ജിന്നും മാലാഖയും 4 ❤ [ നൗഫു ] 4235

“ജീവിതത്തിൽ എപ്പോഴും ഉള്ളു തുറന്നു തന്നെ സ്നേഹിക്കണം, അത് ചിലപ്പോൾ ഉമ്മയോട് ആയിരിക്കും ഉപ്പയോട് ആയിരിക്കും, സഹോദരി സഹോദരന്മാരോടൊ, ഭാര്യയോടോ മക്കളോടോ നിന്റെ ചുറ്റിലും ഉള്ളവരോടോ ആരോട് ആയാലും സ്നേഹം പ്രകടിപ്പിക്കാൻ മടിക്കരുത്… ”

 

“അത് കരുതി അയൽക്കാരന്റെ വീട്ടിൽ പോയി സ്നേഹിക്കാൻ നിൽക്കരുത്…”

 

“ഏയ്‌, നിങ്ങൾ എന്തൊക്കെയാ ഈ പറയുന്നത്, നിങ്ങൾ ജിന്ന് തന്നെ അല്ലെ…”

 

“ജാസി, നീ അറിയുന്ന ഈ ലോകം രാത്രിയിൽ പോലും കാണുന്നവൻ ആണ് ഞാൻ… കൂടെ കിടക്കുന്നവരെ പോലും ചതിച്ചു നടക്കുന്ന മനുഷ്യൻ മാരുടെ ലോകം ആണിത്.. അത് അവസാന നാളിന്റെ അടയാളവും ആണ്…”

 

“നിനക്ക് നിന്നെ സ്നേഹിക്കുന്നവർ നിന്റെ മുന്നിലേക്ക് ഇനിയും വരും, നിന്നെ തേടി വരുന്നവർ…”

 

പക്ഷെ എന്റെ റിവാ… അവളെ അല്ലാതെ ഞാൻ ഇത് വരെ ഒരു പെണ്ണിനെ ആലോചിച്ചിട്ട് പോലും ഇല്ല …

 

 

“നിനക്ക് റിവയെ അത്രയും ഇഇഷ്ടമായിരുന്നോ?…”

 

അവളുടെ പേര് കേട്ടപ്പോൾ തന്നെ ജാസിയുടെ ഉള്ളിൽ നിന്നും വന്ന പ്രകാശം അവന്റെ മുഖം നിറച്ചു. പിന്നെയത് ലജ്ജയായി മാറി..

 

“ജാസി.. നീയിങ്ങനെ ലജ്ജിക്കല്ലേ..!! ഇത് നിനക്ക് ചേരില്ല.. അതെങ്ങനെ ഇപ്പോഴും കുട്ടികളുടെ സ്വഭാവമല്ലേ നിനക്ക്.. “

 

എല്ലാരും ഇന്നും പറയുന്ന കാര്യമാണത്.. കൊച്ചു കുട്ടികളെ പോലെയാണ് ഞാൻ.. എന്റെ മുഖം പോലും അത് പോലെ തന്നെ..

 

വെളുത്ത മെലിഞ്ഞ ചെറിയ പൊടി മീശ മാത്രം മുളച്ചു താടി വരാൻ വേണ്ടി ദിവസവും രാവിലെ ബ്ലേഡ് കൊണ്ട് വരണ്ടുന്ന പാവം മലയാളി..

 

എന്റെ കണ്ണിലേക്കു നിങ്ങൾ നോക്കിയിട്ടുണ്ടോ അവിടെ രണ്ട് കുഞ്ഞു കണ്ണുകൾ കാണാൻ കഴിയും.., ഞാൻ ചിരിക്കുമ്പോൾ എന്റെ കവിളിൽ വലിയൊരു നുണക്കുഴി വരാറുണ്ട്..