?കരിനാഗം 17? [ചാണക്യൻ] 410

അറിയില്ല സേനാധിപതെ….. പക്ഷെ അതൊരു പെൺകുട്ടിയായിരുന്നു….. അവൾ ആയിരുന്നു ആ ലോറി ഓടിച്ചിരുന്നത്.

വാമിഖ പറയുന്നത് കേട്ട് എല്ലാവരിലും ഞെട്ടലുളവാക്കി.

എന്തുപറ്റി? എല്ലാരുടെയും മുഖത്ത് ഒരു വയ്യായ്മ? അത്‌ ആരാണെന്ന് അറിയുമോ നിങ്ങൾക്ക്?

വാമിഖയുടെ സംശയദൃഷ്ടി എല്ലാവരിലും നീണ്ടു.

മ്മ്ഹമ്…… അറിയാം

ബ്രഹസ്പതി മറുപടി നൽകി.

ആരാ അത്‌ സേനാധിപതെ? എന്നോട് പറഞ്ഞാലും.

വാമിഖ അടങ്ങാത്ത രോഷത്താൽ മുഷ്ടി ചുരുട്ടി പിടിച്ചു.

രുദ്രരൂപാ………………..

ബ്രഹസ്പതിയുടെ നാവിൽ നിന്നുമുതിർന്ന നാമം കേട്ട് വാമിഖ ഭയന്നു വിറച്ചു.

ആ പേര് പോലും തന്നിൽ സൃഷ്ടിച്ചെടുക്കുന്ന ഭയമെന്ന വികാരം എത്രത്തോളമാണെന്ന് ഞെട്ടലോടെ അവൾ തിരിച്ചറിയുകയായിരുന്നു.

സർപ്പരാജകുമാരി, കാളിയ സർപ്പത്തിന്റെ പുത്രി രുദ്രരൂപയോ?

അതേ മകളെ

ബ്രഹസ്പതി മൊഴിഞ്ഞതും വാമിഖ പിന്നൊന്നും ഉരിയാടിയില്ല.

വല്ലാത്തൊരു നിശബ്ദത ആയിരുന്നു അവരിൽ നിഴലിച്ചിരുന്നത്.

സർപ്പ രാജകുമാരിയെ ഏതു വിധേനയാണ് എതിരിടേണ്ടതെന്ന് അവർക്ക് ഒരു നിശ്ചയവുമില്ലായിരുന്നു എന്നതാണ് വാസ്തവം.

——————————————————–

കാവിൽ വിഹരിച്ചു നടന്ന ശേഷം രുദ്രരൂപ നേരെ വീടിനുള്ളിലേക്ക് കയറി.

ആ സമയം വീടിനുള്ളിലെ ടീവിയിൽ ന്യൂസ്‌ ചാനലിലെ അവതാരിക വാർത്ത വായിക്കുകയായിരുന്നു.

നമസ്കാരം……. പ്രധാന വാർത്തകൾ……. പ്രമുഖ വ്യവസായി AK ഗ്രൂപ്പിസിന്റെ സിഇഒ അലോക് ഇന്നലെ രാത്രിയുണ്ടായ വാഹനാപകടത്തിൽ നിസാര പരിക്കുകലോടെ ചിറ്റൂർ ഹോസ്പിറ്റലിൽ ICU വിലാണ്……. ആരോഗ്യ നിലയിൽ പുരോഗതിയുണ്ടെന്ന് ഡോക്ടർമാർ അറിയിച്ചു.

റൂമിലേക്ക് പോകവേ രുദ്രരൂപ ടീവിയിലെ ന്യൂസ്‌ കാതോർത്തു ശ്രവിച്ചു.

വീണ്ടും തന്റെ ഇരയെ കൈക്കുമ്പിളിൽ ലഭിച്ച സന്തോഷത്തിൽ രുദ്രരൂപ ഡ്രസ്സ്‌ ഒക്കെ മാറി നേരെ ഹോസ്പിറ്റലിലേക്ക് വച്ചു പിടിച്ചു.

കരിനാഗരാജകുമാരൻ തന്നെയാണ് അവളുടെ ലക്ഷ്യം.

അതും കരിനാഗജരുടെ മുന്നിൽ വച്ചു ഇഞ്ചിഞ്ചായി കൊല്ലാനുള്ള വെറിയോടെ അവൾ യാത്ര തിരിച്ചു.

——————————————————–