?കരിനാഗം 17? [ചാണക്യൻ] 410

അത്‌ തന്നാണ് സത്യം.

രാവിലെ പതിവ് പോലെ ഉറക്കം വിട്ടെണീറ്റ മഹി പതിയെ കണ്ണുകൾ തിരുമ്മി നോക്കി.

മുറിയിൽ വല്ലാത്ത ചന്ദനത്തിന്റെ സൗരഭ്യം.

മഹി ആശ്ചര്യത്തോടെ ആ ഗന്ധം ആവോളം നുകർന്നു.

ബെഡിൽ കൈ കുത്തി വച്ചതും കൈയിൽ എന്തോ തടയുന്നത് മനസിലാക്കിയ മഹി പിന്നിലേക്ക് നോക്കിയതും ഞെട്ടിപ്പോയി.

തലയിണയ്ക്ക് സമീപം ഒരു റോസാപ്പൂ കാണാം.

മഹി അത്‌ പയ്യെ കയ്യിലെടുത്തു നോക്കി.

ആ അഞ്ജാതയായ പെൺകുട്ടി തന്നെയായിരുന്നു മഹിയുടെ മനസിൽ.

എന്നാലും ഇതെങ്ങനെ? ഇനി ആ പെൺകുട്ടിയെങ്ങാനും?

മഹി സംശയാധിക്യത്താൽ ജനാലയിലൂടെ എത്തി നോക്കി.

അവിടെങ്ങും ആരും തന്നെ ഉണ്ടായിരുന്നില്ല.

പിന്നെങ്ങനെ ഈ പൂവും ആ മണവും?

മഹി അമ്പരപ്പിൽ ആയിരുന്നു.

ഒപ്പം ചിന്തകളുടെ പ്രവാഹവും

ഈ ചന്ദന സൗരഭ്യം പേറി നടക്കുന്നവൾ ആരായിരിക്കും?

ആരാണ് അതിന്റെ അവകാശി?

ഈ റോസാപ്പൂ പോലും തന്നെ ഇന്ന് വാനോളം സന്തോഷത്തിലാഴ്ത്തുന്നു.

കാരണം അവൾ എന്റെ കൂടെയുണ്ടെന്ന തോന്നൽ.

എൻറെ പെണ്ണ്…

എൻറെ മാത്രം പെണ്ണ്….

എന്റെ ഇണയെ വേഗം തന്നെ കണ്മുന്നിൽ എത്തിച്ചേക്കണേ രാധമ്മേ

മഹി കള്ള ചിരിയോടെ എഴുന്നേറ്റ് നേരെ ബാത്റൂമിലേക്ക് പോയി.

കഴിഞ്ഞ ദിവസം കോളേജ് വിട്ടു പോരവേ തന്നെ കാണാത്ത വിഷാദത്താൽ അകന്നു പോയ മഹി രുദ്രയെ സംഭവിച്ചു വേദനിപ്പിക്കുന്ന സങ്കടപ്പെടുത്തുന്ന മുറിപ്പെടുത്തുന്ന ഒരു അനുഭവം ആയിരുന്നു.

മഹിയുടെ കണ്ണുകൾ നിറയുന്നതോ വിഷമിക്കുന്നതോ പോയിട്ട് മഹിയുടെ മുഖം വാടുന്നത് പോലും രുദ്രരൂപ ഇഷ്ടപ്പെട്ടിരുന്നില്ല.

കാരണം അവൾ അത്രയധികം മഹിയെ സ്നേഹിക്കുന്നു.

അതിനാലാണ് രാത്രിക്ക് രാത്രി തന്നെ മഹിയെ കാണാൻ വന്നതും കെട്ടിപിടിച്ചു കിടന്നതും കൊണ്ടു വന്ന സമ്മാനം റോസാപ്പൂവിന്റെ രൂപത്തിൽ നൽകിയതും.

രുദ്രയും സന്തോഷത്തിലായിരുന്നു.

ഈരേഴുലകവും വെട്ടി പിടിച്ചു ആധിപത്യം സ്ഥാപിച്ച രുദ്രരൂപയെന്ന സർപ്പ രാജകുമാരിക്ക് സ്വന്തമാക്കാൻ ഒരു നിധി കൂടി ഈ പ്രപഞ്ചത്തിൽ ബാക്കിയുണ്ട്.