?കരിനാഗം 19? [ചാണക്യൻ] 378

കും?

കങ്കാണിക്ക് സംശയമുണ്ടായിരുന്നു.

വിജയകരമായി ഭവിക്കും പ്രിയനേ…… കന്യകാത്വം നഷ്ടപ്പെട്ട് ഗർഭിണിയായ ഒരു യുവതിയെ കണ്ടെത്തുക…… അതിൽ ചാപിള്ളയായ ഭ്രൂണം ആരുടെ വയറ്റിലാണോ അത്‌ കണ്ടെത്തി നശിപ്പിച്ചിട്ട് ഈ ഭ്രൂണങ്ങൾ അതിൽ നിക്ഷേപിക്കാം.

മാന്ത്രിക മുന്നോട്ട് വച്ച നിർദേശം വളരെ മികച്ചതാണെന്ന് കങ്കാണിക്കും തോന്നി.

അത്‌ വളരെ നല്ലൊരു ആശയം തന്നെ മാന്ത്രിക……. അങ്ങനെയെങ്കിൽ നമ്മുടെ ചക്രവർത്തി ബർഗരീകന്റെ കുഞ്ഞുങ്ങൾ ഈ ഭൂമിയിൽ തന്നെ വളർന്നു വരട്ടെ.

കങ്കാണി ആവേശത്തോടെ പറഞ്ഞു.

പശ്ചിമ ഘട്ട മലനിരകളാൽ നിബിഢമായ കാസർഗോഡ് ജില്ലയിലെ കാഞ്ഞങ്ങാട് ഉള്ള ജില്ലാ ആശുപത്രിയിൽ അന്നത്തെ പ്രസവ വാർഡിൽ നന്നേ തിരക്ക് ആയിരുന്നു.

ഡ്യൂട്ടി ഡോക്ടർ റൌണ്ട്സിന് പുറത്തു പോയിരിക്കുകയാണ്.

ഒരുപാട് വനിതകൾ നിറവയറും താങ്ങിക്കൊണ്ട് നടക്കുന്നു.

ചുമലിൽ ഒരു ഭാണ്ഡവുമായി കങ്കാണിയും മാന്ത്രികയും ജില്ലാ ആശുപത്രിയിൽ പ്രത്യക്ഷരായി.

എന്നിട്ട് അവർ അതിലൂടെ നടന്നു പ്രസവ വാർഡ് കണ്ടെത്തി.

അവർ അവിടേക്ക് ചെന്നു.

അവിടെ 20 ലധികം സ്ത്രീകൾ പ്രസവത്തിനു തങ്ങളുടെ ഊഴവും കാത്ത് കിടപ്പുണ്ട്.

മാന്ത്രികയും കങ്കാണിയും തങ്ങളുടെ മന്ത്രശക്തിയിൽ രണ്ടു സ്ത്രീകളുടെ ഗർഭപാത്രത്തിൽ ചാപിള്ളയാണെന്ന് കണ്ടെത്തി.

അതിൽ ഒരു സ്ത്രീയെ തിരഞ്ഞെടുത്ത് അവരുടെ ഗർഭപാത്രത്തിലെ ചാപിള്ളയെ മാറ്റി ഇരട്ട ഭ്രൂണങ്ങളിൽ ഒന്നിനെ മന്ത്രോച്ചാരണങ്ങളോടെ നിക്ഷേപിച്ചു.

അപ്പോഴാണ് മറ്റൊരു സത്യം കൂടി അവർ മനസിലാക്കിയത്.

ആ മനുഷ്യ സ്ത്രീയുടെ ഗർഭ പാത്രത്തിനു ഒരു നാഗ ഭ്രൂണത്തെ ഉൾക്കൊള്ളുവാനുള്ള പ്രാപ്തിയെയുള്ളൂ.

അതിനാൽ തന്നെ ഗത്യന്തരമില്ലാത്തതിനാൽ മറ്റേ ഭ്രൂണം രണ്ടാമത്തെ സ്‌ത്രീയുടെ വയറ്റിൽ നിക്ഷേപിച്ചു.

പ്രസവ വേദന താങ്ങാനായി അവർ ആ രണ്ടു യുവതികളെയും ആശുപത്രിയിൽ വച്ചു പരിചയപ്പെട്ട് ഇരുവർക്കും അമൂല്യമായ ചിന്താമണി രത്നം സമ്മാനമായി നൽകി.

അതിൽ മുറുകെ പിടിച്ചാൽ പ്രസവ വേദന ഒരു പരിധി വരെ കുറയുമെന്ന് കങ്കാണിയും മാന്ത്രികയും അവരെ പറഞ്ഞ് പഠിപ്പിച്ചു.

അത്‌ അവർക്കും ഒരു ആശ്വാസമായിരുന്നു.

എന്നാൽ അന്ന് വൈകുന്നേരത്തോടെ ആശുപത്രിയിൽ വലിയൊരു പൊട്ടി തെറി ഉണ്ടായി.

ഷോർട് സെർക്യൂട്ട് ആയിരുന്നു.

അപ്പൊ തന്നെ ആശുപത്രി അധികൃതർ അവിടെയുള്ള ഗർഭിണികളെയും രോഗികളെയും കൂട്ടത്തോടെയും അല്ലാതെയും ആശുപത്രികളിലേക്ക് മാറ്റി.

ആശുപത്രിയിലെ ആ സ്ഫോടനം അവരുടെ പദ്ധതിയെ താറുമാറാക്കി.

അവർ നാടൊടുക്കെ അന്വേഷിച്ചു.

ഭ്രൂണങ്ങൾ നിക്ഷേപിച്ച ഗർഭ പത്രമുള്ള നാരികളെ കണ്ടെത്താനായില്ല.

എല്ലായിടത്തും അവർ അന്വേഷിച്ചെങ്കിലും അവരെയും ബർഗരീകന്റെ സന്തതികളെയും കണ്ടു കിട്ടിയില്ല.

അതിൽ മനം നൊന്ത അവർ നേരെ ഹിമാലയത്തിലേക്ക് പോയി.

അവിടെ ആയിരുന്നു ഏറെക്കാലം കഴിച്ചു കൂട്ടിയത്.

തങ്ങൾ കാരണമല്ലെ ബർഗരീകന്റെ സന്തതികൾ നഷ്ടപെടാനുള്ള കാരണം എന്നുള്ള ചിന്ത അവരെ അലട്ടി.

അങ്ങനെ പുറം ലോകം കാണാതെ മഞ്ഞു മലയിലെ ഏതോ ഗുഹയിൽ അവർ കാലങ്ങളോളം കഴിച്ചു കൂട്ടി.