?കരിനാഗം 17? [ചാണക്യൻ] 410

നന്ദിനി മിസ് ജാനകിയെ നോക്കി.

അതു കേട്ടതും രുദ്രയുടെ നെഞ്ചം ഒന്നു പിടിച്ചു.

അവളെ വല്ലാത്തൊരു പരവേശം പൊതിഞ്ഞു.

ബാക്കി കേൾക്കാനായി അവൾ ചെവിയോർത്തു.

അതിനെന്താ മിസ്സേ…… ഇഷ്ടമാണെങ്കിൽ അങ്ങ് പോയി പറയന്നെ

ജാനകി മിസ് അതിനെ സപ്പോർട്ട് ചെയ്തു.

നിങ്ങൾ ആവുമ്പോ നല്ല ചേർച്ചയുമുണ്ട്…… ദേവനും ദേവിയും പോലെ.

ജാനകി മിസ്സിന്റെ താരതമ്യം കേട്ട് നന്ദിനി മിസ് കുണുങ്ങി ചിരിച്ചു.

ഇതൊക്കെ കേട്ട് ഈ കോളേജ് തന്നെ കീഴ്മേൽ മറിച്ചു വയ്ക്കാൻ രുദ്രയ്ക്ക് തോന്നി.

മിസ് ഒന്നും പേടിക്കണ്ട….. മഹി സാറിനെ പോലെ ഇനിയൊരാളെ കിട്ടിയെന്ന് വരില്ല…..വേറെ പെൺപിള്ളേർ അടിച്ചു മാറ്റുന്നതിന് മുൻപ് തന്നെ മിസ് പോയി പ്രൊപ്പോസ് ചെയ്യ്….. മിസ്സിനെ സാർ എന്തായാലും ഇഷ്ടപ്പെടും…… എനിക്കുറപ്പാ

നന്ദിനിയെ സപ്പോർട്ട് ചെയ്തുകൊണ്ട് ജാനകി പറഞ്ഞു.

എങ്കിൽ നാളെ തന്നെ പറയാലേ

പോയി പറ മിസ്സേ

ജാനകി മിസ്സിന്റെ സപ്പോർട്ട് കൂടി കിട്ടിയതും നന്ദിനി മിസ്സിന് നല്ല ധൈര്യം തോന്നി.

അവരുടെ ബാക്കി സംസാരം കേൾക്കാനുള്ള ക്ഷമയില്ലാത്തതിനാൽ രുദ്രരൂപ കാറ്റ് പോലെ പുറത്തേക്ക് പാഞ്ഞു പോയി.

നന്ദിനിയെ എങ്ങനെയും തീർക്കണമെന്നേ രുദ്രയുടെ മനസിൽ അപ്പൊ ഉണ്ടായിരുന്നുള്ളു.

മഹിയെ താൻ അല്ലാതെ മറ്റാരും സ്നേഹിക്കണ്ട……… മറ്റൊരു കണ്ണിലൂടെ മഹിയെ നോക്കാൻ പോലും താൻ സമ്മതിക്കില്ല.

രുദ്ര ആത്മഗതം പറഞ്ഞുകൊണ്ട് മുന്നോട്ട് പോയി.

അങ്ങനെ മുന്നോട്ട് പോകവേ അങ്ങു ദൂരെയായി ജീപ്പിലേക്ക് നടന്നടുക്കുന്ന മഹിയെ കണ്ടപ്പോൾ രുദ്രരൂപ തറഞ്ഞു നിന്നു.

അവളിൽ ആളി കത്തിക്കൊണ്ടിരുന്ന കോപമെല്ലാം ഞൊടിയിടയിൽ എങ്ങോ പോയി മറഞ്ഞു.

തന്റെ പ്രണയത്തെ ഒരു നോക്ക് കണ്ടപ്പോൾ.

അവളുടെ മനസ് ഒക്കെ തണുത്തു.

ശാന്തമായി.

മഹി ജീപ്പിന് അടുത്തെത്തിയതും രുദ്രയ്ക് ഒരു കുസൃതി തോന്നി.

മഹിയെ ഒന്നു കബളിപ്പിക്കണമെന്ന് അവൾ കരുതി.

അതിനായി അവൾ തയാറെടുത്തു.

.
.
.
.
.
ജീപ്പിന് അടുത്തേക്ക് വന്നതും മഹിയെ തട്ടിക്കൊണ്ട് ഒരു പെണ്ണ് മുന്പോട്ട് പോയി.

സോറി സർ

പോകുന്ന പോക്കിൽ അവൾ വിളിച്ചു പറഞ്ഞു.

മഹി ഒന്നും മനസിലാവാതെ പിന്നിലേക്ക് നോക്കി.