💠𝕃𝕒𝕨 ℙ𝕠𝕚𝕟𝕥 💠2️⃣ {𝓢𝓪𝓲 𝓥 𝓐𝓼𝓱𝓪𝓷} 3045

അരുന്ധതിക്ക് നഷ്ടപ്പെട്ടതിനു പകരം ആവില്ല ഈ ലഭിച്ച തുകകൾ … പക്ഷെ 11 ലക്ഷത്തോളം രൂപ ലഭിച്ചിട്ടും പഠന ചിലവുകൾ നടത്താൻ വേണ്ടി പാർട്ട് ടൈം ജോലിക്ക് പോയത് എന്തിനായിരുന്നു….?”

അരുന്ധത്തിയിൽ നിന്നും ഉത്തരം ഒന്നും ഉണ്ടായില്ല…

“മിണ്ടാതിരുന്നിട്ട് കാര്യം ഇല്ല അരുന്ധതി…. ചോദ്യത്തിന് ഉത്തരം പറഞ്ഞെ തീരു… ” ഹരി വീണ്ടും അരുന്ധത്തിയുടെ നേരെ ചോദ്യം എറിഞ്ഞു…

“ഒബ്ജെക്ഷൻ യുവർ ഹോണർ….”

“ഒബ്ജെക്ഷൻ ഓവർ റൂൾഡ്…..” ജഡ്ജി മൂർത്തിയുടെ എതിർപ്പിനെ തട്ടി എറിഞ്ഞു……

“സർ… അരുന്ധതിക്ക് പറയാൻ മടി ഉള്ള കാര്യം ഞാൻ പറയാം…. അരുന്ധത്തിയുടെ ചേട്ടൻ അരുൺ ജോലിക്ക് ഒന്നും പോകാതെ നാട്ടിൽ റിയൽ എസ്റ്റേറ്റ് കളിച്ചു നടക്കുന്ന സമയത്ത് ആണ് അപകടത്തിൽ പെട്ടു അരുന്ധത്തിയുടെ പേരെന്റ്സ് മരണപ്പെടുന്നത്…. അന്ന് കിട്ടിയ തുക മുഴുവൻ അരുന്ധത്തിയെ ഭീഷണിപെടുത്തി തട്ടി എടുത്ത് റിയൽ എസ്റ്റേറ്റ് ബിസിനസ്സിൽ ഇറക്കി… ഒരു രൂപ പോലും ബാക്കി വെക്കാതെ അതൊക്കെ നഷ്ടപ്പെടുത്തി….

ഞാൻ പറഞ്ഞത് ശെരിയല്ലേ അരുന്ധതി…. ” ഹരി അരുന്ധത്തിയുടെ മുഖത്തേക്ക് നോക്കി….
കോടതിയിലെ വിസിറ്റർസ് ഏരിയയിൽ ഉള്ള അരുണിന്റെ മുഖം വലിഞ്ഞു മുറുകി ഇരുന്നു….

“അവിടേം കൊണ്ടും കഴിഞ്ഞില്ല സർ… പഠനത്തിന്റെ ആവശ്യത്തിന് സ്പോൺസർസ് നൽകിയ തുകയിൽ നിന്നു പോലും അരുൺ വിഹിതം ചോദിച്ച് ഉപദ്രവിക്കുമായിരുന്നു….”

അരുന്ധതിക്ക് ഒന്നും നിഷേധിക്കാൻ കഴിയുമായിരുന്നില്ല…..

ഹരി അരുണിനെ നോക്കി മുൻപ് ലഭിച്ച പുച്ഛം ഒക്കെ തിരിച്ചു കൊടുത്തു….….

“പഴയ കഥകൾ ഒക്കെ പറഞ്ഞു തന്നപ്പോൾ കക്ഷികൾ ഇതൊന്നും പറഞ്ഞിട്ടുണ്ടാവില്ല അല്ലെ വക്കീലേ…. അവർക്ക് കൊറച്ചിൽ ആയിട്ടായിരിക്കും…..” ഹരി മൂർത്തിയോട് ചോദിച്ചു…

തുടർ വാദം ഉച്ചയ്ക്ക് കഴിഞ്ഞു ഉള്ള സമയത്തേക്ക് മാറ്റി വെച്ചു, കോടതി ലഞ്ച് ബ്രേക്കിനു പിരിഞ്ഞു…. വിറ്റ്നെസ്സ് ബോക്സിൽ നിന്നു ഇറങ്ങിയ അരുന്ധതി കലങ്ങിയ കണ്ണുകളോടെ ഹരിയെ കടന്നു പോയി… അരുണിന്റെ മുഖം ദേഷ്യം കൊണ്ട് ചുകന്നിരുന്നു….

അരുൺ അരുന്ധത്തിയെ പിടിച്ചു വലിച്ചു കോടതിയുടെ പുറത്തേക്ക് നടന്നു… പുറത്ത് എത്തിയതും അരുൺ അരുന്ധത്തിയെ അടിക്കാൻ കൈ ഓങ്ങി… ശ്രീകുമാർ പിടിച്ചു മാറ്റിയത് കൊണ്ട് മാത്രം ആണ് അടി കിട്ടാഞ്ഞത്….

“നീ എന്തിനാടി ഇതൊക്കെ അവിടെ പറയാൻ പോയെ….”

“നീ എന്താ അരുണേ ഇങ്ങനെ… അവൾ എന്ത് പറഞ്ഞു എന്ന…. അവൻ തന്നെ അല്ലെ എല്ലാം പറഞ്ഞത്….”

“അവൻ പറഞ്ഞു എന്ന് വെച്ചു… ഇവൾ സമ്മതിച്ചു കൊടുക്കണോ….”

“ഞാൻ.. ഞാൻ.. ഒന്നും പറഞ്ഞില്ലാലോ… ഹരിയേട്ടൻ പറഞ്ഞതൊക്കെ സത്യം അല്ലെ.. അത് കേട്ടപ്പോ അച്ഛനേം അമ്മേം ഓർത്തപ്പോ എനിക്ക് ഒന്നും മറുത്ത് പറയാൻ കഴിഞ്ഞില്ല….”