✨️❤️ശാലിനിസിദ്ധാർത്ഥം 5❤️✨️   Author : [ ??????? ???????? ]

 [previous Part ]

 

 

❤️✨️ ശാലിനിസിദ്ധാർത്ഥം ❤️✨️

 

 

അവർ മൂന്നു പേരും അന്തംവിട്ട് ഭാമയുടെ ആ പോക്ക് നോക്കി നിന്നു.

 

“അച്ഛാ, അമ്മയെന്താ ഇങ്ങനെ…??? എന്ത് പറ്റി അമ്മയ്ക്ക്..!”

സിതാര സംശയത്തോടെ അവളുടെ അച്ഛനോട് ചോദിച്ചു.

 

“ആ അറിയില്ലടി മോളേ… മിക്കവാറും ‘മിത്രയോ, ജിത്തുവോ അടിയും മേടിച്ച് പണിയും കിട്ടി ഇങ്ങോട്ട് വരുമോ’ എന്ന ടെൻഷൻ കാരണമായിരിക്കും നിങ്ങളുടെ അമ്മ അങ്ങനെ പറഞ്ഞത്. അതൊന്നും സാരമാക്കണ്ട കേട്ടോ…”

 

“ഹ്മ്മ് ശെരി ശെരി…” സിതാര തലയാട്ടി.

 

“അല്ലച്ഛാ… എനിക്കൊരു സംശയം…???. ഇനി മിത്രേടത്തി വല്ല തല്ലിലെങ്ങാനും പെട്ടോ ??? സിദ്ധാർഥിന് സംശയം.

 

” ഡേയ് പിള്ളേരേ, വേഗം ഭക്ഷണം കഴിച്ചിട്ട് പാത്രം തരിൻ… എനിക്ക് ഒരുകൂട്ടം പണിയുള്ളതാ…

 

അടുക്കളയിൽ നിന്ന് ഒരു ഗർജനമവർ കേട്ടു.

 

” ശേ… ഇനി ഈ പരിപാടിയൊന്നും നടക്കില്ല കുട്ടികളേ.. നമ്മൾക്ക് വേഗം ബ്രേക്ഫാസ്റ് കഴിച്ചിട്ട് ഓരോന്നിനുമുള്ള ഒരുക്കങ്ങൾ നടത്താം.

 

പിന്നെ, മോൻ ഒരു കാര്യം ചെയ്യ്, ചേച്ചി വരുമ്പോൾ നീ തന്നെ നേരിട്ട് ചോദിക്ക് കേട്ടോ.” റാം അത്രയും പറഞ്ഞിട്ട് ബാക്കിയുണ്ടായിരുന്ന ഭക്ഷണം കഴിക്കാനാരംഭിച്ചു.

 

“എന്നാ ശെരിയച്ഛാ, ഞാൻ തന്നെ ചേച്ചിയോട് നേരിട്ട് ചോദിക്കാം… ” സിദ്ധാർഥ് ആ നേരം, ചിലതൊക്കെ മനസ്സിൽ കണക്കുകൂട്ടുകയായിരുന്നു….

 

***************************************************

 

“എടാ, കാറ് നീ തന്നെ ഡ്രൈവ് ചെയ്യുന്നതെന്തിനാ ??? അതും പതിയെ … ഓട്ടോപൈലറ്റ് മോഡിൽ ഓടിച്ചാൽ പോരേ…”

 

അന്നത്തെ ദൗത്യമെല്ലാം കഴിഞ്ഞ്, തിരികെ സഹസ്രമംഗലത്തെക്കുള്ള യാത്രക്കിടയിൽ കാറ് ഡ്രൈവ് ചെയ്തിരുന്നത് ജിത്തുവായിരുന്നു. കോ ഡ്രൈവർ സീറ്റിൽ മിത്രയുമുണ്ട്.

 

ഇത്രയും അടിയും ഇടിയും നടത്തി തളർന്നിട്ടും തന്റെ നേർപാതിയുടെ, ആ, കൂസലില്ലാത്ത ഡ്രൈവിംഗ് കണ്ടിട്ടാണ് അവളെങ്ങനെ ചോദിച്ചത്…

 

“ഹേയ് അതൊന്നും പറ്റില്ല…. ഇത് ക്രൂയ്‌സ് ഡ്രൈവ് ചെയ്യുന്നതിന്റെ സുഖം, അത് ഓടിക്കുമ്പോഴേ നിനക്ക് മനസ്സിലാകൂ… ഇവളെ ശെരിക്കും നിനക്കറിയാഞ്ഞിട്ടാ.

 

ഇവെളുണ്ടല്ലോ, ഇവൾ വെറും കാർ അല്ലെന്നു നിനക്ക് അറിയാമല്ലോ.

നമ്മുടെ ഓർഗാണൈസേഷൻ, നമ്മളെ പോലെയുള്ള ഏജന്റുകൾക്ക് വേണ്ടി സ്പെഷ്യലായി നിർമിച്ച കാറാണിത്…

 

ഇവളുടെ ഒറിജിനൽ പതിപ്പായ…”