പ്രേമം ❤️ 10 [ Vishnu ] 922

“സോറി…”

അവളുടെ നാവിൽ നിന്നും അത് കേട്ട ഹൃഷി ഒന്നു ഞെട്ടി..അവന്റെ ഓർമയിൽ ആദ്യമായിട്ടാണ് അവനോടു ഇങ്ങനെ അവൾ സംസാരിക്കുന്നത്.

“എന്തിനാ സോറി ഒക്കെ..”

“ഇന്നലെ രാത്രി…ഐ ആം സോറി ഹൃഷി..ഒന്നും അറിയില്ലായിരുന്നു…ഒന്നും…”

അതും പറഞ്ഞു അവൾ കരഞ്ഞു…അത് കേട്ട അവനു കൻഫ്യൂഷൻ ആയി….കാര്യങ്ങൾ അറിഞ്ഞാൽ ഈ കരച്ചിൽ അല്ലല്ലോ കേൾക്കുക..

അതായിരുന്നു അവന്റെ മനസ്സിൽ കണ്ഫ്യൂഷൻ ഉണ്ടാക്കിയത്.

“എഡോ അതൊന്നും താൻ വിട്ടില്ലേ…അതൊക്കെ അങ്ങു വിട്ട് കള..ഇന്നലെ നടന്നത് ഇന്നലെ…”

അത് കേട്ട അവൾ അവനെ നോക്കി.

അവന്റെ മുഖത്തുള്ള ചിരി കണ്ടപ്പോൾ ആണ് അവൾക്കും സമാധാനം ആയത്..

അവൻ അവന്റെ വലതു കൈകൊണ്ടു അവളുടെ കണ്ണിൽ നിന്നും വന്ന വെള്ളം തുടച്ചു കളഞ്ഞു…

അത് അവളെ ഒന്നു ഞെട്ടിച്ചു…അവളിൽ  നിന്നും ഒരു എതിർപ്പും ഇല്ലാതെ ഇരുന്നത് അവനെയും …

അവൻ വേഗം തന്നെ കാറും ഓണ് ചെയ്തു ഫ്ലാറ്റിലേക്ക് യാത്ര തിരിച്ചു..

അവൻ പോകുന്ന വഴിക്ക് അവരുടെ ഹോട്ടലിന്റെ മുന്നിൽ നിർത്തി…