അകലെ 2 [Rambo] 1846

തട്ടിയിട്ടേക്കുന്നവൾ വന്ന് സോറി ഒക്കെ പറയുന്നുണ്ട്…..എന്റെ ഷർട്ടും മുണ്ടും പോയ പോക്കെ….അതോണ്ട് അവൾ പറഞ്ഞതൊന്നും ഞാൻ ചെവിക്കൊണ്ടില്ല…എന്റെ ആകെയുണ്ടായ ടെൻഷൻ ഇന്ന്
അമ്മച്ചിയെന്നെ ഇട്ട് അലക്കും ?

ഏതായാലും അതികം പീസ് ഇല്ലാർന്നു….ഗ്രേവി ആണ്…അതിപ്പോ ഒരു പൊടിപോലും പുറത്തുകളയാണ്ട് ഞാൻ ഏറ്റെടുത്തിട്ടുണ്ട്..?
വിഗ്ഗു ഇളിച്ചോണ്ട് നിക്കുന്നുണ്ട്…..സുര അവിടെയില്ലതാനും….
അവൾക്കൊരു നന്ദിയും പറഞ്ഞോണ്ട് നേരെ പിന്നിലുള്ള കുളത്തിലേക്ക് നടന്നു…
ഈ പാതിരാത്രി തന്നെ കുളിക്കണല്ലോ…

“”കുളിക്കടാ കുളിക്ക്….””

വേറെ ആരുമല്ല…മനസ്സാക്ഷി തെണ്ടി ആണ്..
എന്തു കഷ്ടമുണ്ടെന്നു നോക്കണേ…ചുമ്മാ പൊരിച്ചതും തട്ടി ഇരുന്നപ്പോഴാ ആ നാറിക്ക് വിളിച്ചോണ്ടുപോവാൻ തോന്നിയെ…..അവനും അവന്റമ്മൂമ്മടെ..

പിന്നെ സുര വന്ന് സോപ്പ് ഒക്കെ തന്നു…ഇരുന്ന് അലക്കി…..ഒന്ന് മുങ്ങി എണീറ്റപ്പോ ഒടുക്കത്ത തണുപ്പും…..ദേവ്യെ.?

ഏതു പരട്ട ആണെന്നുപോലും അറിയില്ല….എവിടുന്നു പൊന്തി വന്നാവോ അവൾ..എന്റെ പരിഭവം കണ്ടിട്ടാണെന്നു തോന്നുന്നു…

“”ഡാ…എന്താടാ ആലോചിക്കുന്നെ””

“എടാ…സുര….ഏതാവളാടാ ലവൾ””

“ആ…എനിക്കെങ്ങനെ അറിയാം…നമ്മടെ ക്ലാസ്സിൽ ഉള്ളതാവും….നിനക്കറിയില്ലേ”

“പുല്ല്…എനിക്കറിയുവായിരുന്നേൽ ചോദിക്കുവോഡ പരട്ടെ…..നീ അസ്സൽ ഉള്ളിയാണല്ലോടാ”

അതുകേട്ട് അവൻ നിന്നു ഇളിക്കുവാണ്…പന്നി

“എടാ…കറ പോയിട്ടില്ലല്ലോ…നീ ഇതിട്..എന്റെ മുണ്ടും ബനിയനും ആണ്…
“

“എടാ…ഇതിപ്പോ എന്ന ചെയ്യും…ആ പണ്ണയെ കൊണ്ട് കഴുകിപ്പിച്ചാലോ….അവളുടെ പണിയല്ലേ ഇത്””
എനിക്ക് നല്ല ദേഷ്യം വരുന്നുണ്ടായിരുന്നു….കറി ആയതിലല്ല…എല്ലാ ആളുകളും കാണുവേം ചെയ്തു….ആകെ നാറി

ഏതായാലും അവളെകൊണ്ട് കഴുകിപ്പിക്കാം എന്ന രീതിയിൽ തന്നെ ഞാൻ അവൻ കൊണ്ടുവന്ന ഡ്രെസ്സും എടുത്തിട്ട് നടന്നു…കൂടെ 2 ഡയലോഗ്‌ കൂടെ കാച്ചണം എന്നുറപ്പിച്ചു മനസ്സിൽ.
പക്ഷെ അവൾ പോയിരുന്നു കേട്ടോ…ഹാ..സമയം 9 ആയിട്ടുണ്ട്..

എനിക്കെന്തോ ഉള്ളിൽ നല്ല ദേഷ്യം ഒക്കെ തോന്നുന്നുണ്ട്….ആരാ ന്ന് ശെരിക്കും നോക്കിയുമില്ല..കോപ്പ്

പിന്നെ അവിടെ നിന്നില്ല…നേരെ വീട്ടിലേക്ക് വിട്ടു….പോകുമ്പോ ഇച്ചിരി വീട്ടിലേക്കും എടുത്തു…അവിടുന്ന് ഒന്നും കഴിക്കാൻ കഴിഞ്ഞില്ലല്ലോ..?

വീട്ടിൽ കേറിയപാടെ ഓരോ ചോദ്യവും കൊണ്ട് മാതാജി മുന്നിൽ തന്നെ ഉണ്ട്…
പിന്നെ ഒക്കെ പറഞ്ഞു കൊടുത്തു…

കക്ഷി ഇപ്പഴും ചിരി തന്നെ ആണ്….
അതുകണ്ടപ്പഴേ എനിക്കങ് കേറി…..പിന്നൊന്നും നോക്കിയില്ല നേരെ പോയി ഫുഡ് എടുത്തിട്ട് അടിച്ചു…കലി മുഴുവൻ അവിടെ തീർത്തു ഞാൻ.?

അങ്കവും കഴിഞ്ഞു നേരെ പോയി കിടന്നു…വാട്സാപ്പ് എടുത്തപ്പോ ഒരു ലോഡ് മെസ്സേജ് ഉണ്ട്….അതവിടെയിട്ട് ഉറങ്ങി