പ്രേമം ❤️ 10 [ Vishnu ] 920

“അതേ….സിസ്റ്റർ അവൾക്ക് സീരിയസ് ആയിട്ട് എന്തെങ്കിലും…”

“സർ പേടിക്കാൻ ഒന്നുമില്ല ചെറിയ ഒരു ആക്സിഡന്റ് ആയിരുന്നു…ആൾ ഇപ്പോൾ മയക്കത്തിൽ ആണ്..”

ആ സിസ്റ്റർ എന്നെ അവളുടെ അടുത്തേക്ക് കൊണ്ടുപോയി..

അവളുടെ തലയിലും വലതു കയ്യിലും കെട്ടുണ്ടായിരുന്നു….ഇടത്കാലിന്റെ  ജോയ്ന്റിൽ ഒരു ചെറിയ കെട്ടും ഉണ്ടായിരുന്നു..

അവളുടെ ആ പിങ്ക് ചുരിദാറിന്റെ ഒരു ഭാഗം മുഴുവൻ ചോരപാട് ആയിരുന്നു…

ഇടത്തെ കയ്യിൽ ഡ്രിപ് ഇട്ടിട്ടുണ്ട്..ആൾ നല്ല മയക്കത്തിൽ ആണ്..ഞാൻ  അവളുടെ അടുത്ത് ആ ബെഡിൽ ഇരുന്നു..

“പിശാശ്…മനുഷ്യനെ പേടിപ്പിക്കാൻ ആയിട്ട്..”

അവൻ മനസ്സിൽ വിചാരിച്ചു..

അപ്പോഴാണ് നന്ദന കണ്ണു തുറന്നത്…അവൾ അടുത്തിരിക്കുന്ന ഹൃഷിയെ കണ്ടു…

അവൾ എഴുന്നേൽക്കാൻ നോക്കിയപ്പോൾ അവൾക്ക് ശരീരം മുഴുവൻ വേദന അനുഭവപ്പെട്ടു…

അപ്പോഴാണ് അവളുടെ തലയിലും കയ്യിലും കാലിലുമുള്ള കെട്ട് അവൾ കണ്ടത്…

“എഴുന്നേൽകേണ്ട…കിടക്ക്…”

ഹൃഷി  പറഞ്ഞതുകേട്ട  അവൾ അവിടെ തന്നെ കിടന്നു..