക്കാം…. വെൽക്കം മിസ്റ്റർ അബ്രഹാം”….
താങ്ക്യു സാർ … എല്ലാരെയും നോക്കി പുഞ്ചിരിച്ചിട്ടു അബ്രഹാം തന്റെ ക്യാബിനിലേക്ക് പോയി.