?കഥയിലൂടെ ? (Trailer)

Author :കഥാനായകൻ

 

https://imgur.com/a/4TqjN6p

 

കൊടുങ്ങല്ലൂർ ബൈപാസിലുടെ സ്പീഡിൽ പോകുന്ന ബൈക് പതിയെ കോട്ടപ്പുറം കോട്ടയിലേക്ക് നീങ്ങി. അതിൽ നിന്നും ഇറങ്ങിയ ഒരു യുവാവ് അവിടെ കാത്തു നിന്ന ഒരു യുവാവിൻ്റെ അടുത്തേക്ക് വേഗം നടന്നു ചെന്നു.

 

അവർ രണ്ടു പേരുടെ മുഖത്തും നല്ല ഗൗരവം നിറഞ്ഞിരുന്നു.

 

കുറച്ചു നേരത്തെ നിശബ്ദതക്കു ശേഷം ബൈകിൽ വന്ന യുവാവിനോട് കാത്തു നിന്ന യുവാവ് ചോദിച്ചു

 

“ടാ എന്താ നിൻ്റെ പ്രശ്നം. അവള് പറഞ്ഞല്ലോ കുറച്ചു നാൾ ആയി മൂഡ് ഓഫ് ആണ് എന്നും. അവളോട് ഒന്നും മിണ്ടാറില്ല എന്നും”

 

എന്നാല് ആ യുവാവ് മറുപടി ഒന്നും പറയാതെ മറ്റെ യുവാവിനെ ദയനീയമായി നോക്കി. എന്നിട്ട് പറഞ്ഞു തുടങ്ങി

 

“ഹരി നിനക്ക് അറിയില്ലേ എൻ്റെ പ്രശ്നം എന്താണ് എന്ന്”

 

പിന്നെയും കുറച്ചു നേരത്തെ നിശബ്ദതക്കു ശേഷം തുടർന്നു.

 

“ടാ ഹരി ആരായാലും അവനോ അവളോ എന്നൊന്നും അറിയണ്ട പക്ഷേ എനിക്ക് കാണണം. നി എന്ത് ചെയ്തിട്ട് ആണേലും വേണ്ടില്ല പക്ഷേ എനിക്ക് കാണണം”

 

ഹരി :- “ടാ നിൻ്റെ തലക്ക് വല്ല ഓളം ഉണ്ടോ. ഏതോ ഒരെണ്ണം അതിൻ്റെ ശരിക്കും ഉള്ള പേര് അറിയില്ല വീട് അറിയില്ല എന്തിന് ആണ് ആണോ പെണ്ണ് ആണോ എന്ന് പോലും അറിയില്ല.”

 

“നിനക്ക് എൻ്റെ ഇപ്പോഴത്തെ അവസ്ഥ പറഞ്ഞാൽ മനസിലാകില്ല”

 

ഹരി :- “നിൻ്റെ ഇപ്പോഴത്തെ അവസ്ഥ എനിക്ക് മനസ്സിലാകും. പക്ഷേ നി ഇങ്ങനത്തെ കാര്യങ്ങൾക്ക് ഒക്കെ എന്തിനാ ഇങ്ങനെ പ്രാധാന്യം കൊടുക്കുന്നത് എന്നാണ് എനിക്ക് അറിയാത്തത്. അത് വെറും ഒരു കഥ അല്ലേ ആരോ വെറുതെ എഴുതി കൊണ്ട് ഇരിക്കുന്ന കഥ”.

 

“അതെ നി പറഞ്ഞ പോലെ ഒരു കഥ ആണ് അത്. ആരോ എവിടെ നിന്നോ ഇരുന്നു എഴുതുന്ന ഒരു കഥ പക്ഷേ അത് എൻ്റെ ജീവിതം ആണ്. എൻ്റെ ജീവിതത്തിൽ നടന്നതും നടന്നുകൊണ്ടിരിക്കുന്നതും ഇനി നടക്കാൻ പോകുന്നത് പോലും എഴുതി കൊണ്ടിരിക്കുന്ന കഥ”.

 

അതെ ഇത് അവൻ്റെ കഥ ആണ് സ്വന്തം ജീവിതം മറ്റൊരാൾ ഒരു

“കഥയിലൂടെ”

പറഞ്ഞു പോകുന്നവൻ്റെ കഥ.