അകലെ 2 [Rambo] 1846

“ഇവനെ കണ്ടിട്ട് അത്ര വെടിപ്പായിട്ട് തോന്നുന്നില്ല…കണ്ടില്ലേ അവന്റെ ഭാവം…ഒരെണ്ണം പൊട്ടിക്കാനാ തോന്നണെ”“വിട്ടുകളയെടാ ചെറിയ ചെക്കൻ അല്ലെ…പോട്ടെ”
എന്ന് നമ്മടെ ദൈവദൂതൻ….?
എന്തോ മൂപ്പരോട് എനിക്കിപ്പോ ഒരു ബഹുമാനം ഒക്കെ തോന്നി മൂപ്പരോട്

“എന്നിട്ടാണോടാ അവൻ വണ്ടിയും എടുത്ത് വരുന്നേ….”

“അതവൻ അറിയാതെ കൊണ്ടു വന്നതല്ലേ…ഇനിയവൻ കൊണ്ടുവരില്ല…വിട്ടേക്ക് നീ…അല്ലെടാ..ഇനി കൊണ്ടുവരില്ലല്ലോ”

ഞാൻ ഇല്ല എന്ന് തലയാട്ടി

“കണ്ടോ…അവനൊക്കെ മനസ്സിലായിട്ടുണ്ട്”

“ഹാ…ഏതായാലും ഇവിടെ വരെ വന്നതല്ലേ…ചുമ്മാ വിട്ട അവനു ബഹുമാനം കുറഞ്ഞാലോ…എന്താ ഇപ്പൊ ഇവന് കൊടുക്കുക”
പുള്ളി ചിന്തയിലാണ്ടു..

ഇത് കേട്ടപ്പോ തന്നെ ഈ നല്ല ജീവന്റെ ‘ ജീവൻ’ അങ്ങു പോയി?
വല്യ പണി കിട്ടല്ലേ ദേവിയെ എന്ന് മാത്രം മനസ്സിൽ അങ്ങു പ്രാർത്ഥിച്ചു…അന്നേരം വിളിക്കാൻ ഇനി ഏതേലും ദൈവം ബാക്കിയുണ്ടോന്ന് അറിയില്ല….എന്നാലും ആർക്കും പരിഭവം വേണ്ട…നമുക്ക് കാര്യം സാധിച്ച മതിയല്ലോ

കുറച്ചുനേരത്തെ ചിന്തക്കൊടുവിൽ എന്തോ കിട്ടിയെന്നമട്ടിൽ..അങ്ങേര്

“നിനക്കു ചായ ഉണ്ടാക്കാൻ അറിയുമോട”??

“ഉവ്വേട്ട..”

“ഹാ..എന്ന പോയി 4 ചായ ഇട്ടെ”

അതു കേട്ടപ്പോ ഒരിത്തിരി സന്തോഷം ഒക്കെ ആയി ☺️
പാചകം നമ്മടെ കുത്തക ആയിരുന്നല്ലോ..ഇതിൽ ഞാൻ കലക്കും?

ഒന്നും നോക്കിയില്ല…നേരെ അടുക്കള എന്നു തോന്നിയ സ്ഥലത്തേക്കു പോവാൻ തുനിഞ്ഞതും പുറകിൽ നിന്നും ഒരു വിളി

“അല്ല…എങ്ങോട്ടാ തമ്പുരാൻ ചാടി പിടിച്ച്”

“അത് ചേട്ടാ…ചായ ഉണ്ടാക്കാൻ….അടുക്കളയിലേക്ക്”

“അതിനു ചയപ്പൊടിയും പഞ്ചസാരയും പിന്നാര് കൊണ്ടുവരുമെട”

ഹോ കലിപ്പ്?

“അല്ല ചേട്ടാ എന്ന ഞാൻ പോയി മേടിച്ചു വരാം”

“ഹാ…പോയി വാ എന്ന”

ഞാൻ വേഗം വണ്ടിയെടുക്കാൻ പുറത്തേക്കു പോവാൻ നിന്നതും വീണ്ടും കാലമാടന്റെ കൊലവിളി

“അല്ല..ഇപ്പൊ എങ്ങോട്ടാ നീയ്യ്‌”

ഉള്ളിൽ വന്നത് തെറി ആണേലും അത് ഒതുക്കി ഒരു വിധം വിനയത്തോടെ പറഞ്ഞൊപ്പിച്ചു
“അല്ല ഏട്ടാ……വണ്ടിയെടുത്ത് പോയി മേടിച്ചുവരാം”

“ആഹാ…മോൻ വണ്ടി ഉണ്ടെന്ന് അങ്ങു സങ്കൽപ്പിക്കുക….ഓടിക്കുക….മേടിക്കുക….എല്ലാം ഒന്നു സങ്കല്പിച്ചെ പെട്ടെന്ന്….ഏട്ടന്മാർക്ക് പോയിട്ട് ഇച്ചിരി പണിയുണ്ട്”