അച്ഛൻ

Achan | Author : Adithyan

“”അവൻ ഇതെവിടെ പോയികിടക്കുവാ.. വിളിച്ചാൽ ഫോൺ എടുത്താൽ എന്താ അവന്..അല്ലെങ്കിൽ ഇരുപത്തിനാലുമണിക്കൂറും ഫോണിൽ നോക്കിയിരിക്കുന്നവനാണ്””

വീടിന് ഉമ്മറത്തെ ചാരുകസേരയിൽ ഇരുന്ന് അയാൾ സ്വയം പിറുപിറുത്‌കൊണ്ടിരുന്നു അയാൾ സംസാരിക്കുന്നത് കേട്ടുകൊണ്ട് അയാളുടെ ഭാര്യ ഉമ്മറ വാതിലിൽ  ചാരിനിൽക്കുന്നുണ്ടായിരുന്നു

“”ഹ അവനിങ്ങു വരുവേന്നെ””

അയാളുടെ ഭാര്യ അദ്ദേഹത്തിന്റെ സംസാരം ശ്രെധിച്ചുകൊണ്ട് പറഞ്ഞു

, “”എന്നുവെച്ചാൽ.. സമയം എത്രയായി അവൻ ഇങ്ങെത്തേണ്ട നേരം കഴിഞ്ഞു.. കൂട്ടുകാരന്റെ കല്യാണത്തിന് പോവുവാന്ന് പറഞ്ഞു ഇവുടുന്നു  ഇറങ്ങിട്ടിന്ന് ദിവസം രണ്ട് ആയി..വരുന്നില്ലെങ്കിൽ അത് വിളിച്ചു പറഞ്ഞാൽ എന്താ “”

“”ഇന്ന് തിരികെ വരും എന്നവൻ ഇന്നലെ പറഞ്ഞതല്ലേ “”

ആ സ്ത്രീ അയാളോട് പറഞ്ഞു

“”എന്നിട്ടെവിടെ നേരം രാത്രി ഒമ്പത് ആയി “”

ഈ സമയം  വീട്ടുമുറ്റത്തേക്ക് ഒരു ടുവീലർ വന്നുനിന്നു ഒരു യുവാവ് അതിനിന്നിറങ്ങി വീട്ടിലേക്ക് കയറി ആയാളുടെ മകൻ ആയിരുന്നു അത് അവൻ വന്നിറങ്ങുന്നതും നോക്കികൊണ്ട് അയാൾ ചാരുകസേരയിൽ നിന്ന് എഴുന്നേറ്റു

“”നീ ഇതെവിടെ ആയിരുന്നു.. രാവിലെ ഇറങ്ങും എന്ന് പറഞ്ഞ നീ ഇപ്പോൾ ആണ് കേറിവരുന്നത്?? ഈ നേരം വരെ നീ എവിടെ ആയിരുന്നു ”

അയാൾ അല്പം ദേഷ്യത്തോടെ തന്നെ ചോദിച്ചു

“”ഞാൻ അവിടെന്ന് ഇറങ്ങാൻ വൈകി “”

അവൻ അതിന് താല്പര്യമില്ലാത്ത മട്ടിൽ പറഞ്ഞു ആകെത്തേക്ക് പോകാൻ ഒരുങ്ങി