?കരിനാഗം 6?[ചാണക്യൻ] 256

എങ്കിലും അവളുടെ അഭൗമ്യമായ മുന്നഴകിനെയും പിന്നഴകിനെയും മറയ്ക്കാൻ ആ ചേല പരാജയപ്പെട്ടു പോകുന്നു.

ഇടുപ്പിൽ സാരിയുടെ നേർത്ത കീറലിലൂടെ തൂവെള്ള നിറമുള്ള അണിവയർ ദൃശ്യമാകുന്നു.

ഏതോ ഒരു ശില്പി നിർമിച്ച വെണ്ണക്കൽ ശില്പം പോലെ ആ യുവതി പുറകിലേക്ക് ഒന്നു തിരിഞ്ഞു നോക്കി.

ഉയർന്നു പൊങ്ങിയ സാരിക്കടിയിൽ തുടുത്ത കണങ്കാലുകൾ അനവൃതമായി.

അതിൽ ഒരു പാദത്തിൽ കറുത്ത ചരട് ബന്ധിച്ചിരിക്കുന്നു

ആ പാദത്തെ അനന്തമായി പുൽകിക്കൊണ്ട് ചുംബനമർപ്പിച്ചു കൊണ്ട് സായൂജ്യമടങ്ങുന്ന കറുത്ത ചരട്

ശേഷം അവളുടെ അധരങ്ങളിൽ പുഞ്ചിരി മോട്ടിട്ടു.

ആരെയും മയക്കുന്ന ഒന്ന്.

ആ അധരങ്ങളുടെ നേർത്ത ദർശനം പോലും മതി മറ്റുള്ളവരിൽ വികാരത്തിന്റെ വേലിയേറ്റം സൃഷ്ടിക്കുവാൻ.

ശ്വാസഗതിക്കനുസരിച്ചു ആ യുവതിയുടെ മാറിടം പൊങ്ങി താഴുന്നു.

അവളുടെ കണ്ഠത്തിലൂടെ ഉമിനീർ താഴേക്ക് വഴുതിപോകുന്നത് കാണാം.

“അങ്ങനെ ഞങ്ങളുടെ രാജകുമാരനെ കണ്ടു പിടിച്ചു……………… ഇനി ഞങ്ങൾക്ക് മോക്ഷം”

ആ സുന്ദരി അവിടെ നിന്നും മൊഴിഞ്ഞു.

അധരങ്ങളിൽ നിന്നും മുത്തു പൊഴിയുന്ന പോലെ.

സാവധാനം ആ യുവതി നാഗരൂപം സ്വീകരിച്ച ശേഷം വലിയൊരു മണൽകൂനയിലേക്ക് പോയി മറഞ്ഞു.
.
.

ഈ സമയം മഹിയുടെ മടിയിൽ കിടന്ന് രാധമ്മ നല്ല മയക്കം പിടിച്ചിരുന്നു.

വാത്സല്യം തുളുമ്പുന്ന ആ അമ്മ മുഖം കണ്ടതും മഹിയിലെ കോപവും ആശങ്കയും പതിയെ കെട്ടടങ്ങി.