😈 അസുരൻ 😈 s2 ep 3 [ Vishnu ] 462

😈 6

“ഡാ നിന്റെ പേരെന്താ…”

 

ആ ചെറുപ്പക്കാരൻ ചോദിച്ചു…എന്നാൽ അവൻ ഒന്നും മിണ്ടിയില്ല…

 

“ഡാ മോനെ…നിന്റെ പേരെന്താ എന്ന ചോദിച്ചെ..”

 

“വിഷ്ണു..”

 

അവൻ മറുപടി പറഞ്ഞു…

 

“എന്റെ പേര് പൈലി….ഒരു ചെറിയ കള്ളൻ ആണ്..ഇനിയും ഒരു കൊല്ലം കൂടി ബാക്കി ആണ്…നിനക്കോ…”

 

“കേസ് നടന്നുകൊണ്ടിരിക്കുവാ…”

 

“ആഹാ എന്താ കേസ്….”

 

അത് കേട്ട വിഷ്ണു അവനെ രൂക്ഷമായി നോക്കി..

 

“കൊലക്കേസ്…പഠിപ്പിച്ച ടീച്ചറെ കൊന്നു…ഇനി എന്തെങ്കിലും അറിയാനുണ്ടോ…”

 

അത് കേട്ട പൈലി അവനെ ഞെട്ടലോടെ നോക്കി..

 

അവൻ ഒന്നും മിണ്ടാതെ അവന്റെ പണികളിൽ മുഴുകി..

 

പിന്നീടുള്ള ദിവസങ്ങളിൽ വിഷ്ണുവുമായി അടുക്കാൻ പൈലി ശ്രമിച്ചെങ്കിലും അവൻ അമ്പിനും വില്ലിനും അടുക്കാതെ നിന്നു…ആരോടും മിണ്ടാതെ ഒറ്റയ്ക്ക് ഇരിക്കാൻ ആയിരുന്നു വിഷ്ണുവിന് ഇഷ്ടം..അവന്റെ ഉള്ളിൽ ഉള്ള വേദന അപ്പോൾ കുറയുന്നത് അവൻ അറിഞ്ഞു..

 

അതിനിടയിൽ അവനു മറ്റൊരു പ്രശ്നം തുടങ്ങിയിരുന്നു..ഇൻസോംനിയ…ഉറക്കം ഇല്ലായിമ..അവനു ഏറ്റ പീഡനങ്ങൾ അവന്റെ ഉറക്കം ഇല്ലാതെ ആക്കിയിരുന്നു..