? വേദനസംഹാരി 4? [Jacob Cheriyan] 283

പുറത്ത് ഒരു പോലീസ് ഇന്നോവ ആയിരുന്നു വന്നത്… അപ്പോഴേക്ക് അതിന്റെ പുറകിൽ നിന്ന് ശിവറാം ഇറങ്ങി… നിമിഷങ്ങൾക്ക് ഉള്ളിൽ അതിന്റെ അപ്പുറത്തെ സൈഡിൽ നിന്ന് മിതാലിയും ഇറങ്ങി…

ശിവറാമിനെ കണ്ടപ്പോൾ തെളിഞ്ഞ് നിന്ന പാറുവിന്റെ മുഖത്തിന്റെ ഫിലമെന്റ് മിതാലിയെ കണ്ടപ്പോഴേ അടിച്ച് പോയി….

ശിവറാമും മിതാലിയും നടന്നു ഉമ്മറത്തേക്ക് കയറി… അപ്പോഴേക്കും വൈഷ്ണവ് അവന്റെ അടുത്തേയ്ക്ക് ചെന്നു…

“ ഏട്ടാ നിങ്ങള് രണ്ട് പേരും പോലീസ് ആയിരുന്നോ.. പിന്നെന്താ പറയാഞ്ഞത് ??? ”

വൈഷ്ണവ് അത് ചോദിച്ചപ്പോ ശിവ വെറുതെ ചിരിക്കുക മാത്രം ആണ് ചെയ്തത്….

“ പറയാൻ മാത്രം എനിക്ക് ആരാടാ ഉള്ളത്.. ?? ഞാൻ ഇത് പറഞ്ഞാലും ഇല്ലെങ്കിലും ഇവിടെ പ്രത്യേകിച്ച് ഒന്നും ഉണ്ടാവാൻ പോണില്ല… പിന്നെന്തിനാ.. ”

ശിവറാം പുഞ്ചിരിയോടെ പറഞ്ഞു…

“ മോനെ ഞങ്ങൾ നിന്നോട് ഒരുപാട് തെറ്റ് ചെയ്തിട്ടുണ്ട് എന്ന് അറിയാം… എങ്കിലും ഞാൻ ഇപ്പൊ പറയുന്നത് ഒന്ന് കേൾക്കണം… ”

വിശ്വനാഥൻ പറഞ്ഞു…

“ എന്ത് കാര്യം… ?? ”

ശിവറാം ഗൗരവത്തോടെ ചോദിച്ചു…

“ പറയാം ഇപ്പൊ ഓഫീസിൽ നിന്നും വന്നതെല്ലെ ഉള്ളൂ… പോയിട്ട് ഫ്രഷ് ആയിട്ടു വാ.. വൈകിട്ട് പറയാം… ”

വിശ്വനാഥൻ പറഞ്ഞു….

“ മ്മ്… ”

ഒന്ന് മൂളിയ ശേഷം ശിവറാം ഉള്ളിലേക്ക് നടന്നു…

മിതാലി ആണെങ്കിൽ എന്ത് ചെയ്യണം എന്ന് അറിയാതെ നിൽക്കുകയാണ്…. അവൻ വിളിക്കാതെ അകത്തേക്ക് കയറാൻ പറ്റില്ല…. വൈഷ്ണവും മറ്റുള്ളവരും ആണെങ്കിൽ അന്യഗ്രഹ ജീവിയെ നോക്കുന്നത് പോലെ ആണ് അവളെ നോക്കുന്നത്…

“ മിതൂ…. ”

അകത്തേക്ക് കയറാൻ തുടങ്ങിയ ശിവറാം അവളെ വിളിച്ചു….

“ ആഹ്… ദേ വരുവാ ശിവാ… ”

എന്ന് പറഞ്ഞ് കൊണ്ട് മിതാലി അവരെ നോക്കി ഒന്ന് ചിരിച്ച ശേഷം അകത്തേക്ക് കയറി….

ഇത് കണ്ട പാറു ദേഷ്യവും സങ്കടവും കുശുമ്പും കാരണം അകത്തേക്ക് കയറി പോയി… അവളുടെ പുറകെ വൈഷ്ണവിയും….

അപ്പോഴും അവിടെ നിന്ന വൈഷ്ണവിന്റെ മനസ്സിൽ ഒരു സംശയം ആയിരുന്നു ഉണ്ടായിരുന്നത്….. “ അച്ഛന് എന്താണ് ചേട്ടനോട് പറയാൻ ഉള്ളത് ??? ”