?കരിനാഗം 17? [ചാണക്യൻ] 410

ഓടിയകലുന്ന ഒരു പെണ്ണ്.

ആ സമയം നനുത്ത ചന്ദനഗന്ധം അവന്റെ നാസികയിലേക്ക് തുളഞ്ഞു കയറി.

ആ സൗരഭ്യം കിട്ടിയതും മഹിയുടെ നെഞ്ചൊന്ന് പിടച്ചു.

എന്റെ പെണ്ണ്……….

മഹിയുടെ ചുണ്ടുകൾ മന്ത്രിച്ചത് അങ്ങനെയായിരുന്നു.

മഹി നോക്കവേ ഓടിയകന്ന ആ പെണ്ണ് ഒരു പ്രൈവറ്റ് ബസിൽ ചാടിക്കയറി.

കിളി മണിയടിച്ചതും ബസ് പുറപ്പെട്ടു.

അയ്യോ എന്റെ പെണ്ണ്…… അത്‌ അവളാണോ?അതേ അവൾ തന്നെ……. അതല്ലേ ആ മണം എനിക്ക് കിട്ടിയത്.

മഹി ഞെട്ടലോടെ അതിലുപരി സന്തോഷത്തോടെ ബസിന് പിന്നാലെ ഓടാൻ നോക്കി.

അപ്പോഴാണ് ജീപ്പിന്റെ കാര്യം ഓർത്തത്.

മഹി അപ്പൊ തന്നെ ഡോർ തുറന്നു ജീപ്പിലേക്ക് ചാടിക്കയറി.

എന്നിട്ട് വണ്ടി ഇരപ്പിച്ചുകൊണ്ട് മുന്നോട്ടേക്ക് എടുത്തു.

കോളേജ് ക്യാമ്പസിൽ നിന്നുമിറങ്ങി മഹി ആ ബസിന് പിന്നാലെ വച്ചു പിടിച്ചു.

ദിവസങ്ങളോളം താൻ തേടിയലഞ്ഞ പെണ്ണ് ഇതാ തനിക്ക് മുന്നിൽ……

താൻ അന്വേഷിച്ചു കൊണ്ടിരുന്ന……താൻ ഒരു നോക്ക് കാണാൻ ആഗ്രഹിച്ച…….തന്റെ മനസിനെ കീഴ്പ്പെടുത്തിയവൾ

ഓർക്കുന്തോറും മഹിയ്ക്ക് കുളിരു കോരി.

ബസ് അങ്ങ് ദൂരെയാണെങ്കിലും ജീപ്പും കൊണ്ടു അതിനെ വട്ടം പിടിക്കാമെന്ന് മഹി കരുതി.

ഠോ…………………………..

വലിയ സ്ഫോടന ശബ്ദത്തോടെ ജീപ്പിന്റെ നിയന്ത്രണം തെറ്റി.

മഹി കഷ്ടപ്പെട്ട് ജീപ്പ് ചവിട്ടി നിർത്തി.

എന്നിട്ട് ഡോർ തുറന്നു പുറത്തേക്കിറങ്ങി നോക്കി.

ജീപ്പിന്റെ ഇടതു ഭാഗത്തെ ടയർ പഞ്ചർ ആയിരിക്കുന്നു.

മഹി കലിപ്പോടെ ആ ടയറിൽ ആഞ്ഞു ചവിട്ടി.

എന്നിട്ട് അകലേക്ക്‌ മറയുന്ന ബസിനെ നോക്കി നിരാശയോടെ നെടുവീർപ്പെട്ടു.

ഉള്ളം കയ്യിൽ കിട്ടിയ സ്വർണ മത്സ്യം തുളുമ്പി രക്ഷപ്പെട്ടെന്ന് ഓർത്തപ്പോൾ മഹിക്ക്  വല്ലാത്ത സങ്കടം തോന്നി.

എങ്ങനെയും അവളെ ഒരു നോക്ക് കാണണമെന്ന വാശി മാത്രം.

അവൻ പിന്നൊന്നും ചിന്തിച്ചില്ല.

സർവ ശക്തിയുമെടുത്ത് ഓടുവാൻ തുടങ്ങി.