?കരിനാഗം 17? [ചാണക്യൻ] 410

പഠിപ്പിക്കുന്നതിനിടെ ഇടയ്ക്കിടയ്ക്ക് മിഴികൾ ജീപ്പിലേക്ക് പാളുമെങ്കിലും സംശയമുള്ള ആരെയും കണ്ടെത്താനായില്ല.

ക്ലാസ് കഴിഞ്ഞ് പോകാൻ നേരം literature സ്റ്റുഡന്റസ്‌ ആയ 3 പെൺകുട്ടികൾ മഹിക്ക് മുന്നിൽ വന്നു നിന്നു.

ഹായ് സർ

മൂവരും ഒരേ ഈണത്തിൽ പാടി.

ഹായ്

മഹി അവരെ നോക്കി ചിരിച്ചു.

മഹിയുടെ നക്ഷത്രക്കണ്ണുകൾ അവരെ മൂവരെയും ഒരുപോലെ ആകർഷിച്ചു.

അവർക്ക് മാത്രമല്ല ആ കോളജിലേ എല്ലാ പെൺകുട്ടികളും മഹിയെ സ്ഥിരമായി വായി നോക്കുന്നുണ്ടായിരുന്നു.

ചിലർ മഹിയെ അവരവരുടെ ഭർത്താവായി വരെ സങ്കല്പിച്ചു തുടങ്ങിയെന്നാണ് കേട്ടറിവ്.

സർ…….. സാറിന്റെ വീടിനടുത്താ ഞാൻ താമസം.

മൂന്നു പേരിലെ മഞ്ഞ ചുരിദാറിട്ട പെണ്ണ് അമേയ പറഞ്ഞു തുടങ്ങി.

ഓഹ്…… അമേയയുടെ വീട് അവിടെ അടുത്താണോ?.

അതേ സർ…….. സർ റോസ്മേരി ചേച്ചിയുടെ ആരാ? ബ്രദർ ആണോ?

അമേയ ചാടിക്കയറി ചോദിച്ചു.

ഹാ……. ബ്രദറിനെ പോലെയാണെന്ന് പറയാം…… ഒരു ഡിസ്റ്റന്റ് റിലേറ്റീവ് ആണ്.

സർ…….. സാറിന്റെ കണ്ണ് കാണാൻ പൊളിയാട്ടാ

അമേയയുടെ കൂടെ നിന്ന നിള കൗണ്ടർ അടിച്ചു.

അതുകേട്ടു മഹി പൊട്ടിച്ചിരിച്ചു.

അല്ല……. ഇയാളെന്താ ഒന്നും മിണ്ടാത്തെ?

മൂന്നാമത്തെയാളെ നോക്കി മഹി ചോദിച്ചു.

ആ ചോദ്യം കേട്ട് അഭിനന്ദയുടെ കവിളുകൾ ചുവന്നു തുടുത്തു.

അവൾ നാണം കൊണ്ടു തല താഴ്ത്തി.

അതുകണ്ടു മഹിക്ക് ചിരിയാണ് വന്നത്.

എങ്കിൽ ശരി……. ഞാൻ പോട്ടെ

ശരി സർ

മഹി പോകുന്നതും നോക്കിക്കൊണ്ട് അമേയ ഫ്ലയിങ് കിസ് അടിച്ചു.

അതുകണ്ടു ക്ലാസിൽ മൊത്തം പൊട്ടി ചിരിയുയർന്നു.

എന്നാൽ ഇതൊക്കെ കണ്ടുകൊണ്ട് രണ്ടു നേർത്ത മിഴികൾ ജനലിന് മറുവശം നിൽപ്പുണ്ടായിരുന്നു.

മറ്റാരുമായിരുന്നില്ല രുദ്രരൂപ തന്നെയായിരുന്നു.

ജനൽ കമ്പികളിൽ പിടിച്ചു നിന്ന രുദ്രയുടെ കോപം കത്തി കയറിയതും കൈകൾക്കിടയിൽ ഞെരിഞ്ഞ് കമ്പി പൊട്ടിപ്പോയി.

എന്നിട്ടും കലിയടങ്ങാതെ രുദ്ര അവിടുന്ന് കാറ്റ് പോലെ പാഞ്ഞു പോയി

ആ സമയമാണ് കമ്പ്യൂട്ടർ ലാബിന് പിന്നിൽ നിന്നും അടക്കി പിടിച്ച ഒരു സംസാരം രുദ്ര കേട്ടത്.

അവൾ അതെന്താണെന്ന് അറിയുവാനായി ശ്രദ്ധിച്ചു കേൾക്കാൻ തുടങ്ങി.

അത്‌ നന്ദിനി മിസിന്റെയും ജാനകി മിസ്സിന്റെയും ശബ്ദമായിരുന്നു.

എന്നാലും എന്റെ മിസ്സേ…… ഞാൻ മഹി സാറിനോട് ഇഷ്ടമാണ് എന്നൊക്കെ എങ്ങനെ പറയും?