പ്രേമം ❤️ 10 [ Vishnu ] 921

അപ്പോഴാണ് നല്ല മഴയും ഇടിയും മിന്നലും ഒക്കെ വരാൻ തുടങ്ങിയത്…ക്ലാസ് നടക്കുന്ന സമയം മഴ പെയ്യുന്നത് ഒരു പ്രിത്യേക തരം വൈബ് ആണ്..

അവനും ഹരീഷും ആ മഴയും ഇടിയും ഒക്കെ ആസ്വദിച്ചു നിൽക്കുമ്പോഴാണ് ഒരു കാഴ്ച ഹൃഷിയുടെ കണ്ണിൽ പെട്ടത്..

ചെവിയും പൊത്തി കണ്ണുകളും അടച്ചു തല താഴ്ത്തി നിൽക്കുന്ന നന്ദു..ഓരോ ഇടിക്കും ആൾ കിടന്നു വിറക്കുകയാണ്..

ക്ലാസ് കഴിഞ്ഞു പോകാൻ നേരം അവൻ അവളുടെ അടുത്തേക്ക് പോയി..

“അല്ല കണ്ണും ചെവിയും ഒകെ പൊത്തി പിടിച്ചു വിറക്കുകയായിരുന്നല്ലോ കുറച്ചു നേരം മുമ്പ്..”

“അതോ..എനിക് അസ്ട്രാഫോബിയ ഉണ്ട്..അതുകൊണ്ടാ..”

“എന്ത്.. “

അവനു മനസ്സിലായില്ല..

“അസ്ട്രാഫോബിയ അറിയില്ലേ…എനിക്ക് ഇടിയും മിന്നലും പേടി ആണെന്..രാത്രി ഇടിയൊക്കെ വന്നാൽ ഞാൻ നേരെ പോയി അമ്മയുടെ അടുത്ത കിടക്കുക..അല്ലെങ്കിൽ ചിലപ്പോ പനി വരെ വരും..”

അതൊക്കെ കേട്ടപ്പോൾ അവന് ഒരുതരം കൗതുകം ആണ് ഉണ്ടായത്…അന്നാണ് അവനു ആൾക്കാർക്ക് മിന്നലും ഇടിയും ഒക്കെ പേടി ഉള്ളത്തിനു പേരൊക്കെ ഉണ്ടെന്ന് അറിഞ്ഞത്..