😈 അസുരൻ 😈 s2 ep 3 [ Vishnu ] 462

😈 3

അവിടെ അടുത്തുണ്ടായിരുന്ന പോലീസുകാരനായ ശിവനും  അവനെ ദേഷ്യത്തോടെയായിരുന്നു നോക്കിയിരുന്നത്.. ശിവൻ അവന്റെ ബന്ധു കൂടി ആയിരുന്നു..

 

“ശിവേട്ട എനിക്ക് ഇതിൽ ഒരു പങ്കും ഇല്ല എന്നെ വെറുതെ വിട് .. “

 

അവന്റെ ശബ്ദം ഉയർന്നതും ശിവൻ അവന്റെ മുഖത്തു തന്നെ ആഞ്ഞടിച്ചു..

 

 

 

അടി കിട്ടിയതും അവൻ ആകെ തകർന്നു.. അതേ .. ശിവേട്ടനും ഇന്ന് തന്നെ വിശ്വസിക്കുന്നില്ല.. ആ സത്യം അറിഞ്ഞതും അവനു സങ്കടം സഹിക്കാൻ ആയില്ല..

 

 

 

ആ ജീപ്പ്  അവനെയും കൊണ്ടു  സ്കൂൾ ഗ്രൗണ്ട് വിട്ട്  പോകുമ്പോൾ  അവൻ  ഒന്നുകൂടി അവരെ നോക്കിയശേഷം  അവൻ  മനസ്സിൽ ഉറപ്പിച്ചിരുന്നു …ഇനി  ഈ  നാട്ടിലേക്ക്  ഒരു മടങ്ങിവരവ്  ഇല്ലായെന്ന്..

 

_________

 

കോടതിയിൽ നിന്നും അവൻ ഇറങ്ങി വരുമ്പോഴും അവന്റെ ആരെയും അവൻ അവിടെ കണ്ടില്ല…

 

തെളിവുകൾ ശക്തമായത് കൊണ്ടു തന്നെ അവനു ജാമ്യം കിട്ടിയില്ല…പ്രായ പൂർത്തി ആകാൻ അവനു ഇനിയും മൂന്നു മാസം ഉള്ളത് കൊണ്ട് തന്നെ അവനെ ജുവനൈൽ ഹോമിലേക്ക് മാറ്റി..

 

അവൻ വൈകാതെ തന്നെ ജുവനൈൽ ഹോമിലേക് മാറ്റപ്പെട്ടു…അവൻ ആകെ മനസ്സു മടുത്തിരുന്നു..ജീവൻ അവസാനിപ്പിക്കണം എന്നൊരു ചിന്ത മാത്രമേ അവനു ഉണ്ടായിരുന്നുള്ളു…