അകലെ 2 [Rambo] 1846

ഇതും പറഞ്ഞു ഒരു കൊലച്ചിരിയും ചിരിച്ചു അങ്ങേര് കസേരയിൽ പോയി ഇരുന്നു.കാലമാടൻ….പന്നി?

ഒന്നും നോക്കിയില്ല….സകല കളരിപരമ്പര ദൈവങ്ങളെ മനസ്സിൽ ധ്യാനിച്ചു വണ്ടി അങ് എടുത്തു…പിന്നെ പോക്കും വരവും ചായ ഉണ്ടാക്കലും ഒക്കെ ഒരു മോണോ ആക്റ്റ് പോലെ അങ്ങു ചെയ്ത് തീർത്തു…?
അല്ല പിന്നെ…കളി നമ്മളോട്

“ചായ ഉണ്ടാക്കി ഷീണിച്ചോ നീ….2 പഴംപൊരി കൂടെ പറയട്ടെ”

ദേ…അങ്ങേര് പിന്നേം…..
എന്റെ പരിതപകരമായുള്ള നോട്ടം കണ്ടിട്ടാണെന്നു തോന്നുന്നു….പുള്ളീടെ ഗൗരവം ഒക്കെ മാറി ഒരു ചിരി വന്നിട്ടുണ്ട്..

“നീ ടൗണിലൂടെ ആണോ പോകുന്നത്”

നമ്മുടെ ദൈവദൂദൻ ആണ് ചോദിച്ചത്….ഞാൻ അതേ എന്ന് തലയാട്ടി

“ഹാ…എന്ന വാ…എന്റെ വീട് അവിടെ ആണ്…എന്നെ ഇറക്കിയിട്ട് നിനക്കും പോകാലോ”

അങ്ങനെ ബാഗും ചാവിയും എടുത്ത് അവിടെ നിന്നും ഇറങ്ങി….
പോകുമ്പോ ഇനി വണ്ടിയെടുത്ത് വന്നേക്കരുത് എന്നും പറഞ്ഞു…

ഇനി അങ്ങേര് പറഞ്ഞില്ലേലും വണ്ടിയുമെടുത് ഞാൻ വരൂല ന്ന് മൂപ്പർക്ക് അറിയില്ലല്ലോ??

അങ്ങനെ ദൈവദൂദനേം പുറകിലിരുത്തി ഞാൻ പുറപ്പെട്ടു…
പോകുന്ന വഴിക്ക് ഞങ്ങൾ പരിചയപ്പെട്ടു ട്ടോ…അങ്ങേരുടെ പേര് ശ്രീരാഗ്..

എന്നോട് ചായ ഉണ്ടാക്കാൻ പറഞ്ഞത് അജ്മൽ…പിന്നെ അവിടെ ഉണ്ടായിരുന്ന 2 ആള് ദീപക്കും ആഷിക്കും…

സംഭവം ഇവർ ഞങ്ങളുടെ സൂപ്പർ സീനിയർ ആണ്…അതായത് 4th year
??

അപ്പൊ ഇനിയും 2 പണി കൂടെ കിട്ടാനുണ്ടെന്ന് സാരം??

ശ്രീരാഗ് ഏട്ടൻ നല്ല ഫ്രിൻഡ്‌ലി ആണ് ട്ടോ…വീട്ടിൽ ഒക്കെ കൊണ്ടുപോയി ചായ ഒക്കെ തന്നു…
ശേഷം അവിടുന്ന് ഇറങ്ങി നേരെ വീട്ടിലേക്ക് വെച്ചുപിടിച്ചു.

ഗേറ്റും കടന്ന് ചെല്ലുമ്പോ തന്നെ എന്നെ വരവേറ്റത് അമ്മയുടെ കരഞ്ഞു ഷീണിച്ച
മുഖം ആണ്….എന്തോ അതു കണ്ടപ്പോ തന്നെ എന്റെ എല്ലാം പോയി?..അല്ലെങ്കിലും ‘അമ്മ കരയുന്നത് കണ്ടുനിൽക്കാനൊന്നും ഒരുത്തനേം കൊണ്ടാകില്ലെന്നെ…

കുറെ വഴക്കും കേട്ടു…പോരാത്തതിന് ഇനി വണ്ടിയെടുത്ത് പോകുവേം വേണ്ട എന്ന് കട്ടായം പറഞ്ഞു??

പിറ്റേന്ന് തൊട്ട് ബസ്സിൽ പോണല്ലോ ന്ന് വിചാരിച്ചിട്ട് തന്നെ ഒരു ചടപ്പായിരുന്ന്…പിന്നെ ബാക്കി 2 ടീംസ് ന്റെ കൂടെ പണി വേടിക്കണ്ടല്ലോ ന്ന് വിചാരിച്ചു മനസ്സിനെ പറഞ്ഞങ് നേരെയാക്കി.

അങ്ങനെ അവിടെ ഉണ്ടായത് ഒക്കെ വള്ളിപുള്ളി തെറ്റാതെ അമ്മക്ക് പറഞ്ഞു കൊടുത്ത്, ഞാൻ സ്ഥിരം കലാപരിപാടികളിലേക്ക് തിരിഞ്ഞു..

കളി കഴിഞ്ഞു വന്നപ്പോ തന്നെ ചേട്ടൻ വിളിച്ചു…കുറെ ഉപദേശവും തന്നു..
വഴക്കിന്‌ പോവേണ്ട…വണ്ടി എടുക്കേണ്ട എന്നൊക്കെ?