ജിന്നും മാലാഖയും 4 ❤ [ നൗഫു ] 4175

അതെ ചിരി, പുഞ്ചിരി…

“ജാസി.. ഞാൻ നീ നേരത്തെ കണ്ട ആൾ തന്നെയാണ് .. പക്ഷെ, നീ കരുതുന്ന ആളല്ല.. ഞാൻ ജിന്നുകളുടെ രാജ്യത്ത് നിന്നും വരുന്നു, ഇടക്ക് ഞാനീ പള്ളിയിൽ നമ്മുടെ റബ്ബിനെ സ്തുതിക്കാൻ കയറാറുണ്ട്.. ഇന്ന് നിന്നെ കണ്ടപ്പോൾ നിനക്കെന്തോ വിഷമം ഉള്ളത് പോലെ തോന്നി, അതാണ് നിന്നോടൊന്നും മിണ്ടാതെ നേരെ നിസ്കാരത്തിനു നിന്നത്…”

“എനിക്കറിയാം, നിങ്ങൾ മരണത്തിന്റെ മാലാഖയാണെന്ന്, ഞാൻ കണ്ടതാണ്…”

അദ്ദേഹം ഒന്നു പുഞ്ചിരി തൂകി പിന്നെ പറഞ്ഞു തുടങ്ങി…

മരണത്തിന്റെ മാലാഖ നിന്നെ കൊണ്ട് പോകാൻ വന്നാൽ സംസാരിച്ചു നിൽക്കില്ല.. അതിന് അനുവാദം കിട്ടിയത് പ്രവചകന്മാർക്ക് മാത്രമാണ്.. അതിൽ തന്നെ അനുവാദം ചോദിച്ചു റൂഹിനെ (ആത്മാവ് ) പിടിച്ചത് നമ്മുടെ റസൂലിനോട് മാത്രം,..

അങ്ങേക്ക് അല്ലാഹുവിന്റെ അടുക്കലേക് മടങ്ങുവാൻ ആഗ്രഹം ഉണ്ടെങ്കിൽ ഞാൻ റൂഹിനെ പിടിച്ചോട്ടെ എന്ന് അനുവാദം ചോദിക്കാൻ അള്ളാഹു പറഞ്ഞു വിട്ടതാണ് എന്ന് പറഞ്ഞപ്പോൾ റസൂൽ മറുപടിയായി പറഞ്ഞു “റൂഹിനെ പിടിച്ചു കൊള്ളുക..”

“റഫീഖ്ൽ അഹ്‌ലാ… റഫീഖ്ൽ അഹ്‌ലാ… ഉന്നതിയിലുള്ള റബ്ബിന്റെ സാന്നിധ്യം ഞാനാഗ്രഹിക്കുന്നു എന്നുരുവിട്ടാണ് റസൂൽ അല്ലാഹുവിന്റെ അരികിലേക് മടങ്ങിയത്…

ബാക്കി എല്ലാ മനുഷ്യരും മാലാഖമാർക്ക് അല്ലാഹുവിന്റെ വെറും അടിമകൾ മാത്രമാണ്.. നമുക്ക് ഒന്ന് ചിന്തിക്കാൻ കഴിയുന്നതിനു മുമ്പ് അവർ റൂഹിനെ കാലിന്റെ വിരലുകളിൽ നിന്നും പിടിക്കാൻ തുടങ്ങും…

നിന്റെ ഉള്ളിലെ റൂഹ് ആ സമയം ശരീരത്തിൽ ഓരോ മുക്കിലും മൂലയിലും ഒളിച്ചു നിൽക്കുവാൻ കഴിയുന്ന സ്ഥലങ്ങളിലേക് വലിഞ്ഞു നോക്കും ആ സമയം ആണ് അവർ റൂഹിനെ വലിച്ചു പുറത്തേക്കെടുക്കുന്നത്… അതിലാണ് നമ്മുടെ ശരീരം വേദന കൊണ്ട് പുളയുന്നതും..”

“നിങ്ങൾക്കും അറിയുവാൻ പറ്റുമോ വേദന..”

മരണത്തിന്റെ വേദന അറിയാതെ ഒരു ശരീരവും മണ്ണിലേക്ക് ഇറങ്ങിയിട്ടില്ല.. നാം ചെയ്യുന്ന ഓരോ തെറ്റിന്റെയെയും നന്മയുടെയും ഏറ്റക്കുറച്ചിലനുസരിച് ആ വേദന കൂടിയും കുറഞ്ഞും ഇരിക്കും..