” ബുദ്ധിമുട്ടാൻ തയ്യാറാണെങ്കിൽ എന്റെ കൂടെ പോരുക, വിശാഖപട്ടണത്ത് ഒരുപാട് ചാൻസുകൾ ഉണ്ട്. ഇടക്ക് വച്ച് ഇട്ടിട്ടു പോരരുത്, ബുദ്ധിമുട്ടിയാൽ വിജയം നിന്റെ കൂടെയാണ് ”
പിന്നീടുള്ള രണ്ട് ദിവസങ്ങൾ, വേണ്ട സഹായങ്ങൾ ചെയ്തു അവരോടൊപ്പം കൂടി. അഞ്ചും എട്ടും വയസ്സുള്ള രണ്ടു കുട്ടികൾ അവർക്കുണ്ട്.മൂത്ത കുട്ടിയുടെ ശരീരത്തിൽ പൂണൂൽ ഉണ്ട്, ഇളയത് പെൺകുട്ടിയാണ്. കുട്ടിയുടെ അമ്മയെപ്പോലെ തന്നെ സുന്ദരിയായ ഓമനത്തമുള്ള മുഖം. അവർ പെട്ടെന്ന് എന്നോട് ഇണങ്ങി, എന്നെ അങ്കിൾ എന്നാണ് അവർ വിളിപ്പിച്ചത്. അമ്മയ്ക്കും ചേച്ചിക്കും എന്നെ വലിയ കാര്യമായി. മൂന്നാം ദിവസം മടങ്ങി പോയപ്പോൾ അവരോടൊപ്പം ഞാനും വിശാഖപട്ടണത്തേക്ക് പുറപ്പെട്ടു. അവരുടെ വീട്, അഗ്രഹാരം പോലുള്ള രണ്ടു നിലകളുള്ള ഓട് മേഞ്ഞതാണ്.ഒരു കുടുംബാംഗത്തെ പോലെ തന്നെ അവർ എന്നെ കൂടെ താമസിപ്പിച്ചു. ചേട്ടന് രണ്ട് അനിയന്മാരും ഒരു അനിയത്തിയും ഉണ്ട്. ഒരു അനിയൻ കല്യാണം കഴിച്ച് മാറി താമസിക്കുന്നു. ഇളയ ആൾ വിദേശത്താണ് കല്യാണം കഴിഞ്ഞിട്ടില്ല. ഏറ്റവും ഇളയതാണ് പെൺകുട്ടി എൻജിനീയറിങ് മദ്രാസിൽ ഹോസ്റ്റലിൽ നിന്ന് പഠിക്കുന്നു. സെക്കൻഡ് സെമസ്റ്റർ തുടങ്ങിയിട്ടേയുള്ളൂ ലീവ് കിട്ടാത്തതുകൊണ്ടാണ് ഗുരുവായൂർ വരാതിരുന്നത്. ഇവരുടെ പേരുകൾ വിഘ്നേഷ്, മൂർത്തി, ലക്ഷ്മി പാർവതി, എന്നിങ്ങനെയാണ്. ചേട്ടന്റെ പേര് നേരത്തെ പറഞ്ഞല്ലോ വെങ്കിടേഷ്. സ്വർണ്ണപ്രഭ മോളുടെ പേര് കൃഷ്ണവേണി മകന്റെ പേര് വിശ്വനാരായണൻ. ഇവരെയൊക്കെ പരിചയപ്പെടുത്തിയത് ഇനി, ഇടപഴകാൻ പോകുന്നത് ഇവരുമായിട്ടാണല്ലോ. ഒരാഴ്ച കഴിഞ്ഞപ്പോൾ അദ്ദേഹം, sail ( ഷിപ്പിൽ കടലിലേക്ക് പോയി)ആയി. പോകുന്നതിനുമുമ്പ് ചേച്ചിയെ വിളിച്ച്
” ശ്രീകുമാറിന്റെ എല്ലാ കാര്യങ്ങളും ശ്രദ്ധിച്ചു കൊള്ളണം, എന്തെങ്കിലും വാങ്ങണം എന്നുണ്ടെങ്കിൽ നമ്മുടെ വണ്ടിക്കാരനെ വിളിച്ചു, ഇവനെ പരിചയപ്പെടുത്തി കൊടുത്താൽ മതി. സാവധാനം എല്ലാം ശരിയാകും ”
എന്നോട്
” ഞാൻ നിന്റെ ജോലിയുടെ കാര്യം നോക്കട്ടെ. അറിയാവുന്നവരോടൊക്കെ പറയാം ”
അദ്ദേഹം പോയതിന്റെ കുറവ്ഒരിക്കലും അവർ എന്നെ അറിയിച്ചില്ല.ഒരു അനിയനെ പോലെയാണ് ചേച്ചി എന്നോട് പെരുമാറിയത്, അമ്മയാണെങ്കിലും ഒരു മോനോട് എന്നപോലെ. ഞാൻ അവരുടെ ഭാഷ പഠിക്കാൻ ശ്രമിച്ചുകൊണ്ടിരുന്നു. ചേച്ചിക്ക് നല്ലതുപോലെ ഇംഗ്ലീഷ് സംസാരിക്കാനറിയാം അതുകൊണ്ട് അവരുടെ ഭാഷഎനിക്ക് മനസ്സിലാക്കി തരുന്നതിന് ചേച്ചി വളരെയധികം സഹായിച്ചു. കുറച്ചുനാളുകൾ കൊണ്ടുതന്നെ തെലുങ്ക് മനസ്സിലായിത്തുടങ്ങി. ഇടയ്ക്കിടക്ക് നാട്ടിലെ കാര്യങ്ങൾ എന്റെ മനസ്സിലേക്ക് കയറിവരും. ഞാൻ മാധുരിയെ എന്നുമുതലാണ് ശ്രദ്ധിച്ചു തുടങ്ങിയതെന്ന് ഓർക്കുകയായിരുന്നു. അമ്മാവന്റെ വീട് ഒരു ഏക്കർ സ്ഥലത്താണ് ഇരിക്കുന്നത്. വീടിന്റെ കിഴക്കുവശം ഏകദേശം നാൽപ്പത് സെന്റ് സ്ഥലത്തോളം വളരെ ഫ്രീയായി കിടക്കുന്നു. അവിടെവിടെ കമ്മ്യൂണിസ്റ്റ് പച്ചകൾ നിൽക്കുന്നതല്ലാതെ ചെറിയ പുല്ലുകൾ മാത്രമേ ആ സ്ഥലത്തുള്ളു. അമ്മാവന്റെ സ്ഥലത്തിന്റെ കിഴക്കേ അതിരിലാണ് മാധുരിയുടെ വീട്. ഡിഗ്രി ഫസ്റ്റ് ഇയർ പരീക്ഷ കഴിഞ്ഞിരിക്കുന്ന സമയം, ദിവസവും രാവിലെ എഴുന്നേറ്റ് കോലായിൽ (അരമതിലുള്ള വരാന്ത) കസേരയിൽ കുറച്ചുനേരം ഇരിക്കാറുണ്ട്. ഇന്ന് അങ്ങനെ ഇരിക്കുമ്പോഴാണ് അവൾ മുറ്റം അടിക്കുന്നത് ശ്രദ്ധയിൽപെട്ടത്. അവളാണെങ്കിൽ എസ്എസ്എൽസി പരീക്ഷയൊക്കെ കഴിഞ്ഞു നിൽക്കുന്ന സമയം. അവളുടെ മുറ്റമടിയിൽ കൗതുകം തോന്നി ഞാൻ നോക്കി ഇരുന്നു,അമ്മാവന്റെ പറമ്പിലേക്ക് ചവറ് അടിച്ചു കൂട്ടി നിവർന്നപ്പോഴാണ് എന്റെ നോട്ടം അവളുടെ ശ്രദ്ധയിൽപ്പെട്ടത്, നോട്ടം ഇഷ്ടപ്പെടാതെ ദേഷ്യത്തോടെ കയ്യിലിരുന്ന ചൂല് അടുത്തുള്ള തെങ്ങിൽ അടിച്ചു വേഗത്തിൽ വീടിനകത്തേക്ക് പോയി. അമ്പലപ്പറമ്പ് വഴി പോയപ്പോൾ അവളുടെ വീട്ടിലേക്ക് ശ്രദ്ധിച്ചുവെങ്കിലും പുറത്തെങ്ങും കണ്ടില്ല. അന്നു മുഴുവൻ ലൈബ്രറിയിലും വായനശാലയിലും കഴിച്ചുകൂട്ടി, വൈകിട്ട് തിരിച്ചുവന്നപ്പോഴും അവളുടെ വീട്ടിലേക്ക് നോക്കിയെങ്കിലും അവളെ കണ്ടില്ല. എന്റെ അമ്മായിക്ക് ഞാനിവിടെ നിൽക്കുന്നത് ഒട്ടും ഇഷ്ടമല്ല അതുകൊണ്ട് കറുത്തമുഖവും വെളുത്ത ചോറുമാണ് ഞാൻ കഴിക്കുന്നത്. എനിക്ക് രണ്ട് അമ്മാവന്മാർ ഉണ്ടെങ്കിലും, ഇളയാളും ഫാമിലിയും വിദേശത്താണ്. ഭക്ഷണം കഴിച്ച് രാത്രി എന്റെ മുറിയിൽ കയറി കിടന്നു. നേരം വെളുത്തു രാവിലെതന്നെ എഴുന്നേറ്റ് ഇന്നലെ ഇരുന്നതുപോലെ കസേരയിൽ പോയി ഇരുന്നു.പതിവുപോലെ അവൾ മുറ്റമടി തുടങ്ങി, പകുതി അടിച്ചുകഴിഞ്ഞപ്പോൾപതിയെ നിവർന്ന് അവൾ ഇങ്ങോട്ട് നോക്കി. ഞാൻ ഇരിക്കുന്നത് കണ്ട് ദേഷ്യപ്പെട്ട്മുഖം വെട്ടിച്ച്, മുറ്റം അടി വേഗത്തിലാക്കി പതിവിലും നേരത്തെ നിർത്തി, ദേഷ്യത്തോടെ ചൂല് തെങ്ങിൽ അടിച്ചു, അതിവേഗത്തിൽ പോകുന്ന പോക്കിന് എന്നെ നോക്കി എന്തോ പിറുപിറുത്തുകൊണ്ടാണ് അകത്തേക്ക് പോയത്. അവളുടെ ആ പോക്ക് കാണാൻ ഒരു പ്രത്യേക ഭംഗിയാണ്, ഞാനെന്തേ അവളെ നേരത്തെ ശ്രദ്ധിക്കാതിരുന്നത്. ഫുൾ പാവാടയും ബ്ലൗസും ഇട്ടുള്ള അവളുടെ നടത്തത്തിന് തന്നെ ഒരു പ്രത്യേക ചന്തമാണ്. മെടഞ്ഞിട്ട മുടിയിൽ ഉറക്കം എഴുന്നേറ്റു വരുമ്പോൾ, പിണങ്ങി നിൽക്കുന്ന കുറുനിരകളും കാണാൻ എന്തോ ഒരു ആകർഷണീയത. ഇതൊക്കെ തന്നെയാണ് അവളുടെ സൗന്ദര്യം പക്ഷേ,ആൾക്ക് മുൻകോപമുണ്ട്. പിന്നീട് അങ്ങോട്ടുള്ള ദിവസങ്ങൾ അവളുടെ നോക്കുന്ന ആവർത്തി കൂടി. ഒരു ദിവസം അവൾക്ക് ദർശനം കൊടുക്കാതെ മാറിനിന്ന് അവളെ നോക്കി. അന്ന് അവൾക്ക്, എന്നെ കാണാത്തതിലുള്ള ആകാംക്ഷയായിരുന്നു. അന്ന് പതിവിലും കൂടുതൽ തവണ ഇങ്ങോട്ട് നോക്കുന്നുണ്ടായിരുന്നുഎന്നെ, കാണാത്തതിനുള്ള ദേഷ്യം അന്ന് അവൾ ചൂലിൽ തീർത്തു. ചൂല് കൊണ്ട് തെങ്ങിൽ ശക്തിയിൽ പതിവിലും കൂടുതൽ അടിച്ചു, ഈ ശബ്ദം കേട്ട് അവളുടെ അമ്മ വിളിച്ചു ചോദിക്കുന്നുണ്ടായിരുന്നു
Dear Dasan,
You have written this story one part of this with another name but discontinued thereafter. Even though the story gives a good read, there are some stiffness on the narration describing Sreekumar’s thoughts of his past.
In any case, it is a good attempt, but please continue it without breaking it.
Best Regards
Gopal.
Dasetta
Bro bakki enna
Kollam, lag onnumillathe otta iruppinu vayichu. Liked it. Please continue ❤️
Hi dasetta
Already read this one till here many days back
When will you gave balance
It’s a interesting and simple story
Love to see this back
Bakik waiting good story❤
ദാസേട്ടാ തിരിച്ചുവന്നതിലൊരുപാട് സന്തോഷം,ഈ സൈറ്റിൽ ഞാൻ തിരയുന്ന ചുരുക്കം ചിലയെഴുത്തുകാരിൽ ഒരാളാണു താങ്കൾ എന്തോ നിങ്ങളുടെ കഥ വായിക്കാനിഷ്ടമാണ് ഒരുപാടു വലിച്ചുനീട്ടിയെഴുതാറില്ല
Super?
തിരിച്ചുവന്നതിൽ സന്തോഷം
ദാസേട്ടാ തിരിച്ചുവന്നതിലൊരുപാട് സന്തോഷം
♥️♥️♥️♥️♥️
ദാസേട്ടായെവിടെയായിരുന്നു
Dasetta thirichu vannathil santhosham ..athum Nalla oru story …..keep continue…..
Nice start continue bro ❤️?
കഴിഞ്ഞ കഥയുടെ ബാക്കി ഭാഗങ്ങൾ വന്നില്ലല്ലോ. നല്ല തുടക്കം ആയിരുന്നു. വെയ്റ്റിംഗ്…..