ഓൺലൈൻ [നൗഫു] 3868

ഒരു ഓൺലൈൻ ബിസിനസ്

 

ഇന്നിന്റെ ജീവിതം.. 5g ആയത് കൊണ്ടാവാം…

 

ജീവിതത്തിൽ ആർക്കും ആരോടും ഒരു കമ്മിറ്റ്‌മെന്റും ഇല്ലെന്ന് ചില കാര്യങ്ങൾ കാണുമ്പോൾ തോന്നുന്നു…

 

പല വിധ പ്രശ്നങ്ങളോട് മല്ലടിച്ചു നാം ഓരോരുത്തരും മുന്നോട്ട് പോകുമ്പോഴാണ് ജീവിതത്തിൽ പെട്ടന്ന് പണം നേടാൻ എന്നും പറഞ്ഞു ഓരോ വഴികൾ നമ്മുടെ മുന്നിലേക്ക് ഓരോരുത്തർ വെട്ടി തെളിച്ചു കൊണ്ട് വരുന്നത്..

 

പണമല്ലേ.. ഭൂമിയിൽ മനുഷ്യ ജീവൻ ഉണ്ടായത് മുതൽ അതിന് പുറകെ തന്നെയാണ് 99% ജനങ്ങളും…

 

രണ്ടു ദിവസം മുന്നേ കേട്ട ഒരു കഥയാണ് ഈ കുഞ്ഞു കുറിപ്പിന്റെ ആധാരം…

 

ഭാര്യയെ ജീവനെപ്പോലെ സ്നേഹിക്കുന്ന ഒരു സാധാരണക്കാരനായ പ്രവാസി.. കുഞ്ഞുകുഞ്ഞു പ്രാരാബ്ധങ്ങളും അതിനെല്ലാം ഇടയിലും തന്റെ പ്രിയപ്പെട്ടവരുടെ സന്തോഷം കാണുമ്പോൾ ഉള്ളു തുറന്നു ചിരിക്കുന്ന ഒരു സാധാമനുഷ്യൻ…

 

ഒരു ദിവസം അവന്റെ ഭാര്യക്കൊരു ആഗ്രഹം.. തന്റെ കൂട്ടുകാരികളിൽ കുറച്ചു പേര് ചെയ്യുന്ന പുതിയ ഓൺലൈൻ പർച്ചേസിന്റെ ബിസിനസിൽ ചേരണമെന്ന്… മാസം അവർക്ക് കിട്ടുന്ന വരുമാനവും മറ്റും വാട്ട്സാപ്പ് സ്റ്റാറ്റസായും മെസ്സേജായും അവൾ ഇടക്കിടെ അവനെ അറിയിച്ചു കൊണ്ടിരുന്നു…

 

ആദ്യമെല്ലാം കുറച്ചു നിരുത്സാഹപ്പെടുത്തുവാൻ നോക്കിയെങ്കിലും അവളുടെ ആഗ്രഹവും അവൾക്കൊരു വരുമാനവും ആകുമല്ലോ എന്നോർത്തു കൊണ്ട് സമ്മതവും അതിൽ ചേരുവാനുള്ള പണവും അവൻ അയച്ചു കൊടുത്തു..

 

തന്റെ പ്രവാസ ലോകത്തെ ബിസിനസിന്റെ ഇടയിൽ അവളെ ഇടക്കിടെ വിളിച്ചു സംസാരിക്കാറുണ്ടേലും ഈ ബിസിനസ് തുടങ്ങിയതിനു ശേഷം അവളുടെ ഫോൺ ഇടക്കിടെ ബിസിയും അവന്റെ ഫോൺ എടുക്കാതെയും ആയി..

 

ഫുൾടൈം ഓൺലൈനിൽ വന്നാൽ പോലും അവനായി ഒരു മെസ്സേജ് പോലും വന്നില്ല.. പല സമയത്തും അവൻ അങ്ങോട്ട്‌ മെസ്സേജ് അയക്കാറുണ്ടേലും അതിന് പോലും റിപ്ലൈ വരുന്നത് മണിക്കൂറുകൾ കഴിഞ്ഞായിരിക്കും..

 

അതിനിടയിൽ വീട്ടിൽ നിന്നും അവൾ കുഞ്ഞിനെ നോക്കുന്നില്ല എന്നുള്ള പരാതിയും  ആരോടും ഒന്നും പറയാതെ ഇടക്കിടെ വീട്ടിൽ നിന്നും പോകുന്നുണ്ട് എന്നുള്ള പരാതി വേറെയും..

 

ഈ പാവം അവളോട്‌ ഓരോന്ന് ചോദിക്കുമ്പോഴും ബിസിനസിന്റെ കാര്യങ്ങൾക്കാണെന്നുള്ള മറുപടിയിൽ എല്ലാം കഴിയും…

 

ഒന്നോ രണ്ടോ മാസത്തെ പ്രവർത്തനം കൊണ്ട് അവളിലേക്കു കുറച്ചു പണം എത്തുവാൻ തുടങ്ങിയപ്പോൾ അവനും സന്തോഷമായി.. അതിനാൽ തന്നെ അവളുടെ ചാറ്റിങ്ങും കാളിംഗും പരിധി വിട്ട് അത് അര്‍ധരാത്രി വരെ നീളുന്നതു അവൻ അറിയുമ്പോൾ ഒരുപാട് സമയം വൈകിയിരുന്നു..